Jueces 12:3 - Bible in Tzeltal Bachajón

³ C'alal la jquil te ma ba yac acoltayonic, la jloq'ues jba ta co'tan soc jcuxlejal, la jca'be guerra te amonetic, te Jehová la ya'bon ta jc'ab. ¿Bin yu'un hiche te tal awa'bonic guerra yo'tic te ha'exe? xchi.

Bible in Tzeltal de Oxchuc y Tenejapa

³ La quil te ma ba talex, jich la cac' jba ta woclajel soc jcuxlejal ta yac'beyel guerra te amonetique. Te Cajwaltic la yac'bon caiy tsalaw. ¿Bi yu'un te ya xtal awac'bonic guerra yo'tic te ja'exe? —xi'.

Jueces 12:3 Iomraidhean Croise

2 Crónicas 13:12

Ilawil, ha jolal cu'uncotic te Diose, soc te sacerdotehetic yu'un ya yoq'uesinic te xulubiletic ta acontrahic. Snich'nabex Israel, ma me xawa'be guerra te Jehová te Dios yu'un te jme'jtatic, como ma ba ya xhu' awu'unic stsalel, xchi.

Job 13:14

¿Bin yu'un ya jti' loq'uel te jbaq'uetal, soc ya cac' jcuxlejal ta jc'ab?

Salmos 119:109

Spisil ora quechelon ta lajel ya ca'iy; pero ma ba ya jch'ay ta co'tan te ley awu'une.

Romanos 16:4

C'an yac' scuxlejalic ta jcuenta. Ma jtuqueluc ya calbe wocol, ha nix hich ya yalbeyic wocol spisil te iglesia yu'un te jyanlumetique.

Apocalipsis 12:11

Ha'ic la stsalic ta scuenta sch'ich'el te Jcolel Tuminchij soc ta scuenta te testigo-c'op la yalique. La sloq'ues sbahic ta yo'tanic, ma ba la xi'ic lajel.

Jueces 11:27

Ha yu'un mayuc jmul ta atojol, pero te ha'ate chopol bin yac apas yu'un te yac awa'bon guerra. Te Jehová, te ha juez stuquel, ac'a schahpan yo'tic te snich'nab Israel soc te snich'nab Amón, xchi te Jefté.

Jueces 12:2

Hich la sjac' te Jefté: Te ho'on soc te jlumal ay tulan c'op cu'uncotic soc te amonetique. La jquiq'uex pero ma ba tal acoltayonic loq'uel ta sc'abic.

Jueces 12:4

Ha yu'un te Jefté la stsob spisil te winiquetic yu'un Galaad, la ya'be guerra te Efraín. Te winiquetic yu'un Galaad la stsalic te Efraín, como hich yalojic te efrainetic: Ha'ex galaad-winiquex te ya xnahinex ta yohlil te Efraín soc Manasés, la awihquitayiqux hilel te Efraín, xchihic.

Jueces 9:17

Te jtat la yac' guerra ta acuentahic, la sloq'ues ta yo'tan scuxlejal scuenta yu'un ya yaq'uex ta libre ta sc'ab Madián;

1 Samuel 19:5

Mayuc sc'oblal te scuxlejal la ya'iy yu'un ya smil te filisteo, hich te Jehová la yac' te la ya'iy muc'ul tsalaw spisil Israel. Ha'at la awil, tse'el awo'tan yu'un. ¿Bin yu'un te yac ac'an yac ata amul ta smalbeyel sch'ich'el te mach'a mayuc smul, ha te yac amil te David ta tojol nax? xchi.

1 Samuel 28:21

Tal ta stojol Saúl te antse, c'alal la yil te u'untaybot yo'tan yu'un xiwel, hich la yalbe: Te awa'bat la sch'uhumbatix ac'op; ma ba la jxi' te ya xlajon, la jpas te bin la awalbon.