Jueces 2:1 - Bible in Tzeltal Bachajón

¹ Te ch'ul a'bat yu'un Jehová loc' tal ta Gilgal, baht ta Boquim, hich la yal: Ho'on la jloq'uesex tal ta Egipto soc la jquiq'uex tal ta q'uinal te la jcalbe ta jamal te ame'atatic te ya ca'be, hich la jcalbe: Mayuc bin ora ya jlajimbe sc'oblal te chapbil-c'op cu'un ta atojolic;

Bible in Tzeltal de Oxchuc y Tenejapa

¹ Te ch'ul abat yu'un Cajwaltic loc' ta Gilgal, bajt' ta Boquim. Jich la yalbey te israeletic: —Jo'on la jloq'uesex tel ta Egipto, la quiq'uex tel ta bay in q'uinal to te la calbey te antiguo ame'-atatique: “Ma'yuc bi ora ya jlajinbey sc'oplal te trato cu'un ta atojolic te ja'exe”, xoon.

Jueces 2:1 Iomraidhean Croise

Génesis 12:7

Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Génesis 16:13

Ha yu'un te Agar la ya'be sbihilin te Jehová te c'oponot yu'un: Ha'at Diosat te ya yilon, xchi, yu'un la yal: ¿Ma bal la jquil te Mach'a la yilon? xchi.

Génesis 48:16

ha te Ch'ul A'bat te la scoltayon loq'uel ta spisil te bintic chopol, ac'a ya'be bendición te queremetic ini. Ac'a yich'bonic hilel te jbihil soc te sbihil te Abraham soc Isaac te tatiletic cu'un, soc bayel ac'a p'ohlicuc ta bahlumilal, xchi.

Salmos 89:3

La awal: La jchahp c'op soc mach'a tsahbil cu'un, hich jamal la jcalbe te David te a'bat cu'un:

Salmos 89:34

Ma ba ya jlajimbe sc'oblal te chahpambil c'op cu'un, ma ba ya jyanijtes te bin caloje.

Éxodo 14:14

Te Jehová ya me yac' guerra ta acuentahic, yan te ha'exe lamal me awo'tanic, xchi.

Éxodo 14:19

Te ch'ul a'bat yu'un Dios te nahilij bahel ta stojol te campamento yu'un Israel, loc' bahel, baht ta spatic; ha nix hich te bahlal tocal te nahilij bahel ta stojolic, loc' bahel, baht yac' sba ta spatic,

Éxodo 20:2

Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Éxodo 23:20

Ilawil, ya jticombat ch'ul a'bat cu'un ta atojol yu'un ya scanantayat ta be soc ya yic'at bahel tey ta lugar te ho'on jchahpanej.

Éxodo 33:14

Hich halbot yu'un Jehová: Ya joquinat bahel, soc ya ca'bat acux awo'tan, xchi.

Isaías 63:9

Ta spisil te swocolic, ha nix hich la ya'iy wocol, ha coltayotic yu'un te ch'ul a'bat te ay ta stojol. Ta scuenta sc'uxul yo'tan soc sna'beyel yo'bolil sbahic la yac'ticlan ta libre; la shachticlan, la speticlan bahel spisil ora c'alal ta namey.

Jeremías 14:21

Ta scuenta yich'el ta muc' abihil ma xach'ayotic bahel, ma me xapehc'ambe sc'oblal te huctajibal awu'un te ay yutsilal. Na'a me te c'op la achap ta jtojolcotic, ma me xalajimbe sc'oblal.

Levítico 26:42

hich ya jna' a te jc'op la jchahp soc Jacob, soc te jc'op la jchahp soc Isaac, soc te jc'op la jchahp soc Abraham, soc ya jna' te lumq'uinale.

Levítico 26:44

Aunque hich ay, te c'alal ayic ta sq'uinal a te scontrahic, ma ba ya jch'ayic hilel soc ma ba ya quihlayic scuenta slajinel, te hich ya xch'ay cu'un te chapbil-c'op cu'un te la jchahp soc, como ho'on, Jehovahon, te Dioson yu'unique.

Zacarías 11:10

Patil la jtsac te jnahbate' Yutsil-o'tanil sbihil, la jwac', hich la jihn te chapbil-c'op te la jchap soc spisil te nacionetique.

Malaquías 3:1

Ilawil, ya jticon talel te jal-c'op cu'un te ya schahpambon te be cu'une. Ora nax ya xtal ta Templo te Ajwalil yac alehbelique; te jal-c'op yu'un te chapbil-c'op, ha te mach'a mulambil awu'unic, yaquix ta talel, xchi te Jehová te scuentahinej spisil.

Números 14:34

Hich te bin ut'il halajex cha'winic (40) c'ahc'al ta stsahtayel te q'uinale, hich nix yac atojic te amulique: cha'winic (40) ha'bil, jujun ha'bil ya xc'oht te jujun c'ahc'ale. Hich yac ana'ic a te castigo cu'une.

Deuteronomio 1:8

Ilawil, la jca'beyex te q'uinale; ochanic, u'untayahic te q'uinal te jc'axel la yal ta jamal te Jehová te ya ya'be te ame'atatic, ha te Abraham, Isaac soc Jacob, soc te patil al-nich'anetic yu'unique, xchi.

Deuteronomio 4:34

¿O ay bal yan dios te tal yu'untay jun nación ta yohlil yan nación ta scuenta pruebahetic, señahiletic, jchahp a'teliletic, guerra, ta scuenta yu'el soc sc'ab shachoj, soc te mero xiweltic sba te bin la spas, hich te bin ut'il la spasbeyex ta Egipto te Jehová te Dios awu'unique?

Deuteronomio 7:9

Na'a me hiche te ha Dios stuquel te Jehová te Dios awu'un; ha Dios te stalel jun yo'tan ta atojol, te ya sc'ohtes ta pasel te chapbil-c'op soc c'ux ya ya'iy ta yo'tan mil ta caj sts'umbalic te mach'atic c'ux ya x'a'iyot ta yo'tan soc te ya sch'uhunic spasel te mandariletic yu'une;

Josué 3:10

Soc hich la yal xan te Josué: Hich me yac ana'ic a te ay ta awohlilic te cuxul Dios soc te ya stenticlan loq'uel ta atojolic te cananeo, heteo, heveo, ferezeo, gergeseo, amorreo soc te jebuseohetic.

Jueces 11:24

Te bin ya ya'bat awu'untay te Quemos te dios awu'un ¿ma bal yac awu'untay? Ha nix hich spisil te bin ya ya'botcotic Jehová te Dios cu'uncotic ya me cu'untaycotic.

Jueces 13:2

Ta Zora, ta jchahp yu'un Dan, ay jtuhl winic Manoa sbihil. Jma'al te yihnam, mayuc ayinem yal.

Jueces 13:3

Chicnaj ch'ul a'bat yu'un Jehová ta stojol te ants, hich la yalbe: Te ha'ate, jma'alat, mayuc ayinem awal; pero ya me xhahch awal, ya me x'ayin aquerem-al.

Jueces 2:5

Ha scuentahil Boquim c'oht sbihil yu'unic te lugar. Tey la ya'beyic milbil mahtaniletic te Jehová.

Jueces 6:8

te Jehová la sticombe jtuhl jalwanej te hich c'oht yalbe: Hich yaloj te Jehová te Dios yu'un Israel: Ho'on la jloq'uesex tal ta Egipto soc la jloq'uesex tal ta mosohil.