Levítico 23:3 - Bible in Tzeltal Bachajón

³ Waqueb c'ahc'al ay a'tel, yan te shuquebal c'ahc'al ha sc'ahc'alel cux-o'tan, ha sc'ahc'alel ch'ul tsoblej; ma me x'a'tejex a. Ha sc'ahc'alel cux-o'tan ta scuenta Jehová ta bayuc te ya xnahinex.

Bible in Tzeltal de Oxchuc y Tenejapa

³ “Waqueb nax me c'aal ya x'at'ejat, te sjuquebal c'aal ma me ayuc bila at'elil ya apas a. Melel ja' te c'aal mero tsabil yu'un sc'aalelal cux-o'tan, soc ay me ch'ul tsoblej awu'unic a. Ta bayuc ayex, ja' me c'aal yu'un cux-o'tan ta swenta quich'jibal ta muc' jo'on te Ajwalilone.

Levítico 23:3 Iomraidhean Croise

Éxodo 16:23

Hich halbotic yu'un te Moisés: Hich ay te bin yaloj te Jehová: Pajel ha'ix te sc'ahc'alel cux-o'tan te ch'ultesbil yu'un Jehová. Te bin ya sc'an yac apayic, payahic yo'tic, soc te bin ya sc'an yac abulantes, bulantesahic; soc spisil te bintic ya spas sobra, q'uejahic yu'un pajel, xchi.

Éxodo 16:29

Ilawil, te Jehová la ya'beyex te sc'ahc'alel cux-o'tan, ha scuentahil ta swaquebal c'ahc'al ya ya'beyex pan scuenta cheb c'ahc'al. Ta shuquebal c'ahc'al jujutuhl ac'a ayinuc te banti ay, ma me ayuc mach'a ya xloc' bahel tey a, xchi.

Éxodo 16:30

Hich te pueblo la scux yo'tan ta shuquebal c'ahc'al.

Éxodo 23:12

Waqueb c'ahc'al ya x'a'tejat, pero ta shuquebal c'ahc'al ya me acux awo'tan, scuenta yu'un ya scux yo'tanic te j'a'tel-wacax soc te burro awu'un, soc yu'un ya xjelon xan yip a te yal acriada soc te jyanlume.

Éxodo 34:21

Waqueb c'ahc'al ya x'a'tejat, yan te shuquebal c'ahc'al ya me acux awo'tan; aunque yorahil joc'-lum o yorahil c'ajoj, ya me acux awo'tan.

Isaías 56:2

Bayel me yutsil te mach'a ya spas ini, te hich yo'tan ya spas, te ya scanantay te sc'ahc'alel cux-o'tan, te ma ba ya sbohlobtesbe sc'oblal, soc te ya scom sba ta spasel te bin chopol, xchi.

Isaías 56:6

Soc te jyanlumetic te ya yac' sbahic ta stojol te Jehová yu'un ya yac' sbahic ta a'batinel yu'un, te c'ux ta yo'tanic te sbihil te Jehová, soc te ha a'batetic ya xc'ohtic yu'une, spisil te mach'atic ya scanantayic te sc'ahc'alel cux-o'tan te ma ba ya sbohlobtesbe sc'oblal soc te ya yich'ic ta cuenta te chapbil c'op cu'une,

Isaías 58:13

Teme yac awich' ta muc' te sc'ahc'alel cux-o'tan teme ma ba yac apas te bintic ya sc'an awo'tan ta ch'ul c'ahc'al cu'un, teme yac awal te ha mulantic sba, te ch'ultesbil, soc te ha yutsilal te Jehová; teme yac awich' ta muc', teme ma ba yac at'un te behetic awu'un, o teme ma ba yac apas te bin ya sc'an awo'tan o teme ma ba yac awal te bin mayuc sc'oblale,

Levítico 19:3

Jujutuhl ac'a yich' ta muc' sme'stat. Ya me acanantayic te sc'ahc'alel cux-o'tan cu'une. Ho'on, Jehovahon, te Dioson awu'unique.

San Lucas 13:14

Pero te principal yu'un te sinagoga ilin yu'un te bin ut'il sc'ahc'alel cux-o'tan a te la ya'iy slecubteswanej te Jesús. Hich la yalbe te ants-winiquetique: Ay waqueb c'ahc'al a'tel; ha ya sc'an ya xtal awac' abahic ta lecubtesel a, ma ha'uc ta sc'ahc'alel cux-o'tan, la yut.

San Lucas 23:56

C'alal suhtic bahel, la schahpanic bin sumet yic' soc perfume; la scux yo'tanic ta sc'ahc'alel cux-o'tan hich te bin ut'il ya yal te mandarile.

Hechos 15:21

como nameyix ay ta halel te sc'op Moisés ta sinagogahetic ta jujun pueblo ta banti ya yich' ilel ta jujun sc'ahc'alel cux-o'tan, xchi.

Apocalipsis 1:10

Ta sc'ahc'alel te Cajwaltic cuentahimbilon yu'un a te Espíritu, la jca'iy ay mach'a tulan c'opoj ta jpat hich te bin ut'il yoq'uel corneta,