Levítico 2:11 - Bible in Tzeltal Bachajón

¹¹ Ma me xawa'be Jehová te mahtanil harina te yich'oj levadura, como ma xhu' ya yich' chiq'uel scuenta smahtan te Jehová te bin yich'oj levadura o chab.

Bible in Tzeltal de Oxchuc y Tenejapa

¹¹ “Ma me xawac'beyic slevadurail te majt'anil harina te ya awac'bonic jmajt'anin jo'on te Ajwalilon, melel ma xju' ya achic'bon jmajt'anin ni levadura, ni chab.

Levítico 2:11 Iomraidhean Croise

Éxodo 23:18

Ma me xawac' soc pan yich'oj levadura te sch'ich'el milbil jmahtane; soc ma me xhil yu'un pajel te sjuhp'ele.

Éxodo 29:25

Patil ya me awich'be te bin ay ta sc'abic, pajal ya me achic' ta scajtajib ta chiq'uel mahtanil soc te scohtol chic'bil mahtanil, scuenta sumet yic' ta stojol Jehová. Ha mahtanil a'bot te Jehová ta scuenta c'ahc'.

Éxodo 34:25

Ma me xawa'bon te sch'ich'el te milbil jmahtan soc te bin yich'oj levadura, soc ma me ayuc bin ya xhil yu'un pajel yu'un te milbil mahtanil yu'un te Q'uin Pascua.

Proverbios 24:13

Jnich'an, lo'an te chab como lec; te schabul te chab buhts'an yac awa'iy.

Proverbios 25:16

Teme la ata chab, p'isbil nax yac alo', teme bayel yac alo' ya ya'bat xe.

Proverbios 25:27

Ma lecuc ta lo'el bayel chab, ha nix hich ma lecuc te ha nix ya sle yutsil sc'oblal.

Levítico 1:13

Ya yich'ic poquel ta ha' te sbiquil soc te ya'; te sacerdote ya schic' spisil ta sba te scajtajib ta chiq'uel mahtanil; ha scohtol chic'bil mahtanil, ha chic'bil mahtanil te sumet yic' ta stojol Jehová.

Levítico 6:10

Te sacerdote ya slap sc'u' soc scomil wex pasbilic ta lino. C'alal lajix ta c'ahq'uel a te scohtol chic'bil mahtanil ya stsobe te stanul ay ta sba te scajtajib, ya yac' hilel ta xuhc te scajtajib ta chiq'uel mahtanil.

San Mateo 16:6

Halbotic yu'un te Jesús: Tsahtaya me abahic yu'un te levadura yu'un te fariseohetic soc te saduceohetique, xchi.

San Marcos 8:15

Ila me abahic, xchi te Jesús, canantaya abahic yu'un te levadura yu'un te fariseohetic soc te levadura yu'un te Herodes, xchi sc'oblalic.

San Lucas 12:1

Ha yorahil a, la stsob sbahic tal bayel ta mil ants-winiquetic, jc'axel la sten sbahic. Te Jesús hich hahch yalbe te jnopojeletic yu'une: Tsahtaya me abahic yu'un te levadura yu'un te fariseohetic, ha te chebal-o'tanil,

San Lucas 21:34

Tsahtaya abahic te manchuc ya xbic'taj awo'tanic yu'un yac'oltayel cuxlejalil, yacubel soc sna'ulanel bin ut'il ya xcuxajex, yu'un ya xan awilic c'ohtix yorahil,

Hechos 14:22

La smuc'ubtesbe q'uinal ya'iyic te jnopojeletic, la ya'beyic yip yo'tan te manchuc ya xch'ay sch'uhunel yo'tanic, hich la yalbeyic: Hich ya sc'an te ta scuenta bayel jwocoltic ya x'ochotic ta cuentahinel yu'un Dios, xchihic.

Gálatas 5:9

Hich ay ta halel: Jteb nax levadura ya spajubtes spisil te we'bale, xchi.

1 Pedro 4:2

hich te jayeb xan c'ahc'al cuxul ta bahlumilal ma ba ya spas te bintic ya smulan spasel te bin scuenta ch'ich'-baq'uet, ha ya spas te bintic ya sc'an yo'tan te Diose.