San Lucas 3:3 - Bible in Tzeltal Bachajón

³ Hich la yocliy spahmal te q'uinal ta ti'ti'ha' Jordán, yac yalbebel sc'oblal ich'-ha' yu'un suhtesel-o'tanil yu'un muliletic,

Nuevo Testamento Tzeltal de Amatenango

³ Te Juane la yokli spisil te tiꞌtiꞌjaꞌ Jordane. La yalbe spisil te genteetik te a me sujtes yoꞌtanik yuꞌun te smulike sok a me yichꞌik jaꞌ, yuꞌun jich me ya spasbot perdon yuꞌun Dios te smulike.

Bible in Tzeltal de Oxchuc y Tenejapa

³ Jich la yoclin spisil te ti'ti'ja' Jordán. La yalbey te ants-winiquetic te ac'a sujt'es yo'tanic ta stojol te Diose, soc ac'a yac' sbaic ta ich'ja', yu'un jich me ya spasbot perdón yu'un a te smulique.

San Lucas 3:3 Iomraidhean Croise

San Mateo 3:11

Melel te ho'one ha nax ya ca'beyex awich'ic ha' ta scuenta suhtesel-o'tanil, yan te mach'a yac ta talel ta jpat, te ma xtuhunon yu'un yich'beyel bahel step, ha toyol xan ya'tel a te bin ut'il te ho'one. Ha me ya ya'beyex awich'ic te Ch'ul Espíritu soc c'ahc'.

San Lucas 1:16

Ya me ya'be suhteslan yo'tanic ta stojol Dios tsobol te al-nich'anetic yu'un Israel.

San Lucas 1:77

yac awa'be sna'ic te pueblo yu'un sc'oblal colel te ay ta scuenta spasel perdón yu'un smulic,

San Lucas 4:1

Te Jesús, nojel ta yo'tan te Ch'ul Espíritu, loc' bahel ta Jordán, ic'ot bahel yu'un te Espíritu ta jochol taquin q'uinal

San Juan 1:28

Hich c'oht ta pasel ta Betábara, ta jehch muc'ul-ha' Jordán, te banti yac ta yaq'uel ich'-ha' te Juan.

San Juan 3:26

Talic ta stojol te Juan, hich la yalbeyic: Rabí, te mach'a la sjoquinat ta jehch Jordán, ha te la awalbe sc'oblal, ha nix hich ayix ta yaq'uel ich'-ha', soc spisilic yaquic ta bahel ta stojol, xchihic.

Hechos 13:24

C'alal ma to xtal a, te Juan hahch yalbe ya'iy spisil te pueblo yu'un Israel te bin ut'il ay sc'oblal te ich'-ha' scuenta suhtesel-o'tanil.

Hechos 19:4

La yal te Pablo: Te Juan la yac' ich'-ha' ta scuenta suhtesel-o'tanil, la yalbe ya'iyic te ants-winiquetic te ya me sch'uhunic te mach'a patil ya xtal yu'une, ha te Jesús, xchi.

Hechos 22:16

Yo'tic, ¿bin ya scomat? Hahchan, ac'a aba ta a'beyel awich' ha' soc poca loq'uel amul, c'opona te Diose, xchi.