Jueces 18:2 - Bible in Tzeltal Bachajón

² Ha yu'un te sts'umbal Dan la sticonic hahchel ta Zora soc Estaol ho'tuhl slumalic, winiquetic te ay yip yo'tanic, scuenta yu'un ya stsahtay yilic ta lec te q'uinal, yu'un hich ya sna'ic a bin yilel. Hich halbotic yu'unic: Bahanic, tsahtaya awilic te q'uinal, xchihic. Hich c'ohtic ta witsiltic yu'un Efraín, ta sna Micaía, tey wayic a.

Bible in Tzeltal de Oxchuc y Tenejapa

² Jich yu'un te mach'atic yu'un Dan la sticunic jajch'el ta Zora soc Estaol jo'tul winiquetic te ma xiwic, swenta yu'un ya xba stsajtayic te q'uinale, yu'un jich me ya sna'ic te bi yilele. Te jo'tul winiquetic bajt'ic ta witstiquil yu'un Efraín, c'otic ta sna Micaía, tey c'ax yu'unic a te ajc'ubale.

Jueces 18:2 Iomraidhean Croise

Génesis 42:9

Hich la sna' te José te swayich la ya'iy sc'oblal te sbanquiltac, hich la yalbe: Jtsahtaywanejex; talemex ta yilel te banti ma ba canantaybil ta lec te q'uinale, la yut.

Proverbios 20:18

Te bintic ya yich' chapel, tulan ya xc'oht yu'un lequil j'ac'-o'tanil; ya yich' pasel guerra ta scuenta lequil tojobtesel.

Números 13:17

Te Moisés la sticonlan bahel ta stsahtayel te sq'uinal Canaán, hich la yalbe: C'axanic bahel ta Neguev, mohanic xan bahel ta witsiltic.

San Lucas 14:31

O teme ay ajwalil te ya sc'an ya ya'be guerra yan ajwalil, ¿ma bal nahiluc ya shuhcan sba ta snopel teme ya xhu' yu'un stsalel soc jpic soc ho'bahc' (10,000) ta tuhl winiquetic yu'un te mach'a ay cha'pic soc lajunbahc' (20,000) ta tuhl winiquetic yu'une?

Josué 15:33

Ta ahlan q'uinal, ha te Estaol, Zora, Asena,

Josué 19:41

Te sq'uinalic te yich'ojic, smacoj te Zora, Estaol, Ir-semes,

Josué 2:1

Te Josué snich'an Nun muquen la sticon hahchel ta Sitim cheb jtsahtaywanejetic, hich la yalbe: Bahan ilawilic te q'uinal soc te Jericó, xchi. Hich bahtic, ochic ta sna jtuhl j'antsinel-ants Rahab sbihil, tey c'ax ahc'abal yu'unic a.

Josué 2:2

Hich halbot ya'iy te ajwalil yu'un Jericó: Ay winiquetic yu'un te snich'nab Israel te talemic ha ahc'abal ini ta stsahtayel te q'uinale, xchi.

Jueces 13:2

Ta Zora, ta jchahp yu'un Dan, ay jtuhl winic Manoa sbihil. Jma'al te yihnam, mayuc ayinem yal.

Jueces 13:25

Te espíritu yu'un Jehová hahch ta ya'beyel yip te Sansón ta campamentohetic yu'un Dan, ta ohlil yu'un Zora soc Estaol.

Jueces 16:31

Te yermanotac soc spisil mach'atic ay yu'un te stat baht yiq'uic tal te sbaq'uetal, la smuquic ta ohlil yu'un Zora soc Estaol, ta smuquenal Manoa te state. Jtahb (20) ha'bil ay ta juez ta Israel.

Jueces 17:1

Ay jtuhl winic ta witsiltic yu'un Efraín, Micaía sbihil.

Jueces 18:11

Ha yu'un j'ohlil scha'bahc' (600) ta tuhl winiquetic te sts'umbal Dan loq'uic bahel ta Zora soc Estaol, chapalic bahel soc ya'tejibic yu'un guerra.

Jueces 18:13

Tey c'axic bahel ta witsiltic yu'un Efraín, c'ohtic ta sna Micaía.

Jueces 18:3

Te c'alal nopol ayic ta sna te Micaía la sna'beyic sba ta sc'op te levita-quereme. C'alal c'ohtic tey a hich la sjoc'obeyic: ¿Mach'a la yic'at tal? ¿Bin yac apas? ¿Bin yac ale li'i? xchihic.

Jueces 18:8

C'alal suhtic tal te ho'tuhl winiquetic ta stojol te yermanotac ta Zora soc Estaol, c'ohtic ta joc'obeyel yu'unic: ¿Bin yilel? xchihic. Hich la sjaq'uic:

Jueces 19:1

Ta yorahil te mayuc ajwalil ta Israel a, ay jtuhl levita-winic te nahinem hich te bin ut'il jbehyom ta lugar te namal ay ta witsiltic yu'un Efraín. Yic'oj jtuhl ants talem ta Belén ta sq'uinal Judá.

Jueces 19:18

Te levita-winic la sjac': Talemotcotic ta Belén ta sq'uinal Judá, ya xbohotcotic ta lugar te namal ay ta witsiltic yu'un Efraín te banti talemon. C'ohon tal ta Belén ta sq'uinal Judá, pero yo'tic ya xbohonix ta sna Jehová, mayuc mach'a ya yic'on ochel ta sna.