Jueces 1:2 - Bible in Tzeltal Bachajón

² Hich la sjac' te Jehová: Ha ya xbaht te Judá; ho'on la jca'beyic ta sc'ab te q'uinale, xchi.

Bible in Tzeltal de Oxchuc y Tenejapa

² Te Cajwaltic la yal te ja' neel ya xbajt' te sts'umbal Judá, ja' ya x'ac'bot ta sc'ab yu'un Cajwaltic te q'uinale.

Jueces 1:2 Iomraidhean Croise

Números 2:3

Te mach'atic ya spasic snahilpaq'uic ta stojol banti ya xloc' tal c'ahc'al: ha te bandera yu'un te campamento yu'un Judá ta jujuchahp yu'unic. Te jtsobaw yu'un te sts'umbal Judá, ha te Naasón snich'an Aminadab.

Números 7:12

Te mach'a la yac' te mahtanil yu'un ta sba c'ahc'alil ha te Naasón snich'an Aminadab, te sts'umbal Judá.

Hebreos 7:14

Como chican te Cajwaltic ha sts'umbal Judá, te mayuc bin la yal te Moisés te ya yich' ya'tel ta sacerdotehil.

Josué 2:24

Hich la yalbeyic te Josué: Te Jehová ya'beyejotiquix ta jc'abtic spisil te q'uinale; soc spisil te mach'a nahinemic tey a lajemiquix ya ya'iyic yu'un xi'belotic, xchihic.

Apocalipsis 5:5

Ay jtuhl te mamaletic la yalbon: Ma x'oc'at, como te Choj yu'un te jchahp yu'un Judá, ha te slohp' David, la ya'iy tsalaw, ya xhu' ya sjam te balbil hun soc te huqueb sellohetic yu'une, xchi.

Jueces 1:3

Te Judá hich la yalbe te yermano, ha te Simeón: Joquinawon bahel ta q'uinal te a'botonix ta jcuenta, yu'un ya ca'betic guerra te cananeohetique; soc ha nix hich ya joquinat bahel ta q'uinal awu'un, xchi. Hich te Simeón la sjoquin bahel.

Jueces 20:18

Patil hahchic bahel te snich'nab Israel, mohic bahel ta Bet-el, hich baht sjoc'obeyic te Diose: ¿Mach'a nahil ya xmo bahel cu'uncotic ta ya'beyel guerra te snich'nab Benjamín? xchihic. La sjac' te Jehová: Ha nahil ya xbaht te Judá, xchi.

Jueces 20:28

soc te Finees snich'an Eleazar, te snich'an Aarón, tey yac ta a'tel a), hich la yalic: ¿Ya to bal suhtotcotic xan ta ya'beyel guerra te snich'nab Benjamín te quermanocotic, o ma'uquix? xchihic. La yal te Jehová: Mohanic bahel, yu'un pajel ya ca'beyex ta ac'abic, xchi.