San Juan 3:2 - Bible in Tzeltal Bachajón

² Ta ahc'abal tal sc'opon te Jesús, hich la yalbe: Rabí, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te señahiletic yac apasbel teme ma ba joquimbil yu'un te Diose, xchi.

Nuevo Testamento Tzeltal de Amatenango

² tal skꞌopon ta ajkꞌubal te Jesuse. La yalbe: —Maestro, jnaꞌojtik te jaꞌ stikonejat tal ta pꞌijuteswanej te Diose, porke maꞌyuk machꞌa ya xjuꞌ yuꞌun spasel te milagroetik te yipalat ta spasele te jichuk ma soyinejuk te Diose —xchi.

Bible in Tzeltal de Oxchuc y Tenejapa

² Tal sc'opon ta ajc'ubal te Jesuse. Jich jajch' yalbey: —Maestro, jna'oj stojol te bit'il ticunbilat tel ta p'ijubteswanej yu'un te Diose, melel ma'yuc mach'a ya xju' yu'un spasel te jchajp at'eliletic te yacat ta spasel te manchuc sjoinejucat te Diose —xi'.

San Juan 3:2 Iomraidhean Croise

1 Reyes 17:24

Te ants la yalbe te Elías: Yo'tic la jna'ix te ha'at winicat yu'un Dios, soc te bin yac awal, ha smelelil sc'op te Jehová, xchi.

Isaías 51:7

A'iybon awa'iyic, ha'ex te yac ana'ic te bin stojil ta pasel, pueblohex te ay ta awo'tanic te ley cu'une. Ma me xaxi'ic te bin ya yalbeyex ta utel te ants-winiquetic, ma me xpehc'aj awo'tanic yu'un te labanel yu'unique.

Jeremías 38:16

Pero te ajwalil Sedequías muquen la yal ta jamal ta stojol Jeremías: ¡Yiloj Jehová te la ya'botic jcuxlejaltic, ma ba ya jmilat soc ma ba ya cac'at ta sc'abic te winiquetic te ya slehbelat acuxlejal! xchi.

San Mateo 22:16

La sticonic bahel te jnopojeletic yu'unic soc te winiquetic yu'un Herodes, hich c'oht yalbeyic: Maestro, jna'ojcotic te smelelil ya xc'opojat soc smelelil yac awac' ta nopel te be yu'un Dios, mayuc sc'oblal awu'un te bin ya yal yantic, como ma ba yac awilbe bin yilel stalel te ants-winiquetique.

San Mateo 23:7

ya smulanic te pat-o'tan ta plazahetic soc te hich ya xhalbotic yu'un ants-winiquetic: Rabí, te xchi sc'oblalique.

San Mateo 23:8

Yan te ha'exe ma me xawac' abahic ta cuyel ta rabí, como jtuhl nax te Maestro awu'unic, soc awermano abahic ta apisilic.

San Marcos 12:14

Hich c'oht yalbeyic: Maestro, ya jna'cotic te smelelil bin yac awal, soc te mayuc mach'a yac axi' aba soc; yu'un ma ba yac awilbe stalel te ants-winiquetic, smelelil yac awac' ta nopel te be yu'un Dios. ¿Stojil bal ta tojbeyel patanil te César, o ma'uc? ¿Ya bal ca'betic, o ma'uc? xchihic.

San Juan 1:38

La sut sit te Jesús, la yil te ha yacalic ta t'unel yu'un, hich la yalbe: ¿Bin yac alehic? xchi. La yalbeyic: Rabí, (Maestro, xchi te c'asesbile) ¿banti nahinemat? xchihic.

San Juan 10:38

Yan teme yacon ta spasel, aunque ma ba yac ach'uhunonic, ch'uhunahic te a'teliletic, scuenta yu'un hich yac ana'ic soc hich yac ach'uhunic a te ay ta jtojol te Tatil soc te ayon ta stojol te Tatile, xchi.

San Juan 12:37

Aunque bayel señahiletic la spas ta stojolic, ma ba la sch'uhunic te Jesús,

San Juan 14:10

¿Yu'un bal ma ba ach'uhunej te jun ayon soc te Tatil, soc te ha joc te Tatil? Te jc'op yac calbelex, ma jtuquel-o'tanuc nax yac calbel, pero te Tatil, te jun ayon soc, ha yac spasbel te a'tele.

San Juan 15:24

Te manchuc la jpas jchahp a'teliletic te mayuc mach'a yan hich spasoj, mayuc smulic te hichuque; pero yilojiquix, soc la sp'ajonic soc te Jtate.

San Juan 2:11

Ha shahchibal te señahiletic te la spas Jesús ta Caná te ay ta sq'uinal Galilea, hich la yac' ta ilel te yutsilal; soc hich ch'uhunot yu'un te jnopojeletic yu'une.

San Juan 20:16

La yal te Jesús: ¡María! xchi. La sut sba te María: ¡Raboni! xchi. (Maestro, xchi c'ohem).

San Juan 3:26

Talic ta stojol te Juan, hich la yalbeyic: Rabí, te mach'a la sjoquinat ta jehch Jordán, ha te la awalbe sc'oblal, ha nix hich ayix ta yaq'uel ich'-ha', soc spisilic yaquic ta bahel ta stojol, xchihic.

San Juan 4:31

Te c'alal bahemix a te antse, te jnopojeletic la yalbeyic te Jesús: We'an, Rabí, xchihic.

San Juan 5:36

Pero ay bin ya yalbon jc'oblal te c'ax hich ay sc'oblal a te bin la yal te Juan: ha te a'teliletic a'bibilon yu'un te Tatil yu'un ya hu'tes, ha nix te a'teliletic te yacon ta spasel, ha ya yalbonic jc'oblal te sticonejon tal te Tatile.

San Juan 6:2

Bayel ants-winiquetic la st'unic bahel yu'un la yilic te señahiletic la spasbe te jchameletique.

San Juan 7:31

Pero tsobol ants-winiquetic la sch'uhunic, soc hich la yalic: Te c'alal ya xtal te Cristo, ¿c'ax bal hich señahiletic ya spas a te bin ut'il ya spas te winic ini? xchihic.

San Juan 9:16

Ay fariseohetic hich la yalic: Te winic ini, ma ba talem ta stojol Dios, como ma ba ya scanantay te sc'ahc'alel cux-o'tan, xchihic. Ay yantic la yalic: ¿Bin ut'il ya xhu' yu'un spasel señahiletic te mach'a jmulawil? xchihic. Hich la stij sbahic ta c'op yu'un.

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

Hechos 2:22

Winiquetic yu'un Israel, a'iya me awa'iyic te c'ope: Te Jesús talem ta Nazaret, ha te winic te Dios la yac' ta ilel ta atojolic te lec sc'oblal; hich la yac' ta ilel ta scuenta jchahp a'teliletic soc señahiletic te Dios la spas ta atojolic ta scuenta, hich te bin ut'il ana'ojique.

Filipenses 1:14

Soc ay tsobol quermanotactic te tey la yich' xan yip yo'tanic a ta scuenta te Cajwaltic yu'un te bin ut'il chuculon, mayuc xiwel yu'unic a ya yaq'uic xan fuersa ta yalel te sc'op Diose.

Jueces 6:27

Ha yu'un te Gedeón la yic' bahel lajuntuhl a'batetic yu'un, baht spas te bin halbot yu'un Jehová. Pero la spas ta ahc'abal, yu'un la xi' te ya spas ta c'ahc'alel ta scaj te mach'atic ay yu'un te stat soc te winiquetic yu'un te pueblo.