Números 24:6 - Bible in Tzeltal Bachajón

⁶ Hich bin ut'il spamlejetic te spucoj sbahic, hich bin ut'il ts'unubiletic ta ti' muc'ul-ha', hich bin ut'il áloes ts'umbilic yu'un Jehová, hich bin ut'il cedrohetic ta ti'ti'ha'.

Bible in Tzeltal de Oxchuc y Tenejapa

⁶ Mero najt'ic xcholoj sbaic jichuc palmaetic yilel, jich bit'il ts'unbil nichimaltic ta ti'ja' yilel, ja' te ts'unbil áloetic yu'un Cajwaltic, ja' te cedroetic ta ti'ja' yilel.

Números 24:6 Iomraidhean Croise

Génesis 13:10

Te Lot la shach sit, la yil spisil te spamlej yu'un Jordán te ay bayel ha'etic tey a, hich yilel te bin ut'il sts'unub-yawal Jehová, hich yilel te bin ut'il te sq'uinal Egipto ta stojol Zoar. Hich ay a te c'alal ma to ba sjinoj Jehová te Sodoma soc te Gomorra.

Salmos 1:3

Hich ya xc'oht te bin ut'il te' te ts'umbil ta ti' muc'ul-ha', te ya yac' sit ta yorahil soc ma xluhbaj te ya'binal; soc lec ya xc'oht spisil bintic ya spas.

Salmos 104:16

Bayel ya'lel ya stahic te te'etic yu'un Jehová, ha te cedrohetic ta Líbano te ts'umbil yu'une.

Salmos 45:8

Spisil te ac'u' apac' yich'ojic mirra, áloe soc canela; c'alal ta nahetic yu'un ajwaliletic te ch'albilic ta marfil ya ya'bat tse'el awo'tan ta scuenta instrumentohetic yu'un música te ay scuerdahil.

Cantares 6:11

Cohon bahel ta ts'umbil nogal te'etic ta yilel te bintic puhlinem ta spamlej, ta yilel teme pulinemic te ts'usubiletic, teme nichinemiquix te granadahetique.

Isaías 41:19

Ya cac' ta jochol taquin q'uinal te cedro, acacia-te', arrayan soc te olivo; ta banti taquin q'uinal ya cac' te ciprés, te taj soc te abeto-te',

Isaías 58:11

Te Jehová ya stojobtesat bahel spisil ora, ta taquin q'uinal ya ya'bat bin ya xtuhun awu'un, soc ya ya'be yip te abaquele. Hich ya xc'ohat te bin ut'il ts'umbil nichimetic te a'bibil ya'lel, hich te bin ut'il sloq'uib-ha' te jc'axel ma xtup'.

Jeremías 17:18

Ac'a q'uexawuc te j'uts'inwanejetic cu'un, ma me xawac' te ya xq'uexawanon; ac'a xiwuquic, ma me xawac' xiwucon ho'on. Ac'a taluc ta stojolic te yorahil bin chopol, jinticlana soc cheb buelta jinel.

Jeremías 31:12

Ya me xtalic soc aw yu'un tse'el-o'tanil ta sba wits Sión, ya me smulambe yutsil slequil te Jehová: ha te trigo, vino soc aceite, te yalatac te tuminchijetic soc te wacaxetique. Hich ya xc'oht scuxlejalic te bin ut'il awal-ts'unubil te ay ya'lel, mayuquix bin ora ya xlaj yipic.

Ezequiel 47:12

Ta jujujehch sti'il te muc'ul-ha' ya xcol spisil ta chahp te'etic te ya yac'ticlan sit. Ma ba ya xluhbaj ya'binal soc spisil ora ay sit. Ta jujun u ya yac'ticlan sit, como te ya'lel yac ta loq'uel tal ta ch'ul awilal. Te sit ya xtuhun yu'un we'elil soc te ya'binal ya xtuhun yu'un pox.

Joel 3:18

Ya xc'oht ta pasel ta hich ora, te witsiltic ya xt'uhlajic ya'lel ts'usub, ya x'oquin leche ta tsehletic, soc ta spisil te uc'umetic yu'un Judá ya x'oquin ha'. Ya xloc' tal sloq'uib-ha' ta sna Jehová te ya yahts'es te spamlej yu'un Sitim.

Números 24:5

¡Buen t'ujbil te nahilpaq'uetic awu'un, Jacob, te banti nahinemat, Israel!