San Lucas 1:15 - Bible in Tzeltal Bachajón

¹⁵ como muc' sc'oblal ya xc'oht ta stojol Dios. Ma me xyuch' vino o bin pajuben, soc ya xnoj ta yo'tan te Ch'ul Espíritu te c'alal wolbil to yu'un snan a.

Nuevo Testamento Tzeltal de Amatenango

¹⁵ Yuꞌun te anichꞌane mukꞌ me ya xkꞌot ta sit te Diose. Makꞌ me yuchꞌ bino sok te yanetik uchꞌbalile. Nojelix ta yoꞌtan te Chꞌul Espíritu te tut ora ya xꞌayine.

Bible in Tzeltal de Oxchuc y Tenejapa

¹⁵ Yu'un muc' me ya xc'ot ta stojol te Diose. Xujt' ma xyuch' vino soc te yantic tulan uch'balile. Nojelix ta yo'tan a te Ch'ul Espíritu te c'alal ya x'ayine.

San Lucas 1:15 Iomraidhean Croise

Génesis 12:2

Muc'ul nación ya xc'ohat cu'un, soc ya ca'bat bendición ta atojol, muc' ya xc'oht abihil cu'un, soc ha'at bendición ya xc'ohat.

Génesis 48:19

Pero ma ba la sc'an te state, hich la yalbe: Ya jna', jnich'an, ya jna'. Ha nix hich muc'ul pueblo ya xc'oht, soc ha nix hich muc' sc'oblal ya xc'oht; pero c'ax hich ya xc'oht a te yihts'ine, soc bayel ta chahp nacionetic ya xloc' a te sts'umbale, xchi.

1 Crónicas 17:8

La joquinat ta bayuc bahat soc la jlajin spisil acontratac ta atojol. Ya cac' te muc' ya xc'oht abihil hich te bin ut'il sbihilic te mach'atic bayel sc'oblalic ta bahlumilal.

1 Crónicas 29:12

Tey ya xtal ta atojol a te c'ulejalil soc te utsilal, ha'at yac acuentahin spisil. Ay ta ac'ab te awip soc awu'el, soc ay ta acuenta stoybeyel sc'oblal soc ya'beyel yip spisilic.

Salmos 22:9

Pero ha'at te mach'a la aloq'ueson ta yawil alal; la awac' smuc'ulinat co'tan c'alal ya to schu'unteson a te jnane.

Jeremías 1:5

Te c'alal ma to pasbilat cu'un ta sch'uht a te anan, la jna'bat aba; te c'alal ma to x'ayinat a, parte la jcac'at; la jca'bat awa'tel ta jalwanej ta stojol te nacionetique, xchi.

Jeremías 35:6

Pero la sjaq'uic: Ma ba ya cuch'cotic vino, como te Jonadab snich'an Recab, te jtatcotic hich la spasotcotic ta mandar: Ma me ayuc bin ora yac awuch'ic vino, ha'ex soc te ats'umbalique.

Levítico 10:9

Ha'at soc anich'nab te sjoquinejat, ma me xawuch'ic vino o yan bin pajuben te bin ora ya x'ochex bahel ta Nahilpac' Templo yu'un tahojibal, scuenta yu'un ma ba ya xchamex. Ha mandaril te ma xlaj sc'oblal yu'un cajalcaj ats'umbal,

Zacarías 9:15

Te Jehová te scuentahinej spisil ya me scanantay te mach'atic yu'un, ya me slajinic soc ya me sts'o'ic ta teq'uel te tonetic yu'un jihmuch'il; ya me yuch'ic soc ay me xjuyetic hich te bin ut'il yuch'ojic vino, ya xnoj sch'uhtic hich te bin ut'il muc'ul taza, hich te bin ut'il te xulubiletic yu'un te scajtajib ta chiq'uel mahtanil.

San Lucas 1:14

Bayel yutsil awo'tan soc tse'el awo'tan yu'un, soc tsobol mach'atic ay yutsil yo'tanic yu'un te ya x'ayine,

San Lucas 7:28

Ya calbeyex, ta spisil te mach'atic alataybilic yu'un antsetic, mayuc muc' xan jalwanej te bin ut'il Juan J'ac'-ich'-ha'. Pero te mach'a peq'uel ay ta banti ay te cuentahinel yu'un Dios, ha toyol yu'un, xchi.

San Lucas 7:33

Como tal te Juan J'ac'-ich'-ha' te ma ba la swe' pan soc ma ba la yuch' vino, pero yac awalic: Ay pucuj ta yo'tan, xchihex.

San Juan 5:35

Te Juan ha c'ahc' te tihl soc te la sacubtes q'uinal; soc la ac'anic te che'oxeb c'ahc'al te tse'el awo'tanic ya x'ayinex ta sacal q'uinal yu'un.

Hechos 2:4

Ta spisilic noj ta yo'tanic te Ch'ul Espíritu, hahchic ta c'op ta yantic c'opiletic, ha chican bin c'opil ac'otic ta c'op yu'un te Espíritu.

Gálatas 1:15

Pero Dios, te la stsahon te ma to x'ayinon a soc te la yic'on ta scuenta te yutsil yo'tan, c'alal lec la ya'iy

Efesios 5:18

Ma me xyacubex yu'un vino, te ha ya xbohlobteswan; ha'uc me nojel ta awo'tanic te Ch'ul Espíritu.

Josué 3:7

Te Jehová hich la yalbe te Josué: Ha c'ahc'al ini ya xhahch cac' tohyuc ac'oblal ta sit spisil Israel, scuenta yu'un ya sna'ic te ya joquinat hich te bin ut'il la joquin te Moisés.

Josué 4:14

Ha nix ta yorahil a te Jehová la stohytesbe sc'oblal te Josué ta stojol spisil Israel; hahch yich'ic ta muc' hich te bin ut'il la yich'ic ta muc' te Moisés te jayeb c'ahc'al cuxule.