Números 21:9 - Bible in Tzeltal Bachajón

⁹ Hich te Moisés la spasbe sloc'omba chan ta bronce, la sjohc'an ta te'. Te mach'a ya xti'ot ta chan, ya yil te chan pasbil ta bronce, hich ya xcuxaj.

Bible in Tzeltal de Oxchuc y Tenejapa

⁹ Te Moisés la spasbey sloc'omba chan ta bronce, la sjojc'an ta te'. C'alal ay mach'a ti'bilix yu'un a te chane, la stoy moel sit ta yilel te sloc'omba chan pasbil ta bronce, jich a col.

Números 21:9 Iomraidhean Croise

2 Reyes 18:4

La sloq'ueslan te toyol awilaletic, la swuyticlan te ch'ultesbil tonetic, la sts'eticlan te sloc'omba Asera, soc la slajin te sloc'omba chan pasbil ta bronce te spasoj te Moisés, como ta hich ora te snich'nab Israel yac schic'belic pom ta stojol; a'bot sbihilin Nehustán te chane.

Isaías 45:22

Suhtanic tal ta jtojol, hich ya xcolex apisilic ta sti'il te bahlumilale; como ho'on Dioson, mayuc yan.

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.

San Juan 1:29

Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

San Juan 12:32

Soc ho'on, c'alal ya quich' toyel hahchel ta lum, ya me quic' ta jtojol spisil ants-winiquetic, xchi.

San Juan 6:40

Hich ay te bin ya sc'an yo'tan te mach'a la sticonon tal: ha te ayuc scuxlejal sbahtel q'uinal spisil te mach'a ya yil te Nich'anil soc ya sch'uhun; soc ya jcha'cuxajtes ta slajibal c'ahc'al, xchi.

Romanos 1:17

como ya xchicnaj ta lec yach'il c'op te stojil ya'tel te Dios, te ha ya xchicnaj ta scuenta sch'uhunel-o'tanil c'alal shahchibal c'alal slajibal, hich te bin ut'il ts'ihbabil: Te mach'a toj yo'tan, ha ya xcuxaj ta scuenta sch'uhunel yo'tan, te xchihe.

Romanos 8:3

Como te bin ma ba hu' yu'un te Ley ta scaj te mayuc yip te ch'ich'-baq'uet, Dios la spas te bin ut'il la sticon tal te Snich'an te hich nix sbaq'uetal te bin ut'il te jmulawil baq'uet, soc ta scaj mulil, hich la yac' ta tojel te mulil ta baq'uet,

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

Hebreos 12:2

ac'a jt'ojan jsitic ta Jesús, te mach'a la shach soc te ya shu'tes te sch'uhunel co'tantic, ha te mach'a la sc'ases swocol ta cruz yu'un la sna' te ya sta bayel yutsil yo'tan ta patil, mayuc sc'oblal ta yo'tan te q'uexlal yu'une, soc la shuhcan sba ta swa'el te smuc'ul huctajib te Diose.

1 Juan 3:8

Te mach'a ya'telinej spasel mulil, ha me yu'un pucuj stuquel, como te pucuj stalel la sle mulil ta shahchibal to tal. Ha scuentahil te chicnaj te Snich'an Dios, yu'un ya slajimbe ya'tel te pucuje.