Números 1:3 - Bible in Tzeltal Bachajón

³ Te mach'atic ayic ta jtahb (20) ya'bilal bahel, ha'at soc Aarón ya me awahtayic spisil mach'atic ya xhu' ya xbahtic ta guerra, ta scuenta jujuchahp soldado yu'unic.

Bible in Tzeltal de Oxchuc y Tenejapa

³ te ayic ta jtab ja'wil bael te ya xju'ix yu'unic guerra. Najc'anbeya te sbiilic ta jun swenta soldado. Ja' me ya scoltayat te Aarón soc

Números 1:3 Iomraidhean Croise

2 Samuel 24:9

Te Joab la ya'be te ajwalil te jayeb loc' ta ahtayel te pueblo. Ay ta Israel ho'winic ta pic (800,000) winiquetic te ya xhu' yu'unic guerra; ta Judá ay j'ohlil yoxeb chanwinic ta pic (500,000) ta tuhl.

1 Crónicas 5:18

Te sts'umbal Rubén, Gad soc te j'ohlil sts'umbal Manasés, ha winiquetic te ay yipic, te chapalic ta mahquilal soc espada, ya sna'ic yaq'uel t'ihmalte', soc p'ijubenic ta guerra. Ay ho'pic soc waxaclajunwinic slahchaybahc' (44,760) winiquetic te ya yaq'uic guerra.

2 Crónicas 25:5

Te Amasías la stsob tal spisil Judá ta scuenta chahpalchahp sts'umbalic, la ya'be jtsobawetic yu'un jujumil (1,000) soc ho'ho'winic (100) ta stojol spisil Judá soc Benjamín. Patil la yac' ta lista spisil te mach'atic ayix jtahb (20) ya'bilal, ay j'ohlil swaxaclajuneb scha'winic ta pic (300,000) ta tuhl te tsahbilic te ya xhu' yu'unic guerra soc lanza soc mahquilal.

Éxodo 12:17

Ya me apasulanic te Q'uin yu'un Pan te ma ba yich'oj levadura, como ha nix sc'ahc'alel a te la jloq'uesex tal apisilic ta Egipto; ha yu'un ta cajalcaj bahel ats'umbalic ya me awich'ic ta muc' te c'ahc'al ini scuenta mandaril te ma xlaj sc'oblal.

Éxodo 30:14

Spisil te mach'atic ahtaybil te jtahb ya'bilalic bahel, ya me ya'beyic te smahtan te Jehová.

Éxodo 38:26

j'ohlil siclo la yac' jujutuhl, hich te bin ut'il te siclo yu'un te ch'ul awilal, spisilic te ochic ta censo te stahojic jtahb ya'bilal bahel, ay ho'lajuneb schanwinic ta pic soc lajuneb yoxwinic sbalunbahc' (603,550) ta tuhl.

Números 14:29

Ya xlaj hilel abaq'uetalic li' ta jochol taquin q'uinal ini, spisil te mach'atic la yich'ic ahtayel te ay jtahb (20) ya'bilal bahel te la scontrac'optayonic.

Números 26:2

Ahtayahic spisil te pueblo Israel te ayix jtahb ya'bilal, ta jujuchahp sna te sme'static, spisilic ta Israel te ya xhu' yu'unic ya xbahtic ta guerra, xchi.

Números 3:15

Ahtaya te sts'umbal Leví ta scuenta jujuchahp sna sme'static soc jujuchahp te mach'atic ayic ta snahic; ahtaya spisil winiquetic soc queremetic te ay jun u yayinelic, xchi.

Números 32:11

Te mach'atic loq'uic tal ta Egipto te ayix jtahb ya'bilalic ma ba ya yilic te q'uinal te la jcalbe ta jamal te Abraham, Isaac soc Jacob te ya ca'beyic, yu'un ma ba jun yo'tan la st'unonic bahel;

Números 33:1

Hich ay te banti behenic c'axel te snich'nab Israel c'alal loq'uic tal ta Egipto ta jujuchahp, ta scuenta j'ic'aw Moisés soc Aarón.

Números 4:3

te stahojic lajuneb scha'winic (30) ya'bilal c'alal ta lajuneb yoxwinic (50) ya'bilal, spisil mach'atic te ya xhu' ya x'ochic ta a'tel ta Nahilpac' Templo yu'un tahojibal.

Deuteronomio 24:5

Teme ay mach'a nuhpunel to, ma me xbaht ta guerra soc ma me ayuc bin a'telil ya x'a'bot spas, hich nax ac'a ayinuc ta sna junuc ha'bil, scuenta yu'un buen tse'el yo'tan ya x'ayin soc te yihname.

Deuteronomio 3:18

Ta hich ora hich la jcalbeyex: Te Jehová te Dios awu'unic la ya'beyex hilel te q'uinal ini; pero chapaluc yu'un guerra a ya me xbahtic spisil mach'atic ma xiwic, ya me xnahilijic bahel yu'un te awermanotac, te snich'nab Israel.