Números 23:1 - Bible in Tzeltal Bachajón

¹ Te Balaam la yalbe te Balac: Pasbon huqueb scajtajib ta chiq'uel mahtaniletic li'i, soc chahpambon huqueb jcolel torohetic soc huqueb tat tuminchijetic, xchi.

Bible in Tzeltal de Oxchuc y Tenejapa

¹ Jich yu'un te Balaam la yalbey: —Pasbon juqueb scajtijib ta chiq'uel majt'aniletic li'to, soc chajbanbon juqueb toroetic soc juqueb tat chijetic —xi' te Balaam.

Números 23:1 Iomraidhean Croise

2 Reyes 18:22

Teme hich yac awalbonic: Ha smuc'ulinej co'tancotic te Jehová te Dios cu'uncotic, teme xchihexe, ¿ma bal ha'uc yu'un Dios te toyol awilaletic soc scajtajib ta chiq'uel mahtaniletic te la sjinticlan te Ezequías, soc te hich la yalbe te Judá soc te Jerusalén: Ha nax yac ach'uhuntayic ta stojol ha'i scajtajib mahtanil ini ta Jerusalén, te xchihe?

1 Crónicas 15:26

Te bin ut'il Dios coltayotic yu'un te levitahetic te yac sq'uechbelic bahel te scaxahul te chapbil-c'op yu'un Jehová, la yaq'uic huqueb torohetic soc huqueb tat tuminchijetic scuenta milbil mahtanil.

2 Crónicas 29:21

La yiq'uic tal huqueb jcolel torohetic, huqueb tat tuminchijetic, huqueb tuminchijetic soc huqueb tentsunetic scuenta stojel mulil yu'un te ban c'alal smacoj ta ajwalil, yu'un te templo, soc yu'un Judá. Te ajwalil la yalbe te sacerdotehetic te sts'umbal Aarón te ya me yaq'uic ta scajtajib mahtanil yu'un Jehová.

Job 42:8

Ha yu'un yo'tic ya me atsaquic huqueb jcolel torohetic soc huqueb tat tuminchijetic, bahanic ta stojol te ca'bat Job, ac'ahic scohtol chic'bil mahtanil ta acuentahic. Te ca'bat Job ya sc'opombeyex Dios, soc ya quich'be ta cuenta te sc'op scuenta yu'un ma ba ya ca'beyex awocolic yu'un te ma ba stojil la awalbonic jc'oblal, hich te bin ut'il la yal te ca'bat Job, xchi.

Éxodo 20:24

Ya me apasbon ta puro lum te scajtajib ta chiq'uel mahtanil, tey yac awac' a te scohtol chic'bil mahtaniletic, te mahtaniletic scuenta lamal q'uinal, te tuminchijetic soc wacaxetic awu'unique. Ta spisil lugar banti ya cac' te sna'ojibal te jbihile, tey ya xtalon ta atojol soc tey ya ca'bat bendición a.

Proverbios 15:8

Te Jehová ya yihlay te chic'bil mahtanil ya yaq'uic te mach'atic chopol yo'tanic, pero lec yo'tan yu'un te mach'atic toj yo'tanique.

Ezequiel 33:31

Ya xtalic ta atojol hich te bin ut'il c'ahyemic ta spasel te ants-winiquetic, ya xhuhcajic ta atojol scuenta pueblo cu'un. Ya ya'iybat ac'op, pero ma ba ya sch'uhunic spasel; ya yalic te ya sc'anic, pero te yo'tanic ya st'unic te sbic'tal yo'tanique.

Ezequiel 45:23

Te huqueb c'ahc'al te ya xhalaj te q'uin, ta jujun c'ahc'al ya me yac' ta stojol Jehová huc-coht jcolel torohetic soc huc-coht tat tuminchijetic te mayuc bin jihnem yu'unic scuenta scohtol chic'bil mahtanil; soc ta jujun c'ahc'al ya me yac' jcoht tat tentsun scuenta milbil mahtanil yu'un stojel mulil.

Números 22:41

Ta schebal c'ahc'al te Balac la yic' mohel te Balaam ta Bamot-baal, tey la yil cohel a j'ohlil te pueblo.

Números 23:2

Te Balac hich la spas te bin halbot yu'un Balaam. Ta schebalic la yaq'uic jcoht jcolel toro soc jcoht tuminchij scuenta chic'bil mahtanil ta jujun scajtajib.

Números 23:29

Ha yu'un te Balaam la yalbe te Balac: Pasbon huqueb scajtajib ta chiq'uel mahtaniletic li'i, soc chahpambon huqueb jcolel toro soc huqueb tat tuminchij, xchi.

Números 23:30

Te Balac hich la spas te bin la yal te Balaam. Ta jujun scajtajib la yac' jujucoht jcolel toro soc jujucoht tat tuminchij.

Números 29:32

Ta shuquebal c'ahc'al ya me awaq'uic huc-coht jcolel torohetic, cha'coht tat tuminchijetic, soc chanlajuncoht (14) tuminchijetic te jujun ya'bilal, te mayuc bin jihnem yu'unic;

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

Judas 1:11

¡Ay me swocolic! como st'unojic te be yu'un Caín, howiyemic hich te bin ut'il Balaam ta slehel taq'uin te ma stojiluc; pajal lajic soc te toybahil yu'un Coré.

1 Samuel 15:22

Ha yu'un hich la sjac' te Samuel: ¿Ha bal c'ax lec xan yo'tan Jehová yu'un scohtol chic'bil mahtaniletic soc milbil mahtaniletic, te bin ut'il sch'uhumbeyel te sc'op Jehová? Ha lec xan a te xch'uhumbeyel smandar te bin ut'il a'beyel milbil mahtaniletic; soc ha lec xan a te a'iybeyel sc'op te bin ut'il sjuhp'el tuminchijetic.