Números 13:21 - Bible in Tzeltal Bachajón

²¹ Hich mohic bahel soc la stsahtayic te q'uinal c'alal ta jochol taquin q'uinal Zin ha to ta Rehob, ta nopol yochibal Hamat.

Bible in Tzeltal de Oxchuc y Tenejapa

²¹ Bajt'ic te winiquetic, ba stsajtayic tel te q'uinal, c'alal ta jochol taquin q'uinal Zin ta stojol sur, ja' to ta lum Rehob ta stojol norte, te nopol yiloj sba soc yochibal bael Hamat.

Números 13:21 Iomraidhean Croise

2 Samuel 8:9

Te Toi ajwalil yu'un Hamat, te c'alal la ya'iy te tsalotix yu'un David spisil te soldadohetic yu'un Hadad-ezer,

Jeremías 49:23

Hich ay sc'oblal te Damasco: Te Hamat soc Arfad ma sna'ic bin ya spasic, como la ya'iyic te bintic ma lecuc te ya xc'oht ta pasel; ya xnihc yo'tanic yu'un xiwel, hich te bin ut'il mar te ma xhu' ta lahmajtesel.

Jeremías 52:9

La stsaquic te ajwalil, la yiq'uic bahel ta stojol te ajwalil yu'un Babilonia te ay ta Ribla, ta sq'uinal Hamat, te banti halbot bin ya xpasbot.

Ezequiel 47:16

Berota, soc Sibraim te ay ta ohlil yu'un te sti'il Damasco soc te sti'il Hamat; ya xbaht ta Hazar-haticón te ay ta sti'il Haurán.

Amós 6:2

Bahan ta Calne, ilawilic, c'axan bahel ta muc'ul Hamat patil cohanic bahel ta Gat yu'un te filisteohetique. ¿Yu'un bal c'ax lec xan te ha'ex te bin ut'il te nacionetic ini? ¿Yu'un bal c'ax muc' xan te sq'uinalic te bin ut'il te aq'uinalique?

Números 20:1

C'ohtic spisil te pueblo yu'un te snich'nab Israel ta jochol taquin q'uinal Zin ta shahchel u, la spas scampamentohic ta Cades. Tey cham a te María, soc tey la yich' muquel a.

Números 27:14

Como la ac'axuntaybonic te jmandar ta jochol taquin q'uinal Zin te c'alal hahchic ta c'op te pueblo, ma ba la awich'onic ta cuenta te Ch'ul Dioson ta stojolic tey ta ha'etic, xchi. (Ha te ha'etic yu'un Meriba te ay ta Cades ta jochol taquin q'uinal Zin.)

Números 33:36

Loq'uic bahel ta Ezión-geber, la spas scampamentohic ta jochol taquin q'uinal Zin, ha te Cades.

Números 34:8

ta wits Hor ya xc'ax bahel ta yochibal Hamat, tey ya xbaht c'alal ta Zedad,

Deuteronomio 1:24

Te winiquetic loq'uic bahel, mohic bahel ta witsiltic, c'ohtic ta spamlej yu'un Escol, la stsahtayic te q'uinale.

Deuteronomio 32:51

Ha ta scaj te achebalic ma junuc awo'tanic la awac' abahic ta jtojol ta stojol te snich'nab Israel, ta ha'etic ta Meriba-cades ta jochol taquin q'uinal Zin, ma ba la awich'onic ta muc' ta yohlil te snich'nab Israel.

Josué 13:5

te sq'uinal te gibletic, soc spisil te Líbano ta stojol banti ya xloc' tal c'ahc'al, c'alal ta Baal-gad te ay ta ye'tal wits Hermón, ha to c'alal ta yochibal Hamat.

Josué 15:1

Te q'uinal te c'oht ta scuenta te sts'umbal Judá ta scuenta spasbeyel seña ta na'el, chican te jaychahp ayic, c'oht c'alal ta sti'il Edom, soc yich'oj te jochol taquin q'uinal Zin, ta stojol sur.

Jueces 18:28

Mayuc mach'a coltayotic yu'un como namal yiloj sba soc Sidón, stuquel ayic. Te Lais ay ta spamlej te ay ta sts'ehl Bet-rehob. Patil la scha'pasic xan te pueblo, tey nahinic a.