Números 21:6 - Bible in Tzeltal Bachajón

⁶ Hich te Jehová la sticombe tal ti'awal chanetic ta yohlilic, hich lajic ta ti'el ta chan; bayel chamic yu'un te snich'nab Israel.

Bible in Tzeltal de Oxchuc y Tenejapa

⁶ Te Cajwaltic la sticunbey tel jti'awal chanetic. Lajic ta ti'el yu'un, jich lajic bayal israeletic.

Números 21:6 Iomraidhean Croise

Isaías 14:29

Apisilic, filisteohex, ma me tse'eluc awo'tanic yu'un te waq'uix te xul te la yehchentesat; como ta slohp' te chan ya xloc' tal ti'awal chan, te sit ya yac' ha c'ahc'al chan te ya xwiluntaywan.

Isaías 30:6

Te sc'op jalwanej ta stojol te chambahlametic ayic ta Neguev: Ta lumq'uinal yu'un uts'inel soc wocol, ta banti ay chojetic soc me' chojetic, ti'awal chanetic soc chanetic te ya xwihlic, tey ya yich'ic bahel ta burrohetic te sc'ulejalic, te bintic tsobil yu'unic ya yich'ic bahel ta sc'ujulil spat camellohetic, ya yich'ic bahel ta jun pueblo te ma xtuhun yu'unique.

Jeremías 8:17

Ilawil, ya jticon tal ta atojolic ti'awal chanetic, chanetic te ma xhu' ta monel, ya me sti'ex, xchi te Jehová.

Ezequiel 14:15

Teme ya jticon bahel ti'awal chambahlametic ta sq'uinal yu'un ya smilticlambe te swinquilel, te hich ya xc'atp'uj ta jochol taquin q'uinal, te mayuc mach'a ya xc'ax tey a ta scaj te ti'awal chambahlametic,

1 Corintios 10:9

Soc ma me jtsajtic te Cajwaltic, hich te bin ut'il ay la stsajic stuquelic, hich lajic ta ti'el ta chan.

Deuteronomio 8:15

te la yic'at bahel ta muc'ul jochol taquin q'uinal te xiweltic sba, te nojel ta ti'awal chanetic soc tsequetic; te ta q'uinal banti ay taquinti'il soc te mayuc ha' la sloq'uesbat tal ha' ta buen tulan ton;