Levítico 26:16 - Bible in Tzeltal Bachajón

¹⁶ hich me ya jpasbeyex ta atojolic: ya jticombeyex tal ta atojolic tulan xiwel, tulan chamel soc c'ahc' te ya sjin sitil soc te ya yac' pich'il-o'tanil. Tojol yac awa'iyic ts'umbajel, yu'un ha ya swe'ic te acontrahique.

Bible in Tzeltal de Oxchuc y Tenejapa

¹⁶ Ja' yu'un te jo'one jich me ya jpasbeyex ta atojolic: Ya jticunbeyex ta atojolic buen tulan xiwel, tulan chamel swenta lajinwanej, c'ajc'al chamel, chamel ta asitic, soc ya xlaj yip te abaq'uetalic. Tojol me ya awac' awocolic ta ts'unbajel, melel ja' me ya swe'ic te acontroic te sit ya xloq'ue.

Levítico 26:16 Iomraidhean Croise

1 Reyes 8:37

Teme ay wi'nal ta q'uinal, o jmilawal-chamel, schamel o stotol awal-ts'unubiletic, muc'ul c'ulubetic o tut c'ulubetic; teme joytaybilix yu'un scontra a ta q'uinal te banti nahinemic, o biluc wocol o chamel te ya xtale,

Job 18:11

Ta bayuc ya xiwtesot yu'un te xiwele, nutsbil ya ya'iy ta bayuc ya xbehen.

Job 20:25

Tamp'as ya sohl ta sbaq'uetal te ya'tejibalul t'ihmalte', te xlipet sni'il ya xloc' ta sch'a. ¡Ya xtahot ta buen xiwel!

Job 31:8

¡ac'a swe'bon yantic te bintic jts'unoj, ac'a yich' bulel te bintic ts'umbil cu'une!

Salmos 109:6

Ac'a te ya xcontrahinot yu'un mach'a chopol; ac'a stehc'an jle-mulil ta swa'el-c'ab.

Salmos 73:19

¡Ora nax lajemic bahel, lajic bahel yu'un te xiwele!

Salmos 78:33

Ha yu'un Dios la slajimbe te sc'ahc'alel scuxlejalic hich te bin ut'il sahb ye, la slajimbe te ha'biletic yu'unic ta scuenta bayel xiwel.

Éxodo 15:26

hich la yal: Teme yac awa'iybe ta lec te sc'op Jehová te Dios awu'unic, teme yac apas te bin toj ta pasel ta stojol, teme yac awich' ta cuenta te mandariletic yu'un soc teme yac ach'uhun spasel spisil te chahpambil mandariletic yu'une, ma ba ya ca'bat junuc te chamel te la jca'be te egipciohetic, como ho'on Jehovahon te jpoxtaywanejon awu'unic, xchi.

Proverbios 3:33

Chopol sc'oblal yu'un Jehová te sna te mach'a chopol yo'tan, pero ya ya'be bendición te sna mach'a toj yo'tan.

Isaías 10:4

Mayuquix bin yan ay ta pasel, ha xanix te yac ac'ol abahic ta yohlil te jchuqueletic, te ya xyahlex bahel ta yohlil te mach'atic lajic ta milel. Ta spisil ini, ma ba lahmaj yilimba, shachoj to te sc'ab ta yaq'uel castigo.

Isaías 62:8

Te Jehová, ta scuenta swa'el sc'ab te ay bayel yu'el, hich la yal ta jamal: Ma ba ya caq'uix te ha swe'el acontratac ya xc'oht te trigo awu'un, soc te jyanlumetic te ya yuch'beyic te vino te ha sit te awa'tele;

Isaías 7:2

C'oht c'op ta stojol te sts'umbal David, hich halbot: Te Siria schapoj sc'op soc Efraín, xchi. Ha yu'un te ajwalil soc te pueblo yu'un hahchic ta nihquel hich te bin ut'il ya xyuc'ot ta ic' te te'etic ta ha'mal.

Jeremías 12:13

La sts'unic trigo, pero ch'ix la stsobic; tulan a'tejic, pero mayuc bin la stahic a. Ya me xq'uexawic yu'un te sit ya stsobic, ta scaj sc'ahc'al yilimba te Jehová.

Jeremías 15:3

Ya jticon ta stojolic chanchahp castigo, xchi te Jehová: ha te espada te ya xmilawan, ts'i'etic te ya xti'awanic, mutetic te ya xwihlic ta toyol soc chambahlametic ta q'uinal yu'un ya xti'awanic soc ya xlajinwanic.

Jeremías 15:8

C'ax hich me'ba' antsetic yu'unic a te bin ut'il shi'al mar. Ta ohlil c'ahc'al la jquic' tal jinawal ta stojol te naniletic yu'un te queremetic; ora nax la jcac' tal wocol soc tulan xiwel ta stojolic.

