Jeremías 15:3 - Bible in Tzeltal Bachajón

³ Ya jticon ta stojolic chanchahp castigo, xchi te Jehová: ha te espada te ya xmilawan, ts'i'etic te ya xti'awanic, mutetic te ya xwihlic ta toyol soc chambahlametic ta q'uinal yu'un ya xti'awanic soc ya xlajinwanic.

Bible in Tzeltal de Oxchuc y Tenejapa

³ “Jo'on Ajwalilon, jich ya cal: Ya jticunbey tel chanchajp castigo: Ay ya xmilotic ta guerra, ay me ya yich'ic tasel bael yu'un ts'i'etic, ay me ya xti'otic yu'un te xulemetic soc ay me ya xbic'otic yu'un te jti'awal chambalametique.

Jeremías 15:3 Iomraidhean Croise

Deuteronomio 28:26

Te achamen baq'uetalic ya me xtuhun yu'un swe'elic spisil te mutetic ta ye'tal ch'ulchan soc te ti'awal chambahlametic ta q'uinal, mayuc mach'a ya stijticlan bahel.

Levítico 26:22

Soc ya jticombeyex tal ta atojolic ti'awal chambahlametic te ya slajimbeyex awal-anich'nabic, te ya smilbeyex awacaxic soc te ya spehc'ambeyex awahtalulic, hich jochol ya xhil te behetic awu'unique.

Levítico 26:16

hich me ya jpasbeyex ta atojolic: ya jticombeyex tal ta atojolic tulan xiwel, tulan chamel soc c'ahc' te ya sjin sitil soc te ya yac' pich'il-o'tanil. Tojol yac awa'iyic ts'umbajel, yu'un ha ya swe'ic te acontrahique.

Apocalipsis 6:8

Hich la jquil ay jcoht c'anal cawu. Te mach'a cajal tey a, Lajel te sbihile, ha t'umbil yu'un te Yawil mach'atic chamenic. A'bot ta scuenta jun ta schanxeht'el te bahlumilal yu'un ya smil ta espada, ta wi'nal, ta tulan chamel soc ta ti'awal chambahlametic.

Ezequiel 14:21

Ha yu'un hich yaloj te Jehová, te Ajwalil: ¡C'ax to xan hich a te c'alal ya jticon bahel ta stojol Jerusalén te chaneb castigo te xiweltic sbahic, ha te espada, wi'nal, ti'awal chambahlametic soc jmilawal-chamel, yu'un ya slajinlanic ants-winiquetic soc chambahlametic tey a!

Levítico 26:25

Ya cac' taluc espada ta atojolic scuenta spacol sc'axuntayel te chapbil-c'op. Teme yac ale awahnibic ta apueblohic, ya jticon tal jmilawal-chamel ta atojolic soc ya x'ochex ta sc'ab te acontrahique.

Jeremías 7:33

Te chamen baq'uet yu'un te pueblo ini ya me xtuhun yu'un swe'el te mutetic te ya xwihlic ta toyol soc te chambahlametic ta lumq'uinal, soc mayuc mach'a ya xiwtesic bahel.

Isaías 18:6

Spisil ya yich' ihquitayel hilel yu'un te mutetic yu'un witsiltic soc te ha'mal chambahlametic. Te mutetic tey ya xc'ax yu'unic a ta yorahil q'uixin q'uinal, soc te chambahlametic tey ya xc'ax yu'unic a ta yorahil sic, xchi te Jehová.

Salmos 68:23

scuenta yu'un yac amul awoc ta sch'ich'el te acontratac, soc ya sleq'uic te ts'i'etic awu'un, xchi.

Jeremías 12:9

Te pueblo cu'un hich c'ohem te bin ut'il ha'mal mut te bayel sch'ahlel te joytaybil ta contrahinel yu'un yantic mutetic. ¡Bahanic, tsobahic talel spisil ha'mal chambahlametic, ic'ahic talel yu'un ya xlajinot yu'unic!

Jeremías 14:16

Soc te pueblo te la yalbeyic te c'op ini ya me yich'ic ch'ojel loq'uel ta callehetic yu'un Jerusalén ta scaj wi'nal soc espada, mayuc mach'a ya xmucotic yu'un o te yihnamic o te ach'ix-queremetic yu'unique. Ya jmalbe ta stojolic te schopolilique.

Jeremías 16:4

ya me xchamic yu'un tulan chameletic; mayuc mach'a ya x'oq'uetayotic yu'un soc mayuc mach'a ya xmucotic yu'un; hich ya xhilic te bin ut'il stsa' chambahlam ta sba te lumq'uinale. Ya xlajic ta espada soc ta wi'nal, soc te schamen baq'uetalic ya me xlajic ta ti'el ta mutetic te ya xwihlic ta toyol soc ti'awal chambahlametic ta q'uinal, xchi te Jehová.

Lamentaciones 3:11

La showiyteson ta be, la sbutsticlanon; jimbilon hilel yu'un.

Ezequiel 33:27

Hich me xawalbe: Hich yaloj te Jehová, te Ajwalil: Ho'on cuxulon, ya cal ta jamal, te mach'atic ayic ta banti jimbilic ya me xlajic ta espada, soc te mach'atic ayic ta yohl q'uinal ya cac' te ya xlajinotic yu'un ti'awal chambahlametic; soc te mach'atic ayic ta toyol ahnibal ts'ahquetic soc ta ch'enetic, ya me xchamic yu'un jmilawal-chamel.

Amós 5:19

Hich ya xc'oht te bin ut'il mach'a ya x'ahn loq'uel ta stojol choj, ya sta sba soc oso; o hich te bin ut'il te mach'a ya x'och ta sna soc ya yich' yip sc'ab ta pahc', ya xti'ot ta chan.

Deuteronomio 32:24

Ya xlajic yu'un wi'nal, ya xlajinotic yu'un tulan c'ahc' soc jmilawal-chamel; soc ya jticon sbaquel ye jti'awal chambahlametic ta stojolic, soc veneno yu'un chanetic ayic ta q'uinal.

Jeremías 14:12

Aunque ya scom swe'elic, ma ba ya ca'iybe yawic, aunque ya yaq'uic scohtol chic'bil mahtaniletic soc mahtanil harina ma ba ya jtsac. Ya me jlajinlan ta espada, ta wi'nal soc ta jmilawal-chamel, xchi te Jehová.