San Juan 10:1 - Bible in Tzeltal Bachajón

¹ Jamal ya calbeyex, te mach'a ma ba ya x'och ta sti'il corral yu'un tuminchijetic, teme yan banti ya x'och, ha me j'elec' soc j'uts'inwanej abi.

Nuevo Testamento Tzeltal de Amatenango

¹ Jich a yal te Jesuse: —Jamal ya kalbeyex, te machꞌa ma ta tiꞌ koraluk ya xꞌoch te ba skoral te karneraetike, teme bayuk nax ya xꞌoche, jaꞌ me jꞌelekꞌ sok jꞌilbajinwanej abi.

Bible in Tzeltal de Oxchuc y Tenejapa

¹ Soc la yal xan te Jesuse: —Jamal ya calbeyex, te mach'a ma ti'corraluc ya x'och bael ta scorral te chijetique, ja' me j'elec' abi, ja' me j'uts'inwanej abi, melel bayuc ya xwil ochel ta corral.

San Juan 10:1 Iomraidhean Croise

Jeremías 14:15

Ha yu'un hich yaloj Jehová sc'oblal te jalwanejetic te ay bin ya yalic ta scuenta te jbihil, te ma ba jticonej, soc te hich ya yalic: Ma xtal espada o wi'nal ta q'uinal ini, te xchihique. ¡Ya xlajic ta espada soc ta wi'nal te jalwanejetic ini!

Jeremías 23:21

Ma ho'ucon jticonej te jalwanejetic ini, pero ahnimajic bahel; ma ba la jc'oponlan, pero la yalic sc'op-jalwanej.

Jeremías 23:32

Melel ya jcontrahin te jalwanejetic te ya yalic slotil wayichic, te ya yalbeyic te pueblo cu'un, te hich ya yac' howiyuc ta scuenta slotic soc sbaba-c'opic. Ma ba la jticon soc ma ba la jcalbe mandar. Mayuc bin lec loq'uem yu'unic a te pueblo ini, xchi te Jehová.

Joel 2:9

Ya yochintayic te pueblo, ya x'ahnimajic ta sba ts'ahc, ya xmohic ta nahnatic, ya x'ochic ta ventana hich te bin ut'il j'eleq'uetic.

San Mateo 7:15

Tsahtaya me abahic ta stojol te lotil jalwanejetic te sc'u'inejic snuhculel tuminchijetic, pero ta yutil ha ti'awal chojetic.

San Juan 10:7

Hich halbotic xan yu'un te Jesús: Jamal ya calbeyex, ho'on te ti'corralon yu'un te tuminchijetique.

San Juan 3:3

Hich halbot yu'un te Jesús: Tulan sc'oblal ya calbat, te mach'a ma ba ya xcha'ayin xan, ma xhu' ya yil te cuentahinel yu'un te Diose, xchi.

Romanos 10:15

Soc ¿bin ut'il c'an yalbe sc'oblal teme mayuc mach'a ticombil? Hich te bin ut'il ts'ihbabil: ¡C'ax t'ujbil te yoquic te mach'atic ya yalbe sc'oblal te lamal q'uinal, te ya yalbeyic sc'oblal te lec yach'il c'ope! xchi.

Romanos 16:18

como te mach'atic hich ya spasic, ma ha'uc yac'oj sbahic ta a'batinel yu'un te Cajwaltic Jesucristo, ha nax ya spasic te bin ya sc'an yo'tanic stuquel. Ta scuenta t'ujbil c'opetic soc te bintic lec ta a'iyel ya slo'loybe yo'tanic te mach'atic ma sna'ic stsahtayel.

Tito 1:11

Ya sc'an ya yich' macbeyel yehic, como yac sjimbel nahetic, yu'un ta scaj sbic'sitayel taq'uin ya yaq'uic ta nopel te bin ma xtuhune.

Hebreos 5:4

Mayuc mach'a stuquel-o'tan nax ya yac' sba ta muc'ul sacerdotehil, ya sc'an ya x'ic'ot yu'un Dios, hich te bin ut'il ic'ot te Aarón.

1 Pedro 1:10

Te jalwanejetic te la yalbeyic sc'oblal te yutsil-o'tanil te yac awich'ic, la sc'an la sna'beyic scuentahil soc la stsahtayic ta lec te colel ini,

2 Pedro 2:1

Ta namey ay lotil jalwanejetic ta yohlil te pueblo Israel, hich te bin ut'il ya me xchicnaj lotil jp'ijubteswanejetic ta awohlilic te muquen ya yotsesic bin ay ta nopel te ya xjinawan, soc ya smuc ta yo'tanic te Cajwaltic te mambil scolelic yu'une. Ha nix yac yich'belic tal castigo te ora ya xtal ta stojolic.

2 Pedro 2:3

Ta scaj sbic'sitayel taq'uin ya me slo'loyex ta scuenta lotil c'op. Ayix ora te quechel yich'belic castigo yu'un, soc yac smahliybel te ch'ayel yu'unique.

1 Juan 4:1

Ha'ex te c'uxex ta co'tan, ma me xach'uhunic spisil espírituhetic, nahil me xatsahtayic teme ha yu'un Dios, como ay bayel lotil jalwanejetic te puhquemic bahel ta bahlumilal.