Jueces 1:7 - Bible in Tzeltal Bachajón

⁷ Hich la yal te Adoni-bezec: Lajuneb schanwinic (70) ta tuhl ajwaliletic te loq'uemic sme' sc'abic soc sme' yoquic la stamticlanic xeht'elul we'elil ta ye'tal te mesa cu'un. Hich te bin ut'il la jpas, hich nix la ya'bon jtoj te Diose, xchi. La yiq'uic bahel ta Jerusalén, tey cham a.

Bible in Tzeltal de Oxchuc y Tenejapa

⁷ Te Adoni-bezec jich la yal: —Jo'on neel la jset'bey loq'uel lajuneb xchanwinic (70) ta jtul sme' sc'abic soc sme' yacanic te ajwaliletique. Ja' la stamic sobrail we'elil ta yet'al jmesa. Ora yo'tic sujt'ix ta jwenta yu'un Dios te bi la jpasbeye —xi'. La yiq'uic bael ta Jerusalén, tey laj a.

Jueces 1:7 Iomraidhean Croise

1 Reyes 21:19

Hich me yac awalbe: Hich ya yal te Jehová: ¿Ma bal lajuc awa'iy milaw soc la apojbe sq'uinal? xchihat. Soc hich yac awalbe xan: Hich ya yal te Jehová: Ta banti lugar te lec'bot sch'ich'el Nabot yu'un ts'i'etic, tey nix ya slec'bat ach'ich'el a te ts'i'etique, xchi.

Éxodo 29:20

Ya me amil te tat tuminchij, ya me awa'be sch'ich'el ta sc'unil swa'el schiquinic te Aarón soc snich'nab, ta swa'el sme' sc'abic, soc ta swa'el sme' yoquic, soc ya me atsihtsimbe sch'ich'el ta sjoyobal te scajtajib ta chiq'uel mahtanil.

Isaías 33:1

¡Ay me awocol, ha'at te ya xjinawanat, te mayuc bin ora la awich' jinele; te yac awac' ta c'abal, aunque mayuc mach'a la yac'at ta c'abal! C'alal ya xlaj awo'tan ta jinaw, ya me awich' jinel; c'alal ya xlaj awo'tan ta ac'aw ta c'abal, ya me x'ac'otat ta c'abal.

Sofonías 3:19

Ta hich ora ya ca'be stoj spisil te mach'atic ya stenat ta uts'inel; ya jcoltay te coxo' tuminchij, soc ya quic' tal te howiyemic. Ya jc'atp'un ta halbeyel yutsil sc'oblal te q'uexlal yu'unic, soc ya xpuhc sc'oblalic ta spisil q'uinal.

Romanos 2:15

yu'un ya yaq'uic ta ilel te ha ts'ihbabil ta yo'tanic te bin ya yal te Ley, soc ha nix ya xhalbotic yu'un te yo'tanic, ay ya xhalbot smulic yu'un, o ay ya xhalbot te lec ay te snopojibal yu'unic

Santiago 2:13

como te mach'a ma ba la ya'iy c'uxultaywanej, ma ba ya yich' c'uxultayel te c'alal ya xc'oht ta ich'el ta c'op; te c'uxultaywanej ya stsal te ich'el ta c'op.

Apocalipsis 13:10

Te mach'a ya x'ic'awan bahel ta chuquel, ya me x'ic'ot bahel ta chuquel. Te mach'a ya yich' milel ta espada, ya me yich' milel ta espada. Ha ini ya sc'an te ay yip yo'tanic soc te ay sch'uhunel yo'tanic te mach'atic ch'ultesbilique.

Apocalipsis 16:6

como la smalbeyic sch'ich'el te mach'atic ch'uhltesbilic soc te jalwanejetic; ha nix hich ch'ich' la awa'be yuch'ic, como hich ya sc'an pasel ta stojolic, xchi.

Jueces 1:6

Loc' ta ahnel te Adoni-bezec, pero la snutsic bahel, la stsaquic, la set'beyic loq'uel te sme' sc'abic soc te sme' yoquic.

Jueces 9:24

scuenta yu'un te bin chopol pasbotic te lajuneb schanwinic (70) ta tuhl snich'nab Jerobaal, soc te sch'ich'elic, ya xc'oht ta stojol Abimelec, te bin ut'il la smilticlan, soc te ya xc'oht ta stojol te winiquetic yu'un Siquem yu'un te la scoltayic ta smilel te yermanotac.

Jueces 9:57

Soc ha nix hich a'botic stoj yu'un Dios te winiquetic ta Siquem yu'un spisil bintic chopol spasojic. Hich c'oht ta stojolic te bin chopol c'oblalil halbot sc'oblal yu'un Jotam te snich'an Jerobaal.

1 Samuel 15:33

Pero la yal te Samuel: Hich te bin ut'il te espada awu'un la yac' te mayuc yalatac a hil te antsetic, ha nix hich mayuc yal ya xhil te anan ta yohlil te antsetique, xchi. Hich te Samuel la sesen te Agag ta stojol Jehová ta Gilgal.