Jeremías 20:4

Como hich yaloj te Jehová: Ilawil, ya cac' te ha'at nix tulan yac axiwtes aba soc spisil te mach'atic jun awo'tan soque. Ya me awil ta asit te ya xlajic ta espada yu'un te scontrataque. Ya cac' ta sc'ab te ajwalil yu'un Babilonia spisil Judá, ha ya yic'ticlan bahel ta chuquel ta Babilonia soc ya me smilticlan ta espada.

Jeremías 5:17

Ya me slajimbat te sit ats'un-awawal soc te we'elil awu'un, ya slajimbat aquerem-nich'nab soc awantsil-nich'nab; ya me slajimbat te tuminchijetic soc wacaxetic awu'un, te ts'usubiletic soc te higuerahetic awu'une; ya me sjimbat ta espada te pueblohetic te ay sts'ahcul te smuc'ulinej awo'tanique.

Ezequiel 24:23

ay me ta ajolic te spohtsil ajolic soc alapoj atepic; ma ba yac amel awo'tanic soc ma ba ya x'oq'uex, pero ya xlajex ta scaj te achopolilic soc talel c'axel ya x'ahcanajex.

Ezequiel 33:10

Snich'anat winic, halbeya te sna Israel: Hich awalojic te ha'exe: Te jtoybahilcotic soc te jmulcotic ay ta jtojolcotic, soc ha ta scuentahic te yacotic ta ch'ayel bahel, ¿bin ut'il ya xcuxajotic hiche? xchihex.

Amós 5:11

Te bin ut'il yac apehc'ambeyic sc'oblal te pobre soc yac ac'ambeyic spatanil te trigo, ma ba ya xnahinex ta nahetic la apasic ta walubil ton, soc ma ba yac awuch'beyic te vino yu'un te t'ujbil ts'usubiletic la ats'unique.

Miqueas 6:15

Yac awa'iy ts'umbajel, pero ma ba yac atsobe sit; yac apits' olivahetic, pero ma ba yac atuhumbe te aceite yu'une; yac apits' ta teq'uel te ts'usub, pero ma ba yac awuch'be te ya'lele.

Hageo 1:6

Bayel bintic yac ats'unic, pero jtep nax yac atsobic; ya xwe'ex, pero ma ba ya xnoj ach'uhtic; ya x'uch'ex, pero ma ba ya xc'ax ataquinti'ilic; yac alap ac'u' apaq'uic, pero ma ba ya xq'uixnajex yu'un; te mach'a ya yich' tojel ta a'tel, ya yich' te stojol ta hotol yawil.

Zacarías 14:12

Ha ini te milawal-chamel te Jehová ya slajin a spisil te nacionetic te la ya'beyic guerra te Jerusalén: ha te ya xc'a' sbaq'uetalic te c'alal teq'uilic a, ya xc'a' sitic ta yawil, soc ya xc'a' yaq'uic ta yutil te yehique.

Malaquías 2:3

Ya jtij ta c'op ats'umbal, ya jch'ojbeyex tsa' ta asit awelawic, ha te stsa' chambahlametic te yac awaq'uic scuenta milbil mahtaniletic, soc pajal ya xch'ojotex loq'uel soc.

Deuteronomio 28:51

Ya me swe'bat te yalatac achanabahlam soc te sit ats'unub-awawal ta aq'uinal, ha to c'alal ya xch'ayat bahel. Ma ba ya yihquitaybat hilel trigo o vino, aceite, o te yalatac wacaxetic, tuminchijetic o tentsunetic awu'un, ha to c'alal ya slajinat.

Deuteronomio 32:25

Ta fuera ya me xlajic ta espada, ta yutil nahnatic ya x'ayin xiwel; ya xlajic querem soc ach'ix, chu'alal soc mach'a saquix sjol.

Hebreos 10:31

¡Xiweltic sba teme ay mach'a ya x'ipaj ta sc'ab te cuxul Diose!

Jueces 6:11

Hich te ch'ul a'bat yu'un Jehová tal shuhcan sba ta ye'tal jihte' te ay ta Ofra, te ha yu'un Joás te abiezer-winic. Te Gedeón, ha te snich'an, yac ta smajel trigo ta sp'e'ojibal ts'usub scuenta yu'un ya snac' sba ta stojol te madianetique.

1 Samuel 2:33

Te mach'a awu'un te ma ba ya jloq'ues ta a'tel ta stojol te scajtajib ta chiq'uel mahtanil cu'un, ha ya ya'bat te ya xlaj asit yu'un oq'uel soc te ya xnoj ta mel-o'tan te awo'tane; soc spisil mach'atic ya x'ayinic ta ana, jcolel winic to a ya me xchamic.