Joel 2:3 - Bible in Tzeltal Bachajón

³ Spisil ya xlaj ta c'ahc' ta stojolic, soc ya xlaj ta yat c'ahc' ta spatic. Te q'uinal hich yilel te bin ut'il ts'umbil q'uinal Edén te c'alal ma to ba c'axemic a, ta spatic hich ya xc'oht te bin ut'il jochol taquin q'uinal; mayuc bin ya xcol hilel ta stojolic.

Bible in Tzeltal de Oxchuc y Tenejapa

³ Pajalic soc c'ajc', te spisil ya slajine. Ya xchic'awan te c'alal ma to xc'ax ae, soc manchuc me c'axemix a, pero ya to xchic'awan xan a. Te c'alal ma to xjulic ae, mero c'ax t'ujbil te q'uinale; te c'alal ya xbajt'ique, pajal soc jochol taquin q'uinal ya xjil yu'unic. Ma'yuc bila col jilel yu'unic.

Joel 2:3 Iomraidhean Croise

Génesis 13:10

Te Lot la shach sit, la yil spisil te spamlej yu'un Jordán te ay bayel ha'etic tey a, hich yilel te bin ut'il sts'unub-yawal Jehová, hich yilel te bin ut'il te sq'uinal Egipto ta stojol Zoar. Hich ay a te c'alal ma to ba sjinoj Jehová te Sodoma soc te Gomorra.

Génesis 2:8

Te Jehová Dios la yac' ts'umbil q'uinal ta Edén te ay ta stojol banti ya xloc' tal c'ahc'al. Tey la yac' a te winic te la spase.

Salmos 50:3

Ya me xtal te Dios cu'untic, ma ba ya xch'ab; ay c'ahc' ta stojol te ya xlajinwan soc joytaybil ta tulan ic' ta sjoyobal.

Salmos 97:3

Ya xnahilij bahel c'ahc' ta stojol te ya schic' te scontratac te ayic ta sjoyobal.

Éxodo 10:15

La slim sbahic ta lum ta spahmal q'uinal, ihc'ub q'uinal yu'un; la slajinic spisil te ha'mal ta q'uinal soc spisil te sit te' te hilemic yu'un te bat. Mayuc hil syaxal te'etic o ha'maletic ta spahmal sq'uinal Egipto.

Éxodo 10:5

ya slim sbahic ta lumq'uinal ha to c'alal ma chicanuc ya xhil te lume. Ya swe'ic te bintic hilem yu'un te bat soc ya swe'ic spisil te'etic yac ta colel ta aq'uinal.

Isaías 14:17

te la yac' c'atp'ujuc ta jochol q'uinal te bahlumilal, te la sjinticlan te pueblohetic yu'un, te ma ba la scoltay bahel te jchuqueletique?

Isaías 15:6

Ya xlajic te ha'etic yu'un Nimrim, ya xtaquij te aquiltic, ya sayub te spuhl te'etic, ya xlaj spisil bintic yax.

Isaías 33:4

Ya yich'ic stsobel te bintic spojticlanejic, hich te bin ut'il ya stsobot yu'un yaxal yoletic; ya xwihlic cohel ta sbahic hich te bin ut'il c'ulubetic.

Isaías 51:3

Te Jehová ya me smuc'ubtesbe q'uinal ya'iy te Sión, ya smuc'ubtesbe q'uinal ya'iy spisil te bintic jihnem yu'un. Ya me yac' te hich ya xc'oht te bin ut'il Edén te jochol taquin q'uinal yu'un, te hich ya xc'oht te bin ut'il t'ujbil ts'umbil q'uinal yu'un Jehová te jochol q'uinal yu'un. Tey ay yutsil q'uinal a soc tse'el-o'tanil, yalel wocol soc c'ayoj.

Isaías 9:18

Como te bin chopol, ya xtihl hich te bin ut'il c'ahc', ya slajin pimil ch'ixileltic soc ch'ixetic, ya schic' te pimil tohyem te'etic, xtomet ya xmo bahel hich te bin ut'il sutu-ic'.

Isaías 9:19

Ta scuenta yilimba te Jehová te scuentahinej spisil ya stsac c'ahc' te lumq'uinal, ha ya'malel c'ahc' ya xc'oht te pueblohe; mayuc mach'a ya sna'be yo'bolil sba te yermano.

Jeremías 5:17

Ya me slajimbat te sit ats'un-awawal soc te we'elil awu'un, ya slajimbat aquerem-nich'nab soc awantsil-nich'nab; ya me slajimbat te tuminchijetic soc wacaxetic awu'un, te ts'usubiletic soc te higuerahetic awu'une; ya me sjimbat ta espada te pueblohetic te ay sts'ahcul te smuc'ulinej awo'tanique.

Ezequiel 36:35

Hich me ya yalic: Te q'uinal ini te jochol hil, hich c'oht te bin ut'il ts'umbil te'etic ta Edén; soc te pueblohetic ini te jimbilic soc jocholic, yo'tic ayix ts'ahquetic yu'unic soc ay mach'atic ya xnahinic tey a, xchihic.

Amós 7:4

Te Jehová te Ajwalil hich la ya'bon quil: Te Jehová te Ajwalil yac yich'bel tal c'ahc' scuenta chahpanel; ha la slajin te muc'ul xahab soc jsehp te q'uinale.

Habacuc 1:6

Como ya jach te caldeohetic, jun nación te bayel ya x'uts'inwan soc ora ya suj sba, te ya xbehen ta sjamalil te q'uinal yu'un ya yu'untay q'uinaletic te ma yu'unuc.

Zacarías 7:14

ha la jpucticlan bahel ta sutu-ic' ta stojol spisil te nacionetic te ma ba sna'beyejic sbahe. Jimbil hil te q'uinal c'alal ihquitayot yu'unic, mayuc mach'a xtal xc'ax tey a; hich la sc'atp'unic ta jochol taquin q'uinal te t'ujbil q'uinale, xchi.