Joel 1:12 - Bible in Tzeltal Bachajón

¹² Taquijix te ts'usubil soc ch'ay te higuera; ha nix hich te granado, te xahn soc te manzana, spisil te te'etic ta q'uinal taquijemiquix. Hich laj te yutsil q'uinal ya ya'iyic te ants-winiquetique.

Bible in Tzeltal de Oxchuc y Tenejapa

¹² Taquejix te ts'usubile, tojol ch'ay te higueraetique. Taquin a jilic uuc te granadoetic, te palmaetic, soc ste'el manzanaetic, soc ta spisil ste'el te q'uinaletique. Jich ch'ay te yutsil yo'tanic spisil te ants-winiquetique.

Joel 1:12 Iomraidhean Croise

Salmos 4:7

C'ax hich la awa'bon stse'elil co'tan a te bin ut'il mach'atic ay bayel trigo soc vino yu'unique.

Salmos 92:12

Te mach'a toj yo'tan hich me ya xnichinic te bin ut'il xahn, hich ya xmuc'ubic te bin ut'il cedro ta Líbano;

Cantares 2:3

Hich te bin ut'il ste'el manzana ta yohlil te te'etic, hich ay ta yohlil te queremetic te mach'a c'ux ta co'tan. Bayel ya jmulan te ya juhcan jba ta yaxinal, soc buen chi' ya ca'iy te site.

Cantares 4:13

ha sts'unubil granado te ay spuhl, te ay slequil sit, ha snich alheña-nichim soc nardo,

Isaías 16:10

Loq'uesbilix te tse'el-o'tanil soc te yutsil-o'tanil ta stojol te lequil q'uinal; mayuc mach'a ya xc'ayojin o te ya x'awon yu'un yutsil yo'tan ta ts'usubiletic; mayuc mach'a ya sts'o' ta teq'uel te vino ta banti ya yich' ts'o'ts'o' teq'uel; la jcom te aw scuenta tse'el-o'tanil.

Isaías 24:11

Ay awetic ta callehetic yu'un mayuc vino; laj spisil te tse'el-o'tanil, la yich'ix loq'uesel te yutsil q'uinal ta bahlumilal.

Isaías 24:7

Laj te vino, taquij te ts'usubil, ahcanajic spisil te mach'atic tse'el yo'tanic a.

Isaías 9:3

La awac' p'ohluc te ants-winiquetic soc la awa'be bayel yutsil yo'tanic. Tse'el yo'tanic ta atojol hich te bin ut'il ta yorahil stsobel sit awal-ts'unubil, hich te bin ut'il c'alal ya spucbe sbahic te bintic pojbile.

Jeremías 48:3

¡Ya xchicnaj tal awetic ta Horonaim, muc'ul jinel soc lajinel!

Jeremías 48:33

Lajix te yutsil-o'tanil soc yutsil q'uinal ta yaxal q'uinal yu'un Moab. La jcac' te mayuquix vino ta yawil, ma ba ya sp'e'iquix ta teq'uel soc yutsil yo'tanic; mayuquix aw yu'un yutsil q'uinal.

Joel 1:10

Jimbilix te c'altic, ay ta mel-o'tan te q'uinale, como laj te trigo, taquijix te yach'il vino, ch'ayix te aceite.

Joel 1:16

¿Ma bal la yich' loq'uesel ta jtojoltic te we'elil, te tse'el-o'tanil soc te yutsil q'uinal ta sna te Dios cu'untique?

Jonás 4:7

Pero c'alal sacub q'uinal ta schebal c'ahc'al, te Dios la schahpan jcoht yol te la slajin te ch'upac-te', hich taquij.

Hageo 2:19

¿Ay to bal sit awal-ts'unubil ta yawil? Ma to ba yac'oj sit te ts'usubil, higuera, granado o te olivo, pero yo'tic soc ta patil bahel ya ca'beyex bendición, xchi.

Malaquías 3:11

Soc ya jcombeyex te jlajinwanej, ma ba ya slajimbeyex te sit awawal ats'unubic, soc te ts'usubil awu'unic ma yu'unuc ma ba ya sitin.

Números 13:23

C'ohtic c'alal ta spamlej Escol, tey la set'beyic jchej sit ts'usub te chebic ta sq'uechel tal ta te', soc la set'beyic granahetic soc higohetic.