Levítico 24:3 - Bible in Tzeltal Bachajón

³ Ta fuera yu'un te tsalul pac' yu'un te Testigo-c'op, ta Nahilpac' Templo yu'un tahojibal, te Aarón ya schahpan te c'ahc' ta stojol Jehová ta yihc'ubel q'uinal c'alal ta sacubel q'uinal; ha mandaril te ma xlaj sc'oblal ta cajalcaj ats'umbalic.

Bible in Tzeltal de Oxchuc y Tenejapa

³ Ja' me ya x'och ta swenta xchajbanel te Aarón, swenta yu'un ta sjunal ajc'ubal ya xtil ta jtojol jo'on te Ajwalilone. Ma me xcom ni junuc ajc'ubal ta tilel ta Nailpac' te banti ya quich' c'oponel, ta spat yu'un te pac' t'imil ta stojol te cajón yu'un trato. Te jmandal stalel me ya xjil, ya me xc'ax ta stojol me'il-tatiletic soc ya me xc'ax ta stojol alnich'anetic.

Levítico 24:3 Iomraidhean Croise

Éxodo 27:21

Tey ta Nahilpac' Templo yu'un tahojibal, ta spat te tsalul pac' te ay ta stojol te Testigo-c'op, te Aarón soc te snich'nab ya me scuentahinic schahpanel te c'ahc' ta stojol Jehová ta xtibiltay c'alal ta sab. Ha mandaril te ma xlaj sc'oblal yu'un jujucaj sts'umbal te snich'nab Israel.

Levítico 24:2

Pasa ta mandar te snich'nab Israel te ac'a yich'bat tal lequil aceite yu'un pits'bil olivahetic scuenta yu'un hich ya xtihl spisil ora te tsumbil c'ahq'ue.

Levítico 24:4

Ya me schahpanlan te tsumbil c'ahc' ta yawilic te ayic ta scajtajib c'ahc' pasbil ta puro oro, scuenta yu'un ya xtihl spisil ora ta stojol Jehová.

Levítico 3:17

Ha mandaril te ma xlaj sc'oblal ta cajalcaj ats'umbalic ta bayuc ya xnahinex: ma me ayuc bin ora yac awe'beyic te sjuhp'el soc te sch'ich'ele, xchi te Jehová.

Números 18:5

Ay ta acuentahic spasel te a'tel ta ch'ul awilal soc ta scajtajib ta chiq'uel mahtanil, scuenta yu'un ma ba ya xtal xan ilimba ta stojol te snich'nab Israel.

1 Samuel 3:3

Te Samuel wayal ta templo yu'un Jehová te banti ay te scaxahul te chapbil-c'op yu'un Dios, ma to ba tup'en a te tsumbil c'ahc' yu'un Dios.