Jueces 1:1 - Bible in Tzeltal Bachajón

¹ C'alal chamix a te Josué, te snich'nab Israel la sjoc'obeyic te Jehová: ¿Mach'a a te nahil ya xbaht cu'uncotic ta ya'beyel guerra te cananeohetic? xchihic.

Bible in Tzeltal de Oxchuc y Tenejapa

¹ C'alal lajix a te Josué, te israeletic la sjojc'obeyic te Cajwaltic mach'a sts'umbal te neel ya xba yac'bey guerra te cananeoetique.

Jueces 1:1 Iomraidhean Croise

1 Reyes 22:5

Te Josafat la yalbe xan te ajwalil yu'un Israel: Ya calbat wocol, nahil xajoc'obe te Jehová, xchi.

Éxodo 18:15

Te Moisés hich la sjac'be te snihal-mamal: Como ya xtalic ta jtojol yu'un ay bin ya sjoc'obeyic te Diose.

Éxodo 28:30

Ya me awac' te Urim soc Tumim ta yutil te bolsa pac' ya xc'oht ta stahn yu'un schahpanel c'op scuenta yu'un ay ta yo'tan a te Aarón te c'alal ya x'och bahel ta stojol te Jehová. Hich te Aarón spisil ora ay ta yo'tan a te schahpanel c'op yu'un te snich'nab Israel ta stojol Jehová.

Números 27:21

Te Josué ya xbaht ta stojol te sacerdote Eleazar te ha ya sjoc'obe te Jehová ta scuenta te Urim. Ta scuenta smandar te Josué ya xloq'uic bahel spisil te pueblo Israel, soc ta scuenta smandar ya x'ochic talel, xchi.

Jueces 1:27

Te Manasés ma ba la sten loq'uel te mach'atic ayic ta Bet-seán, Taanac, Dor, Ibleam o Meguido soc te tut pueblohetic yu'unique; te cananeohetic la yaq'uic fuersa te ya xnahinic xan tey a.

Jueces 2:21

ha nix hichon ma ba ya jtembe loq'uel ta stojolic jchahpuc te nacionetic te hilic yu'un Josué te c'alal cham.

Jueces 2:8

Cham te Josué snich'an Nun, te a'bat yu'un Jehová, te c'alal ay lajuneb swacwinic (110) ya'bilal a.

Jueces 2:9

La smuquic ta sq'uinal ta Timnat-sera, ta witsiltic yu'un Efraín, ta stojol norte yu'un te wits Gaas.

Jueces 20:18

Patil hahchic bahel te snich'nab Israel, mohic bahel ta Bet-el, hich baht sjoc'obeyic te Diose: ¿Mach'a nahil ya xmo bahel cu'uncotic ta ya'beyel guerra te snich'nab Benjamín? xchihic. La sjac' te Jehová: Ha nahil ya xbaht te Judá, xchi.

Jueces 20:23

yu'un te snich'nab Israel mohemiquix bahel soc oq'uic ta stojol Jehová c'alal ta yihc'ubel q'uinal, soc la sjoc'obeyic te Jehová: ¿Ya bal suhtotcotic ta ya'beyel guerra te snich'nab Benjamín te quermanocotic? xchihic. La sjac' te Jehová: Bahan, a'beyahic guerra, xchi.

Jueces 20:27

Te snich'nab Israel la sjoc'obeyic te Jehová (yu'un ha yorahil a te tey ay a te scaxahul te chapbil-c'op yu'un Dios,

Jueces 20:28

soc te Finees snich'an Eleazar, te snich'an Aarón, tey yac ta a'tel a), hich la yalic: ¿Ya to bal suhtotcotic xan ta ya'beyel guerra te snich'nab Benjamín te quermanocotic, o ma'uquix? xchihic. La yal te Jehová: Mohanic bahel, yu'un pajel ya ca'beyex ta ac'abic, xchi.

1 Samuel 10:22

Ha yu'un la sjoc'obeyic xan te Jehová teme ma to ba talem te winique. La yal te Jehová: Li' ayi, snac'oj sba ta yohlil te biluquetic, xchi.