San Juan 13:4 - Bible in Tzeltal Bachajón

⁴ hich la stehc'an sba tey ta banti ayic ta we'el, la sloq'ues te smuc'ul-c'u', la stsac jun toalla soc la sbech' ta sch'uyomba.

San Juan 13:4 Iomraidhean Croise

2 Reyes 3:11

Pero la yal te Josafat: ¿Ma bal ayuc jalwanej yu'un Jehová li'i te ya xhu' ya joc'obetic Jehová ta scuenta? xchi. Ay jtuhl a'bat yu'un te ajwalil yu'un Israel, hich la yal: Li' ay te Eliseo snich'an Safat, te a'bat yu'un Elías, xchi.

San Lucas 12:37

Bayel me yutsil te a'batetic te wiq'uil sitic ta mahlab a ya xhulic ta tahel yu'un te yajwalique. Jamal ya calbeyex, ya me schahpan sba soc ya me x'ac'otic ta we'el ta mesa yu'un te yajwalic, soc ya me xtal yac' sba ta a'batinel yu'unic.

San Lucas 17:7

¿Mach'ahex a te ay a'bat yu'un te ya stop'lum o ya scanantay wacax, te c'alal ya xhul tal hich ya yalbe: La, c'axan ta mesa, xchi bal?

San Lucas 17:8

¿Ma bal hichuc ya yalbe: Chahpambon jwe'el, chuca ach'uht, c'asesbon tal ta mesa, ha to teme laj co'tan ta we'el uch'el, patil ya xwe' x'uch'at te ha'ate, ma bal xchihuc?

San Lucas 22:27

¿Mach'a yac awa'iyic a te muc' sc'oblal, ha bal te mach'a ya shuhcan sba ta we'el ta mesa o ha bal te mach'a ay ta a'batinel? ¿Ma bal ha'uc te mach'a ya shuhcan sba ta we'el ta mesa? Pero ho'on hich ayon ta awohlilic te bin ut'il mach'a ay ta a'batinel.

San Juan 13:12

C'alal laj yo'tan spocticlambeyel yoc te jnopojeletic yu'un, la yich' xan te smuc'ul-c'u', suht xan bahel ta mesa, hich la yal: ¿Ana'ojic bal te bin la jpasbeyexe?

2 Corintios 8:9

Ana'ojiquix te yutsil yo'tan te Cajwaltic Jesucristo, aunque jc'uhlej, ha pobre c'oht ta acuentahic, scuenta yu'un ha'ex jc'uhlejex ya xc'ohex ta scuenta spobrehil.

1 Juan 3:11

Hich ay te c'op te awa'iyejic ta shahchibal to tal: ha te talel c'axel c'ux ac'a ca'iy jbahtic.