Levítico 4:3 - Bible in Tzeltal Bachajón

³ Teme ha ya sta smul te sacerdote te yich'oj malel ta aceite scuenta ch'ultesel, te hich ya ya'be sta smul a te pueblo, ya me ya'be Jehová jcoht jcolel toro te mayuc bin jihnem yu'un scuenta stojel mulil yu'un te smul stahoje.

Bible in Tzeltal de Oxchuc y Tenejapa

³ “Teme ja' te muc'ul sacerdote cu'un te ya sta smule, te jich ya yac'bey sta smul uuc a te yajwal lume, ya me sc'an te ya yac'bon jmajt'anin jo'on te Ajwalilon jcojt' toro te ma'yuc bila boloben ta sbaq'uetal, swenta milbil majt'anil yu'un te mulil c'oem ta pasele.

Levítico 4:3 Iomraidhean Croise

2 Crónicas 29:21

La yiq'uic tal huqueb jcolel torohetic, huqueb tat tuminchijetic, huqueb tuminchijetic soc huqueb tentsunetic scuenta stojel mulil yu'un te ban c'alal smacoj ta ajwalil, yu'un te templo, soc yu'un Judá. Te ajwalil la yalbe te sacerdotehetic te sts'umbal Aarón te ya me yaq'uic ta scajtajib mahtanil yu'un Jehová.

Esdras 8:35

Te mach'atic te suhtic tal ta chuquel la yaq'uic scohtol chic'bil mahtaniletic ta stojol te Dios yu'un Israel: ha lahchaycoht (12) jcolel torohetic, waclajuneb yo'winic (96) ta coht tat tuminchijetic, huclajuneb schanwinic (77) ta coht jcolel tuminchijetic, soc lahchaycoht (12) tat tentsunetic scuenta stojel mulil, spisilic scuenta scohtol chic'bil mahtaniletic ta stojol te Jehová.

Éxodo 29:14

Yan te sbaq'uetal te toro, te snuhculel soc stsa' ya me achic' ta c'ahc' ta sti'il te campamento. Ha me mahtanil yu'un mulil.

Éxodo 29:21

Te ch'ich' ay ta sba te scajtajib ta chiq'uel mahtanil, soc te aceite yu'un ch'ultesel, ya me atsihtsin a te Aarón soc sc'u' spac', soc te snich'nab soc sc'u' spaq'uic. Hich ch'ultesbil ya xc'oht soc te snich'nab soc te sc'u' spaq'uique.

Éxodo 29:7

Patil ya me atsac te aceite yu'un ch'ultesel, ya me amalbe ta sjol scuenta yich'el te ya'tele.

Éxodo 30:10

Jun buelta ta jujun ha'bil te Aarón ya me yac' ta sba te xulubetic te sch'ich'el te milbil mahtanil scuenta stojel mulil. Ya me spas te stojel mulil tey a jun buelta ta jujun ha'bil ta cajalcaj ats'umbalic. Ha mero ch'ultesbil yu'un Jehová, xchi.

Ezequiel 40:39

Ta yutil te slehch te ochibal, ta jujujehch ay cheb mesahetic te banti ya yich'ic milel te chambahlametic yu'un scohtol chic'bil mahtanil, mahtanil yu'un stojel mulil, soc mahtaniletic yu'un stahel falta.

Ezequiel 43:19

Te sacerdote-levitahetic te sts'umbal Sadoc, te ya xnohpojic ta jtojol yu'un ya x'a'tejic ta jtojol, xchi te Jehová, te Ajwalil, ya me awac' jcoht colel toro scuenta milbil mahtanil yu'un stojel mulil.

Ezequiel 44:27

Te bin c'ahc'alil te ya x'och ta ch'ul awilal, ta amac' ta yutil, yu'un ya spas ya'tel, ya me yac' milbil mahtanil scuenta stojel mulil, xchi te Jehová, te Ajwalil.

Levítico 1:10

Teme ya yac' tuminchij o tentsun scuenta scohtol chic'bil mahtanil, ya me yac' te stat te mayuc bin jihnem yu'une.

Levítico 1:3

Teme ya yac' wacax scuenta scohtol chic'bil mahtanil, ha me stat te mayuc bin jihnem yu'un; ya me yac' ta yochibal Nahilpac' Templo yu'un tahojibal scuenta yu'un ya x'ich'ot ta cuenta yu'un Jehová.

Levítico 16:11

Te Aarón ya yic' tal te jcolel toro te ya xtuhun scuenta mahtanil yu'un smul, ya smil te jcolel toro scuenta milbil mahtanil yu'un smul soc smul te mach'atic ay yu'un ta sna.

