San Juan 1:12 - Bible in Tzeltal Bachajón

¹² Pero spisil te mach'atic la yich'ic ta cuenta, te la sch'uhumbeyic te sbihile, la yac' te ha yal-snich'nab Dios ya xhu' ya xc'ohtic.

Nuevo Testamento Tzeltal de Amatenango

¹² Pero te machꞌatik la yakꞌik ta jkuentae Y la xchꞌuunik te tikonbil tal yuꞌun te Diose, akꞌtalanbot ta skuentaik te yal xnichꞌan Dios ya xlaj kꞌotike.

Bible in Tzeltal de Oxchuc y Tenejapa

¹² Yan te mach'atic la yiq'uic ta stojolique, soc te la xch'uun yo'tanic ta swenta sbiil, la yac'bey tulan yat'elic te bit'il ochic ta yal-snich'anic te Diose.

San Juan 1:12 Iomraidhean Croise

2 Samuel 7:24

Como la awac' te ha pueblo ya xc'oht awu'un te Israel scuenta sbahtel q'uinal; soc ha'at, Jehová, Diosat c'ohat yu'unic.

Isaías 56:5

ya ca'be lugar ta jna soc ta yutil te ts'ahquetic cu'un, ya ca'be sbihil te lec xan a te bin ut'il sbihil ach'ix-querem nich'aniletic; ya ca'be sbihil te stalel ya xhil, te mayuc bin ora ya xch'ay.

Jeremías 3:19

Hich la jcal: Mero la jc'an te ya caq'uex ta al-nich'anetic cu'un soc te ya ca'beyex t'ujbil q'uinal, ha te q'uinal te c'ax hich yutsil a te bin ut'il te yich'ojic yantic nacionetic. La jcal te, Jtat, xchihuquex ta jtojol, te ma ba yac awihquitay aba at'umbelon.

Oseas 1:10

Aunque hich ay, te israeletic hich ya xc'ohtic te bin ut'il shi'al mar, te ma xhu' ta p'isel o ta ahtayel. Ta banti hich ya xhalbotic: Ma puelohuquex cu'un, te xchihe, hich ya xhalbotic: Yal-snich'anex te cuxul Dios, xchi sc'oblalic.

San Mateo 10:40

Te mach'a ya yiq'uex, ho'on me ya yic'on abi; te mach'a ya yic'on, ha me ya yic' te Mach'a la sticonon tale.

San Mateo 12:21

Ha nix sbihil te ya smuc'ulin yo'tanic te jyanlumetic, te xchihe.

San Mateo 18:5

Soc mach'ayuc a te ta scuenta jbihil ya yic' jtuhluc alal hich te bin ut'il te alal ini, ho'on me la yic'on abi.

San Juan 1:11

Tal sjoquin te mach'atic ay yu'un, pero ma ba ich'ot ta cuenta yu'unic.

San Juan 1:7

Ha tal ta testigohil yu'un ya yalbe sc'oblal te sacal q'uinal, scuenta yu'un hich ya sch'uhunic spisil ants-winiquetic a.

San Juan 11:52

Soc ma ha'uc nax ta scuenta te nación, ha nix yu'un te ya stsob ta junax te yal-snich'nab Dios te puhquemique.

San Juan 2:23

C'alal ay ta Jerusalén a te Jesús, ta yorahil Q'uin Pascua, tsobol mach'atic la sch'uhunic c'alal la yilbeyic te señahiletic te la spase.

San Juan 20:31

Pero ha'i señahiletic ini la yich' ts'ihbayel scuenta yu'un hich me yac ach'uhunic a te ha Cristo te Jesús, te ha Snich'an Dios, soc teme yac ach'uhunic, ay me acuxlejalic ta scuenta te sbihile.

San Juan 3:18

Te mach'a ya sch'uhun, ma ba ya x'a'bot stoj smul; yan te mach'a ma ba ya sch'uhun, ya stoj smul stuquel, como ma ba la sch'uhun te hip jtuhl Snich'an te Diose.

Hechos 3:16

Ha ta scuenta sch'uhunel yo'tan ta stojol Jesús te la yich'ix yip ha'i winic ini te yac awilbelic soc te yac ana'beyic sbahe. Ha te sch'uhunel-o'tanil ta scuenta Jesús te la yac' lecubuc ta jc'axel ha'i winic ini te ay ta atojolique.

Romanos 8:14

Ha me al-nich'aniletic yu'un Dios spisil mach'atic ayic ta tojobtesel yu'un te Espíritu yu'un Dios,

Romanos 8:16

Ha nix te Espíritu te ya yal testigo-c'op ta stojol te espíritu cu'untic te ha yal-snich'anotiquix te Diose.

Romanos 8:19

como spisil te bintic pasticlambil c'ax lec yo'tan yac smahliybel ya xchicnajtesot te al-nich'aniletic yu'un Dios.

Gálatas 3:26

Apisilic yal-snich'anex Dios ta scuenta bin ut'il ach'uhunejic te Cristo Jesús,

Gálatas 4:6

Te bin ut'il yal-snich'anex Dios, ha la ya'beyex ta awo'tanic te Espíritu yu'un te Snich'an, te hich ya yal: ¡Abba, Jtat! xchi.

Colosenses 2:6

Ha yu'un hich te bin ut'il la awic' ta awo'tanic te Cajwaltic Jesucristo, hich me ya x'ayinex ta stojol,

2 Pedro 1:4

Ha nix ta scuentahic ini te ay bintic yalbeyejotic te Dios te c'ax t'ujbil soc te muc' sc'oblal, scuenta yu'un ta scuenta bintic yaloj, yac awich'beyic stalel te Dios soc ya x'ahnex loq'uel ta stojol te bin ya xjinawan te ay ta bahlumilal ta scaj chijil-o'tanil.

1 Juan 3:1

Ilawil bin ut'il bayel c'uxotic ta yo'tan te Tatil, te ha yal-snich'anotic Dios ya jbihilintic. Ha scuentahil te ma sna'botic jbahtic te bahlumilale, como ma sna'beyic sba te Diose.

1 Juan 3:10

Hich ya xchicnaj mach'atic a te yal-snich'nab Dios soc mach'atic a te yal-snich'nab te pucuje: Spisil mach'a ma ba ya spas te bin toj ta pasel soc te ma c'uxuc ya ya'iy ta yo'tan te yermano, ma yu'unuc Dios stuquel.

1 Juan 3:2

Ha'ex te c'uxex ta co'tan, yo'tic yal-snich'anotiquix te Diose, soc ma to chicanuc bin quileltic ya xc'ohotic; pero jna'ojtic te c'alal ya xchicnaj tal te Cristo, pajal quileltic soc Cristo ya xc'ohotic, yu'un ya me quiltic bin mero yilel stuquel.

1 Juan 3:23

Soc ha smandar ini: ha te ya jch'uhumbetic te sbihil te Snich'an, ha te Jesucristo, soc te talel c'axel c'ux ya ca'iy jbahtic, hich te bin ut'il la spasotic hilel ta mandar.