Levítico 26:11 - Bible in Tzeltal Bachajón

¹¹ Ya xnahinon ta awohlilic, soc ma ba ya quihlayex ta co'tan.

Bible in Tzeltal de Oxchuc y Tenejapa

¹¹ “Jo'on me ya xnainon ta awolilic, ma ba ya jch'ayex ta co'tan.

Levítico 26:11 Iomraidhean Croise

2 Samuel 7:7

Ta bayuc te behenon soc te snich'nab Israel ¿ay bal hich la jcalbe jchahpuc yu'un Israel, te la jpas ta mandar te ya scuentahin te pueblo Israel cu'un: ¿Bin yu'un ma ba la apasbonic na ta cedro? te xchihone?

1 Reyes 6:13

Ya xnahinon ta yohlil te snich'nab Israel soc ma ba ya jpihtes te pueblo Israel cu'un, xchi.

1 Reyes 8:13

pero ho'on la jpasbatix jun na ta banti ya xnahinat, jun lugar te banti ya xnahinat spisil ora, xchi.

1 Reyes 8:27

Pero ¿melel bal te ya xnahin Dios ta bahlumilal? Como te ch'ulchan, soc te stoyolil ch'ulchan, ma xhu' ya x'ochat a, ¿ha'uc to balix a te Na te la jpase?

Salmos 106:40

Ha yu'un tihl yilimba te Jehová ta stojol te pueblo yu'un, la sp'aj te bin ay yu'une;

Salmos 76:2

Ay ta Salem te nahilpac' yu'un, ay ta Sión banti ya xnahin.

Salmos 78:59

Te Dios ilin yu'un te c'alal la ya'iy, jc'axel la sp'aj ta yo'tan te Israel.

Éxodo 25:8

Ac'a spasbonic ch'ul awilal, hich ya x'ayinon ta yohlilic.

Éxodo 29:45

Ya xnahinon ta yohlil te snich'nab Israel, soc ho'on Dioson yu'unic ya xc'ohon.

Éxodo 29:46

Hich ya me sna'ic a te ho'on Jehovahon te Dioson yu'unic, te la jloq'ueslan tal ta sq'uinal Egipto yu'un ya xnahinon ta yohlilic. Ho'on Jehovahon te Dioson yu'unique.

Jeremías 14:21

Ta scuenta yich'el ta muc' abihil ma xach'ayotic bahel, ma me xapehc'ambe sc'oblal te huctajibal awu'un te ay yutsilal. Na'a me te c'op la achap ta jtojolcotic, ma me xalajimbe sc'oblal.

Lamentaciones 2:7

Te Cajwaltic la sp'aj te scajtajib ta chiq'uel mahtanil yu'un soc mayuc sc'oblal c'oht ta yo'tan te ch'ul awilal yu'une; la ya'be ta sc'ab scontra te spahc'ul te nahetic yu'un ajwalil; awonic ta sna Jehová hich te bin ut'il ta sc'ahc'alel q'uin.

Joel 2:27

Ya me ana'ic te ayon ta yohlil te Israel, soc te ho'on Jehovahon te Dioson awu'unic, mayuc yan; mayuquix bin ora ya xtahot yu'un q'uexlal te pueblo cu'une.

Levítico 20:23

Ma me xapasic te bin ya spasic te nacionetic ya jtenticlan loq'uel ta atojolic; como ha'ic la spasic spisil ini, hich ihlaybil c'ohtic cu'un.

Levítico 26:15

teme yac ap'ajbonic te bintic caloj ta mandar, teme mayuc sc'oblal ta awo'tanic te bintic chapal cu'un, teme ma ba yac awaq'uic c'ohtuc ta pasel te mandariletic cu'un, teme mayuc ta cuenta ya xc'oht awu'unic te chapbil-c'op cu'une,

Levítico 26:43

Pero ya xhil yu'unic te q'uinale, bayel me yutsil te jayeb tiempo ya scux yo'tan, te bin ut'il jochol hilel yu'unic. Ya me yich'ic te castigo yu'un smulic, ta scaj te mayuc sc'oblal ta yo'tanic te mandariletic cu'un soc te la yihlayic te bintic chapal cu'une.

Levítico 26:44

Aunque hich ay, te c'alal ayic ta sq'uinal a te scontrahic, ma ba ya jch'ayic hilel soc ma ba ya quihlayic scuenta slajinel, te hich ya xch'ay cu'un te chapbil-c'op cu'un te la jchahp soc, como ho'on, Jehovahon, te Dioson yu'unique.

Zacarías 11:8

Ta junax u la jloq'ues oxtuhl jcananetic, como c'ax co'tan yu'unic, soc ha'ic nix la yihlayonic.

Efesios 2:22

Ha nix hichex pajal yaquex ta ts'ahcuyel soc te yantic scuenta yu'un tey ya xnahin Dios a ta scuenta te Espíritu.

Deuteronomio 32:19

La yil te Jehová, tihl hahchel yilimba, tijbot hahchel yilimba yu'un te ach'ix queremetic yu'une.

Josué 22:19

Teme yac awa'iyic te bohloben sc'oblal te aq'uinalic, sohlanic tal ta q'uinal yu'un Jehová ta banti ay te Nahilpac' Templo yu'un Jehová, ich'a aq'uinalic ta cohlilcotic; pero ma xatoy abahic ta stojol Jehová soc ma xatoy abahic ta jtojolcotic, te yac apasic yan scajtajib ta chiq'uel mahtanil te bin ut'il ayix yu'un Jehová te Dios cu'untique.

Josué 22:31

Te Finees snich'an sacerdote Eleazar, hich la yalbe te sts'umbal Rubén, Gad, soc te j'ohlil sts'umbal Manasés: Yo'tic c'ohtix ta co'tancotic te ay ta cohliltic te Jehová, yu'un ma hichuc nopbil awu'unic spasel te bin chopol ta stojol Jehová. Hich la acoltayiquix ta sc'ab Jehová te snich'nab Israel, xchi.

Apocalipsis 21:3

Soc la jca'iy ay mach'a tulan c'opoj tal ta muc'ul-huctajibal, hich la yal: Ya xnahinix Dios ta yohlil te ants-winiquetic, ya me sjoquin ta nahinel, ha pueblo ya xc'oht yu'un, ha nix ya xjoquinot yu'un Dios soc ha Dios yu'unic ya xc'oht.

Apocalipsis 7:15

Ha yu'un te ayiquix ta stojol te smuc'ul-huctajib te Dios soc c'ahc'al ahc'abal ayic ta a'batinel ta templo yu'un. Te Mach'a hucul ta muc'ul huctajibal ya me smuc'ubtes te snahilpac' ta stojolic.