Jueces 8:3 - Bible in Tzeltal Bachajón

³ Dios la ya'beyex ta ac'abic te Oreb soc Zeeb, te príncipaletic yu'un Madián. ¿Bin a te hu' cu'un spasel te pajal soc te bin la apasic te ha'exe? xchi. Hich lahmaj bahel te yilimbahic ta stojol Gedeón te c'alal hich halbotic yu'une.

Bible in Tzeltal de Oxchuc y Tenejapa

³ Dios la yac'beyex ta ac'abic te Oreb soc Zeeb te jtsobwanej-madianetique. ¿Bi la jpas jo'on, te ya xju' jpaj soc te bi la apasic te ja'exe? —xi'. Te mach'atic sts'umbalic Efraín la yaiybeyic stojol sc'op Gedeón, jich a lamaj bael yilimbaic ta stojol.

Jueces 8:3 Iomraidhean Croise

Salmos 115:1

Ma ha'uc ta jtojolcotic, Jehová, ma ha'uc ta jtojolcotic, pero ta atojol ac'a yich' halbeyel yutsil sc'oblal te abihil, ta scaj te sc'uxul awo'tan soc te stalel jun awo'tan ta jtojolcotic.

Salmos 44:3

Como ma ba la yochintayic te q'uinal ta scuenta te espada yu'unic, soc ma ha'uc ta sc'abic la ya'iyic tsalaw; ha ta scuenta awa'el-c'ab soc te sts'anabul asit awelaw, como lec awo'tan ta stojolic.

Proverbios 15:1

Te t'ujbil suhtib c'op ya slahmajtes ilimba, yan te tulan suhtib c'op ya yac' tohyuc xan te ilimba.

Proverbios 16:32

Ha lec xan te mach'a ma x'ilin ta ora te bin ut'il mach'a ay yip, lec xan te mach'a ya xhu' yu'un scomel sba te bin ut'il te mach'a ya stsal jun pueblo.

Proverbios 25:11

Te c'op ya yich' halel ta mero yorahil, hich c'ohem te bin ut'il manzana pasbil ta oro te ch'albil ta plata.

Proverbios 25:15

Ta scuenta hal smahliyel ya xc'oht ta yo'tan te príncipal, como te lamal c'op ya xhu' ya swuy te baquetique.

San Juan 4:37

Como smelelil te hich halbil: Yan mach'a ya ya'iy awal, yan mach'a ya stsobe sit, te xchihe.

Romanos 12:3

Ta scuenta te bin a'bilon yu'un Dios, ya calbeyex ta apisilic te ma me c'ax hich muc' yac acuy abahic a te bin ut'il ya sc'ane, yich'ojuc me scuentahil te yac ap'is abahic, ha chican hich smuc'ul sch'uhunel awo'tan a'botex yu'un Dios ta jujutuhlex.

Romanos 12:6

Ha yu'un ay chahpalchahp mahtaniletic cu'untic, ha chican bin a'bibilotic yu'un Dios: te mach'a ha smahtan yalel sc'op-jalwanej, pasa chican hich smuc'ul sch'uhunel yo'tan;

Filipenses 2:3

Ma me ayuc bin yac apasic ta scuenta te bin ya sc'an awo'tanic atuquel o ta scuenta toybahil; peq'ueluc xawac' abahic, hich me xap'is te toyol xan ay te yantic te bin ut'il te ha'ate.

Jueces 8:2

Pero te Gedeón hich la sjac'be sc'opic: ¿Bin jpasoj ho'on te pajal soc bin la apasic te ha'exe? ¿Ma bal ha'uc lec xan te bin hilem ta yawil ts'usub yu'un Efraín te bin ut'il spisil bin ya xloc' yu'un Abiezer?

Jueces 8:4

Te Gedeón c'oht ta Jordán soc te ho'lajunwinic (300) ta tuhl winiquetic sjoquinej, sohlic bahel, aunque luhbenic, la to snutsic bahel te madianetique.