San Juan 3:5 - Bible in Tzeltal Bachajón

⁵ Halbot yu'un te Jesús: Tulan sc'oblal ya calbat, te mach'a ma ba ya x'ayin ta scuenta ha' soc ta scuenta Espíritu ma xhu' ya x'och ta banti ay te cuentahinel yu'un Dios.

Nuevo Testamento Tzeltal de Amatenango

⁵ Te Jesuse la sjakꞌbe: —Jamal ya kalbeyat: Te machꞌa ma xchaꞌayin ta jaꞌe y sok ta skuenta te Espiritue ma spas ya xꞌoch te ba ay ta ajwalil te Diose.

Bible in Tzeltal de Oxchuc y Tenejapa

⁵ Te Jesús jich la yal: —Jamal ya calbat, ja' te mach'a ma x'ayin ta swenta ja' soc ta swenta Espíritu, ma xju' ya x'och tey a ta banti ay ta ajwalinel te Diose.

San Juan 3:5 Iomraidhean Croise

San Mateo 18:3

hich la yal: Jamal ya calbeyex, teme ma ba hich yac ap'is abahic te bin ut'il alaletic, ma xhu' ya x'ochex ta banti ay te cuentahinel yu'un te ch'ulchan.

San Mateo 19:24

Soc ya calbeyex xan, ha ma wocoluc ya sohl ta yoc aguja te camello, ha wocol ya x'och tey ta banti ay te cuentahinel yu'un Dios te jc'uhleje, xchi.

San Mateo 21:31

Ta schebalic, ¿mach'a la spas te bin la sc'an yo'tan te state? xchi. La yalic: Ha te mach'a nahil la yalbe, xchihic. Halbotic yu'un te Jesús: Jamal ya calbeyex, te jc'an-patanetic soc te j'antsineletic ha nahil yacalic ta ochel awu'unic ta banti ay te cuentahinel yu'un te Diose;

San Mateo 28:19

Ha yu'un bahanic, otsesahic ta jnopojel spisil te nacionetic, ac'ticlambeyahic yich'ic ha' ta scuenta te Tatil, te Nich'anil soc te Ch'ul Espíritu,

San Mateo 3:11

Melel te ho'one ha nax ya ca'beyex awich'ic ha' ta scuenta suhtesel-o'tanil, yan te mach'a yac ta talel ta jpat, te ma xtuhunon yu'un yich'beyel bahel step, ha toyol xan ya'tel a te bin ut'il te ho'one. Ha me ya ya'beyex awich'ic te Ch'ul Espíritu soc c'ahc'.

San Mateo 5:20

Jamal ya calbeyex, teme ma ba c'ax hich stojil awa'telic a te bin ut'il te ya'telic te escribanohetic soc te fariseohetique, ma ba ya x'ochex te banti ay te cuentahinel yu'un te ch'ulchane.

San Marcos 10:14

C'alal ilot yu'un te Jesús, ma lecuc la ya'iy, hich la yalbe: Ac'a taluc ta jtojol te alaletic, ma me xacomic, como te mach'atic hich stalelic, ha yu'unic te cuentahinel yu'un te Diose.

San Marcos 16:16

Te mach'a ya sch'uhun soc te ya yich' ha', ya me xcol; yan te mach'a ma ba ya sch'uhun, ya me x'a'bot stoj smul.

San Marcos 9:47

Soc teme ha ya ya'bat ale amul te asit, ch'o'a loq'uel; ha lec te jp'ij xanix asit ya x'ochat ta banti ay te cuentahinel yu'un Dios te bin ut'il schebal asit a ya xch'ojotat ochel ta infierno,

San Lucas 13:24

Ac'ahic fuersa ta ochel bahel ta banti tut nax sjamalil te ti'nahile, como ya calbeyex te ay tsobol mach'atic ya sc'an ya x'ochic tey a, pero ma ba ya xhu' yu'unic.

San Lucas 13:3

Ya calbeyex, ban c'an hichuc. Pero teme ma ba yac asuhtes awo'tanic, ha nix hich ya xlajex ta apisilic.

San Lucas 13:5

Ya calbeyex ban c'an hichuc. Pero teme ma ba yac asuhtes awo'tanic, ha nix hich ya xlajex ta apisilic, xchi.

