Levítico 3:1 - Bible in Tzeltal Bachajón

¹ Teme ha ya yac' milbil mahtanil scuenta lamal q'uinal, teme ya yac' wacax, teme stat o yantsilel, ya me yac' ta stojol Jehová te mayuc bin jihnem yu'un.

Bible in Tzeltal de Oxchuc y Tenejapa

¹ “Teme ay mach'a ya yic' tel xwacax, chican teme stat o sme', swenta yu'un ya yac'bon ta milbil jmajt'an jo'on te Ajwalilon ta swenta lamal-o'tanil, ya me sc'an te ma'yuc bila boloben ta sbaq'uetal te chambalam ya yac'bon jmajt'anine.

Levítico 3:1 Iomraidhean Croise

1 Crónicas 21:26

Tey la spas a te scajtajib smahtan Jehová te David te banti la ya'be scohtol chic'bil mahtaniletic soc mahtaniletic scuenta lamal q'uinal. La sc'opon te Jehová, a'iybot sc'op yu'un soc la sticon tal c'ahc' c'alal ta ch'ulchan te c'oht ta sba te scajtajib scohtol chic'bil mahtanil.

Éxodo 20:24

Ya me apasbon ta puro lum te scajtajib ta chiq'uel mahtanil, tey yac awac' a te scohtol chic'bil mahtaniletic, te mahtaniletic scuenta lamal q'uinal, te tuminchijetic soc wacaxetic awu'unique. Ta spisil lugar banti ya cac' te sna'ojibal te jbihile, tey ya xtalon ta atojol soc tey ya ca'bat bendición a.

Éxodo 24:5

La sticon bahel jcolel-winiquetic yu'un te snich'nab Israel te la yaq'uic scohtol chic'bil mahtaniletic soc la yaq'uic jcolel torohetic scuenta mahtaniletic yu'un lamal q'uinal ta stojol Jehová.

Éxodo 29:28

Yu'un Aarón soc snich'nab ya xc'oht, ha mandaril te ya x'a'bot te snich'nab Israel te stalel ay, como ha mahtanil te la yich' tuchilanel. Ha mahtanil te ac'bil yu'un te snich'nab Israel scuenta lamal q'uinal ta stojol Jehová.

Proverbios 7:14

Caloj te ya cac' milbil mahtanil scuenta lamal-o'tanil, nax to c'oht ta pasel cu'un te bin caloj ta jamal.

Ezequiel 43:27

C'alal ya sts'acay te huqueb c'ahc'al, ta swaxaquebal c'ahc'al bahel te sacerdotehetic ya me yaq'uic ta sba te scajtajib ta chiq'uel mahtanil te scohtol chic'bil mahtaniletic soc te mahtaniletic scuenta lamal-o'tanil awu'unic. Hich lec ya xc'ohex ta jtojol a, xchi te Jehová, te Ajwalil.

Ezequiel 45:15

Ta lajlajunwinic ta coht tuminchij ya me awaq'uic jcoht ta lequil aquetic yu'un Israel. Ha ya xtuhun ta mahtanil harina, scohtol chic'bil mahtanil soc ta mahtanil scuenta lamal-o'tanil, yu'un ya yich' tojel mulil yu'unic a, xchi te Jehová, te Ajwalil.

Levítico 1:10

Teme ya yac' tuminchij o tentsun scuenta scohtol chic'bil mahtanil, ya me yac' te stat te mayuc bin jihnem yu'une.

Levítico 1:3

Teme ya yac' wacax scuenta scohtol chic'bil mahtanil, ha me stat te mayuc bin jihnem yu'un; ya me yac' ta yochibal Nahilpac' Templo yu'un tahojibal scuenta yu'un ya x'ich'ot ta cuenta yu'un Jehová.

Levítico 17:5

scuenta yu'un te snich'nab Israel ya me yiq'uic tal ta stojol Jehová te milbil mahtaniletic te yac yac'belic ta yohl q'uinal, ha ya ya'beyic te sacerdote ta yochibal te Nahilpac' Templo yu'un tahojibal, hich ya ya'beyic smahtanin Jehová te milbil mahtanil yu'un lamal q'uinal.

Levítico 3:6

Yan teme ya ya'be Jehová milbil mahtanil scuenta lamal q'uinal jcoht tuminchij o tentsun, teme stat o yantsilel, ya me yac' te ban mayuc bin jihnem yu'une.

