Números 14:10 - Bible in Tzeltal Bachajón

¹⁰ Ha yu'un spisil te pueblo c'an sch'ojic ta ton yu'un. Pero te yutsilal Jehová chicnaj ta Nahilpac' Templo yu'un tahojibal ta stojol spisil te snich'nab Israel.

Bible in Tzeltal de Oxchuc y Tenejapa

¹⁰ Te c'alal jich yacal ta yalel a, te lum ya c'an xch'ojic ta ton. Jich yu'un te yutsil xojobil te Cajwaltic chicnaj ta sitic ta spisilic te israeletic ta Nailpac' te bay ya yich' c'oponele.

Números 14:10 Iomraidhean Croise

Éxodo 16:10

C'alal yac to ta c'op a te Aarón ta stojol spisil te pueblo yu'un te snich'nab Israel, la yilic bahel ta jochol taquin q'uinal, chicnaj te yutsilal Jehová ta tocal.

Éxodo 16:7

soc pajel ta sab ya me awilbeyic yutsilal te Jehová, yu'un la ya'iybeyex te atijawic ta c'op ta scontrahinel Jehová. Yan te ho'otcotique, ¿mach'ahotcotic yac awa'iyic a te yac atijotcotic ta c'op? xchihic.

Éxodo 17:4

Ha yu'un te Moisés la yawtay te Jehová, hich la yal: ¿Bin ya jpas soc te pueblo ini? Jteb xanix ya sc'an ma ba ya sch'ojonic ta ton, xchi.

Éxodo 40:34

Ha yu'un te tocal la smuc te Nahilpac' Templo yu'un tahojibal, te yutsilal Jehová noj yu'un te Nahilpac' Templo.

Levítico 9:23

Te Moisés soc Aarón ochic bahel ta Nahilpac' Templo yu'un tahojibal. C'alal loq'uic tal, la ya'beyic bendición te pueblo; hich chicnaj te yutsilal Jehová ta stojol te pueblo.

Números 16:19

Te Coré la stsob spisil te pueblo ta stojol te yochibal te Nahilpac' Templo yu'un tahojibal ta scontrahinel te Moisés soc te Aarón. Te yutsilal Jehová chicnaj ta stojol spisil te pueblo.

Números 16:42

Te c'alal la stsob sbahic ta scontrahinel te Moisés soc Aarón, la yilic bahel ta stojol te Nahilpac' Templo yu'un tahojibal te tal ta axintesel ta tocal, soc chicnaj tey a te yutsilal te Jehová.

Números 17:7

Te Moisés la yac' hilel te nahbate'eletic ta stojol Jehová ta Nahilpac' yu'un te Testigo-c'op.

Números 20:6

Te Moisés soc Aarón loq'uic bahel ta stojol te snich'nab Israel, bahtic ta yochibal te Nahilpac' Templo yu'un tahojibal, la spahcan sbahic ta lum. Chicnaj yutsilal Jehová ta stojolic.

San Mateo 23:37

¡Jerusalén, Jerusalén te yac amilticlanic te jalwanejetic soc te yac ach'ojticlanic ta ton te mach'atic ticombilic tal ta atojolic! ¡Bayel buelta c'an jtsob te awal-anich'nabic hich te bin ut'il ya stsob yalatac ta ye'tal xic' te me'mut, pero ma la ac'anic!

Hechos 7:52

¿Ay bal jtuhluc jalwanej te ma ba la yich' uts'inel yu'un ame'atatic? La smilic te mach'atic nahil la yalbeyic sc'oblal te Mach'a toj yo'tan, te ha nix la awaq'uiquix ta c'abal soc la amiliquix,

Hechos 7:59

C'alal yacalic ta sch'ojel ta ton a, la sc'opon Dios te Esteban: Cajwal Jesús, ic'bon jch'uhlel, xchi.

1 Samuel 30:6

Ay swocol yu'un mel-o'tan te David, como te winiquetic la yalic sch'ojel ta ton, como ta spisil te winiquetic pich'il yo'tanic ta scaj te ach'ix queremetic yu'unique. Pero te David la sta yip yo'tan ta stojol Jehová te Dios yu'une.