San Juan 2:4 - Bible in Tzeltal Bachajón

⁴ ¿Bin cocheltic a, ants? Ma to ba stahoj yorahil cu'un, xchi te Jesús.

Nuevo Testamento Tzeltal de Amatenango

⁴ Te Jesuse la sjakꞌbe: —Jmeꞌ, ¿tuꞌun te jicha tal awalbone? Yuꞌun ma to sta stiempoal kuꞌun —xchi.

Bible in Tzeltal de Oxchuc y Tenejapa

⁴ La yal te Jesuse: —Me'tic, ¿bistuc ya awalbon jich? Melel ma to sta yorail cu'un —la yut.

San Juan 2:4 Iomraidhean Croise

2 Samuel 16:10

Pero la sjac' te ajwalil: ¿Bin cochelex a te ha'ex, yalatac Sarvia? Teme hich yac ta bohlc'optaywanej, yu'un hich halbot yu'un Jehová te ya sbohlc'optay te David. ¿Mach'a ya xhu' ya yalbe: Bin yu'un te hich yac apas? xchi.

2 Samuel 19:22

La sjac' te David: ¿Bin cochelex a, yalatac Sarvia, yu'un te jcontra ya xc'ohex yo'tic? ¿Ya bal sc'an te ay mach'a ya xlaj yo'tic ta Israel? ¿Ma bal jna'oj te yo'tic ya xcha'ochon ta ajwalil yu'un Israel? xchi.

1 Reyes 17:18

Te ants hich la yalbe te Elías: ¿Bin awochelon a, winicat yu'un Dios? ¿Tal bal awa'bon jna' te muliletic cu'un soc te yac awac' chamuc te cale? xchi.

Eclesiastés 3:1

Spisil ay yorahil; ay yorahil spisil te bin ya yich' pasel ta ye'tal ch'ulchan:

San Mateo 15:28

Ha yu'un hich jac'bot yu'un te Jesús: ¡Ants, bayel sch'uhunel awo'tan! Ac'a c'ohtuc ta pasel te bin yac ac'ambel, xchi sc'oblal. Ha nix ta yorahil a lecub te yantsil-ale.

San Mateo 8:29

Hich la yawtayic te Jesús: ¿Bin awochelotcotic a, Jesús Snich'anat Dios? ¿Tal bal awac'otcotic ta wocol te ma to ba stahoj yorahil? xchihic ta aw.

San Lucas 2:49

Ha yu'un hich halbotic yu'un te Jesús: ¿Bin yu'un yac alehbelonic? ¿Yu'un bal ma xana'ic te ya sc'an te ya jpasbe ya'tel te Jtate? xchi yu'un.

San Juan 12:23

La yal te Jesús: La stahix yorahil te ya x'ac'otix ta ich'el ta muc' te Nich'anil ay ta scuenta winic.

San Juan 13:1

Ma to sta yorahil Q'uin Pascua a, te Jesús sna'oj te c'ohtix yorahil te ya yihquitayix hilel te bahlumilal soc te ya xbahtix ta stojol te Tatile. C'ux la ya'iy ta yo'tan te mach'atic ay yu'un ta bahlumilal, c'ux la ya'iy ta yo'tan ha to c'alal ta slajibal.

San Juan 2:3

C'alal laj te vino, hich halbot yu'un snan te Jesús: Mayuquix vino yu'unic, xchi.

San Juan 20:13

Hich halbot yu'unic: Ants, ¿bin yu'un yacat ta oq'uel? xchihic. Yu'un la yich'bonic bahel sbaq'uetal te Cajwal, ma jna' banti c'oht yaq'uic hilel, xchi te María.

San Juan 20:15

Joc'obot yu'un te Jesús: Ants, ¿bin yu'un yacat ta oq'uel? ¿Mach'a yac ale? xchi. Te María la scuy te ha jcanan-ts'unubil, hich la yalbe: Tatil, teme ha'at la awich'be bahel, halbon banti c'oht awac' hilel, yu'un ya quich'be bahel, xchi.

San Juan 7:30

Ha yu'un c'an stsaquic, pero mayuc mach'a la stsac, como ma to stahoj yorahil yu'un a.

San Juan 7:6

Ha yu'un halbotic yu'un te Jesús: Ma to ba stahoj yorahil cu'un, yan te ha'exe spisil ora lec te yorahil awu'unique.

San Juan 7:8

Bahan, mohanic bahel ta il-q'uin te ha'exe; ma to ba ya xmohon bahel ta q'uin ini, como ma to ba stahoj yorahil cu'un, xchi.

San Juan 8:20

Ay ta banti ya yich' tsobel smahtan Dios a te hich la yal te Jesús, te c'alal yac ta p'ijubteswanej ta Templo a. Mayuc mach'a tsacot yu'un, como ma to ba stahoj yorahil yu'un a.

2 Corintios 5:16

Ha yu'un yo'tic soc ta patil bahel mayuc mach'a ya jna'becotic sba ta scuenta ch'ich'-baq'uet, aunque ta nahil to hich la jna'becotic sba te Cristo, ma hichuquix ta ora ini.

Deuteronomio 33:9

te mach'a hich la yalbe sc'oblal te sme'static: Jc'axel mayuc xquil, xchi. Ma ba la yich' ta cuenta te yermanotac, soc ma ba la sna'be sba te yal-snich'nab. Pero ha'ic la sch'uhunic spasel ac'op, ts'acal la spasic te chapbil-c'op awu'une.