San Juan 1:13

Ma ha'uc ya x'ayinic ta scuenta ch'ich'-baq'uet, o ta scuenta sc'anojel yo'tan winic, ha ya x'ayinic ta scuenta te Diose.

San Juan 3:3

Hich halbot yu'un te Jesús: Tulan sc'oblal ya calbat, te mach'a ma ba ya xcha'ayin xan, ma xhu' ya yil te cuentahinel yu'un te Diose, xchi.

San Juan 3:4

La sjac' te Nicodemo: ¿Bin ut'il ya xhu' ya xcha'ayin xan te mach'a mamalixe? ¿Ya bal c'an hu'uc te ya xcha'wolot xan yu'un snan yu'un ya xcha'ayin xan? xchi.

Hechos 2:38

Halbotic yu'un te Pedro: Suhtesa awo'tanic yu'un amulic soc ac'a abahic ta a'beyel awich'ic ha' ta tuhlutuhl ta scuenta sbihil te Jesucristo scuenta yu'un hich ya spasbeyex perdón yu'un te amulique; amahtanic yac awich'ic te Ch'ul Espíritu,

Hechos 3:19

Ha yu'un suhtesa awo'tanic soc suhtanic tal ta stojol Dios scuenta yu'un ya yich' tup'el amulic; scuenta yu'un yacuc xloc' tal ta stojol Cajwaltic te yorahil ya xlecub cuxlejalil,

Romanos 14:17

como te cuentahinel yu'un Dios ma ha'uc we'el uch'el, ha te bin toj ta pasel, lamal q'uinal soc tse'el-o'tanil ta scuenta te Ch'ul Espíritu,

Romanos 8:2

como te ley yu'un te Espíritu te ya yac' cuxlejal ta scuenta Cristo Jesús la yac'onix ta libre yu'un te ley yu'un te mulil soc te lajele.

1 Corintios 15:50

Pero ya calbeyex, quermanotac, te ch'ich'-baq'uet ma xhu' ya x'a'bot yich' te cuentahinel yu'un Dios, soc te bin scuenta c'a'el ma xhu' ya x'a'bot yich' te bin ma xc'a'e.

1 Corintios 2:12

Te ho'otic ma ha'uc quich'ojtic te espíritu yu'un bahlumilal, ha quich'ojtic te Espíritu te talem ta stojol Dios, scuenta yu'un hich ya jna'tic a te bin ya'beyejotic te Diose.

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

Gálatas 6:15

Como ta scuenta Cristo Jesús mayuc sc'oblal teme quich'ojtic circuncisión o teme ma ba quich'ojtic circuncisión, ha nax ay sc'oblal te pasbilotic ta yach'il.

Efesios 5:26

yu'un ya sch'ultes, c'alal lecubtesbil yu'un ta scuenta spoquel ta ha' ta scuenta te sc'ope,

1 Pedro 1:2

te tsahbilic ta scuenta te nahil na'bot sbahic yu'un te Jtatic Dios, ta scuenta te ch'ultesel yu'un te Espíritu, yu'un ya sch'uhumbeyic smandar te Jesucristo soc ya yich'ic tsihtsinel ta sch'ich'el: Bayeluc me yutsil-o'tanil soc lamal q'uinal ta atojolic.

1 Pedro 3:21

Te ha'e ha seña te ich'-ha' te ya xcolotic yu'un (ma ha'uc te ya sloq'uesbe yabaquil baq'uet, ha te bin ya calbe wocol Dios yu'un te bin ut'il mayuc bin ya yalbotic te co'tantique). Ha ya xcolotic yu'un ta scuenta te cha'cuxaj te Jesucristo,

1 Juan 2:29

Teme ana'ojic te toj yo'tan te Jesucristo, na'ahic me te spisil mach'atic ya spasic te bin toj ha yal-snich'an Dios abi.

1 Juan 5:1

Spisil mach'a sch'uhunej te ha Cristo te Jesús, ayinemix ta scuenta Dios, soc te mach'a c'ux ta yo'tan te tatil, ha nix hich c'ux ta yo'tan te snich'ane.