Jueces 21:2 - Bible in Tzeltal Bachajón

² Te pueblo tal stsob sbahic ta Bet-el, tey halajic ta stojol Dios a ha to c'alal ihc'ub q'uinal, tulan la yoq'uetay sbahic, hich la yalic:

Bible in Tzeltal de Oxchuc y Tenejapa

² Ja'uc me to, la stsob sbaic ta Betel ta stojol Dios ja' to c'alal och ajc'ubal, la yoc'tay sbaic, jich la yalic ta stojol:

Jueces 21:2 Iomraidhean Croise

Jueces 20:26

Ha yu'un spisil te pueblo Israel bahtic ta Bet-el. Tey oq'uic soc huhcajic ta stojol Jehová, la scom swe'elic c'alal yihc'ubel q'uinal soc la ya'beyic Jehová scohtol chic'bil mahtaniletic soc mahtaniletic scuenta lamal q'uinal.

Jueces 20:18

Patil hahchic bahel te snich'nab Israel, mohic bahel ta Bet-el, hich baht sjoc'obeyic te Diose: ¿Mach'a nahil ya xmo bahel cu'uncotic ta ya'beyel guerra te snich'nab Benjamín? xchihic. La sjac' te Jehová: Ha nahil ya xbaht te Judá, xchi.

1 Samuel 30:4

Ha yu'un te David soc te winiquetic sjoquinejic hahchic ta tulan oq'uel ha to c'alal laj yipic yu'un oq'uel.

Jueces 21:12

Ta yohlil te mach'atic nahinemic ta Jabes-galaad la stahic jbahc' (400) ta tuhl ach'ixetic te ma to tabiluc ta winic. La yiq'uic tal ta campamento ta Silo te ay ta sq'uinal Canaán.

Jueces 20:23

yu'un te snich'nab Israel mohemiquix bahel soc oq'uic ta stojol Jehová c'alal ta yihc'ubel q'uinal, soc la sjoc'obeyic te Jehová: ¿Ya bal suhtotcotic ta ya'beyel guerra te snich'nab Benjamín te quermanocotic? xchihic. La sjac' te Jehová: Bahan, a'beyahic guerra, xchi.

Jueces 2:4

C'alal laj yo'tan ta c'op te ch'ul a'bat yu'un Jehová, spisil te snich'nab Israel hahchic ta tulan aw ta oq'uel.

Josué 18:1

Spisil te pueblo yu'un te snich'nab Israel la stsob sbahic ta Silo, la schahpanic tey a te Nahilpac' Templo yu'un tahojibal. U'untaybilix spisil a te q'uinal,

Génesis 27:38

Te Esaú la sjac'be sc'op te stat: ¿Ha nax bal jun bendición ay te yac awac', jtat? A'bon bendición ec, jtat, xchi. Tulan awon ta oq'uel te Esaú.

Jueces 21:3

Jehová, Dios yu'un Israel, ¿bin yu'un te hich c'oht ta pasel ta Israel, te ch'ayix jchahp yu'un Israel? xchihic.

1 Samuel 11:4

Te c'alal c'ohtic ta Gabaa yu'un Saúl te jpuc-c'opetic soc te la yalbe ya'iyic mach'atic ayic ta pueblo, spisil te pueblo hahchic ta oq'uel yu'un.