Levítico 9:18

Soc la smil te toro soc te tat tuminchij te la yaq'uic te pueblo yu'un milbil mahtanil scuenta lamal q'uinal. Te snich'nab Aarón la ya'beyic te ch'ich', te Aarón la stsihtsin ta sjoyobal ta sba te scajtajib ta chiq'uel mahtanil.

Levítico 9:4

soc jcoht toro soc jcoht tat tuminchij scuenta milbil mahtanil yu'un lamal q'uinal, te yac amilic ta stojol Jehová, soc ich'ahic tal mahtanil harina wots'bil ta aceite, como ya xchicnaj ta atojolic yo'tic te Jehová, xchi.

Amós 5:22

Teme yac awa'bonic te chic'bil mahtaniletic soc te mahtaniletic harina, ma ba ya jtsacbeyex, soc ma ba ya quil te mahtaniletic scuenta lamal q'uinal yu'un te juhp'en chambahlametic awu'unique.

Malaquías 1:14

Chopol sc'oblal te mach'a ya xlo'loywan, te ay stat tuminchijetic ta jtsohb yu'un te yaloj te ya yaq'ue, pero ha ya ya'be smahtanin Jehová te bin ma lecuque. Como ho'on Muc'ul Ajwalilon, xchi te Jehová te scuentahinej spisil, soc xi'bil te jbihil ta yohlil te nacionetique.

Malaquías 1:8

Te c'alal yac awaq'uic ts'o'sit chambahlametic scuenta chic'bil mahtanil, ¿ma bal chopoluc? Ha nix hich te c'alal yac awaq'uic coxo', o te ay ta chamel, ¿ma bal chopoluc? A'beya te príncipe awu'un, ¿lec bal yo'tan yu'un ta atojol, ya bal ya'bat bendición? xchi te Jehová te scuentahinej spisil.

Números 15:8

Teme yac awa'be jcoht toro yu'un scohtol chic'bil mahtanil o milbil mahtanil scuenta bin la yich' chapel o scuenta lamal q'uinal ta stojol Jehová,

Números 6:14

ya ya'be smahtanin te Jehová jcoht tat tuminchij te jun ya'bilal te mayuc bin jihnem yu'un scuenta scohtol chic'bil mahtanil, jcoht jcolel yantsilel tuminchij te jun ya'bilal te mayuc bin jihnem yu'un scuenta mahtanil yu'un stojel mulil, soc jcoht tat tuminchij te mayuc bin jihnem yu'un scuenta mahtanil yu'un lamal q'uinal.

Números 7:17

soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilale. Ha te mahtanil yu'un Naasón, te snich'an Aminadab.

Números 7:59

soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Gamaliel snich'an Pedasur.

Deuteronomio 12:27

tey yac awac' a te scohtol chic'bil mahtaniletic, te sti'balul soc te sch'ich'el, ta scajtajib ta chiq'uel mahtanil yu'un Jehová te Dios awu'un; te sch'ich'el te milbil mahtaniletic awu'un ya me yich' malel ta scajtajib ta chiq'uel mahtanil yu'un Jehová te Dios awu'un, ya xhu' yac awe'be te sti'balule.

Colosenses 1:20

soc te ha ta scuenta te ya yac' te ya xlecub yo'tanic soc Dios spisil bintic ay ta bahlumilal soc spisil bintic ay ta ch'ulchan, ha la yac' lamal q'uinal ta scuenta sch'ich'el te la yich' malel ta cruz.

Hebreos 10:22

Ha yu'un jun co'tantic ac'a nohpojucotic bahel ta stojol Dios soc lec sch'uhunel co'tantic, pocbiluc me loq'uel spisil sbohlil co'tantic soc pocbiluc ta lequil ha' te jbaq'uetaltique.

1 Juan 1:3

Te bin quilojcotic soc te ca'iyejcotic, ha ya calbeyexcotic sc'oblal, scuenta yu'un junuc co'tan jbahtic; soc junuc co'tan jbahtic soc te Tatil soc te Snich'an, ha te Jesucristo.

Jueces 20:26

Ha yu'un spisil te pueblo Israel bahtic ta Bet-el. Tey oq'uic soc huhcajic ta stojol Jehová, la scom swe'elic c'alal yihc'ubel q'uinal soc la ya'beyic Jehová scohtol chic'bil mahtaniletic soc mahtaniletic scuenta lamal q'uinal.

Jueces 21:4

Ta schebal c'ahc'al hahchic ta sab te pueblo; la spasic scajtajib ta chiq'uel mahtanil tey a soc la yaq'uic scohtol chic'bil mahtaniletic soc mahtaniletic scuenta lamal q'uinal.