Levítico 16:3

Hich ya x'och bahel te Aarón ta ch'ul awilal: Ya x'och soc jcoht jcolel toro scuenta mahtanil yu'un mulil soc jcoht tat tuminchij scuenta scohtol chic'bil mahtanil.

Levítico 16:5

Ta banti te pueblo yu'un te snich'nab Israel te Aarón ya yic'be cha'coht tat tentsun scuenta mahtanil yu'un mulil soc jcoht tat tuminchij scuenta scohtol chic'bil mahtanil.

Levítico 16:6

Te Aarón ya yac' te jcolel toro yu'un scuenta stojel smul soc smul te mach'atic ay yu'un ta sna.

Levítico 4:14

C'alal ya sna'ic ta patil te stahoj smulic, te pueblo ya me yac' jcolel toro scuenta stojel mulil, ya me yic' tal ta stojol te Nahilpac' Templo yu'un tahojibal.

Levítico 4:23

C'alal ya sna' ta patil te stahoj smul, ya me yac' scuenta mahtanil jcoht tat tentsun te mayuc bin jihnem yu'une.

Levítico 4:28

C'alal ya sna' ta patil te stahoj smul, ya me yac' scuenta mahtanil jcoht yantsilel tentsun te mayuc bin jihnem yu'un, scuenta mahtanil yu'un stojel smul stahoj.

Levítico 4:5

Te sacerdote te yich'oj malel aceite ya yich' bahel jtebuc sch'ich'el te jcolel toro ta yutil te Nahilpac' Templo yu'un tahojibal.

Levítico 5:6

soc ya me yic' tal ta stojol Jehová jcoht yantsilel tuminchij o tentsun scuenta mahtanil yu'un stojel smul te stahoje. Hich te sacerdote ya spasbe te stojel smul te stahoje.

Levítico 6:18

Spisil te winiquetic te ha snich'nab Aarón ya xhu' ya swe'ic. Ha mandaril sc'oblal te chic'bil mahtaniletic yu'un Jehová te ma xlaj sc'oblal ta cajalcaj ats'umbalic. Biluc a te ya xtahot yu'un te mahtanile, ha ch'ultesbil ya xc'oht, xchi.

Levítico 8:12

La smalbe ta sjol Aarón te aceite yu'un ch'ultesel scuenta yu'un ya sch'ultes.

Levítico 9:2

hich la yalbe te Aarón: Ic'a tal jcoht jcolel toro scuenta mahtanil yu'un mulil, soc jcoht tat tuminchij te mayuc bin jihnem yu'un, scuenta scohtol chic'bil mahtanil; ya me awac'ticlan ta stojol Jehová.

Levítico 9:3

Soc hich yac awalbe te snich'nab Israel: Ic'ahic tal jcoht tat tentsun scuenta mahtanil yu'un mulil, jcoht jcolel toro soc jcoht jcolel tuminchij te jujun ya'bilal, te mayuc bin jihnem yu'unic, scuenta scohtol chic'bil mahtanil,

Números 16:22

Pero te Moisés soc Aarón la spahcan sbahic c'alal ta lum, hich la yalic: ¡Diosat, Diosat yu'un te scuxlejal spisil ch'ich'-baq'uet! ¿ma bal jtuhluc nax winic te la sta smul? ¿Bin yu'un ilinat ta stojol spisil te pueblo? xchihic.

Números 8:8

Patil ya me yiq'uic tal jcoht jcolel toro soc mahtanil harina wots'bil ta aceite; soc ha'at yac awic' tal jcoht xan jcolel toro scuenta mahtanil yu'un stojel mulil.

Romanos 8:3

Como te bin ma ba hu' yu'un te Ley ta scaj te mayuc yip te ch'ich'-baq'uet, Dios la spas te bin ut'il la sticon tal te Snich'an te hich nix sbaq'uetal te bin ut'il te jmulawil baq'uet, soc ta scaj mulil, hich la yac' ta tojel te mulil ta baq'uet,

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

Hebreos 5:3

ha scuentahil te ya sc'an ya yac' milbil mahtaniletic yu'un stojel smul soc stojel te smul te pueblo.

Hebreos 9:12

Ma ba och ta scuenta sch'ich'el tat tentsunetic o jcolel wacaxetic, ha och ta scuenta sch'ich'el nix stuquel, och bahel junax buelta ta Mero Ch'ul Awilal, te bin ut'il wehtemix yu'un te colel scuenta sbahtel q'uinal.