Génesis 22:4 - Bible in Tzeltal Bachajón

⁴ Yoxebal c'ahc'al a la shach sit te Abraham, la yil ta namal te lugar.

Bible in Tzeltal de Oxchuc y Tenejapa

⁴ Ta yoxebal c'aal sbeenel a, la stoy sit te Abraham, chicanix la yil te banti albot yu'un te Diose.

Génesis 22:4 Iomraidhean Croise

1 Corintios 15:4

la yich' muquel, soc cha'cuxaj tal ta yoxebal c'ahc'al, hich nix te bin ut'il ts'ihbabil ta Shun Dios;

San Lucas 13:32

Hich halbotic yu'un: Bahan, hich me xawalbeyic te waxe: Ya jloq'ueslan pucujetic soc ya jlecubtes jchameletic yo'tic soc pajel, ta yoxebal c'ahc'al ya jlajin te ca'tel, xchihanic me.

San Mateo 17:23

soc ya me smilic, pero ta yoxebal c'ahc'al ya me xcha'cuxaj xan tal, xchi. Bayel la smel yo'tanic yu'un.

Oseas 6:2

Li' ta cheb c'ahc'al ya ya'botic xan jcuxlejaltic, ta yoxebal c'ahc'al ya shachotic, hich ya xcuxajotic ta stojol.

Ester 5:1

Ta yoxebal c'ahc'al te Ester la slap te sc'u' scuenta ajwalil-ants, tal stehc'an sba ta yutil yamaq'uil te sna ajwalil, ta stojol te jtsahl yu'un ajwalil. Hucul ta shuctajib a te ajwalil ta stsalul sna ajwalil, ta stojol te yochibal.

2 Reyes 20:5

Suhtan bahel, halbeya te Ezequías te príncipal yu'un te pueblo cu'un: Hich ya yal te Jehová te Dios yu'un David te namey tatil awu'un: La jca'iybatix ac'op soc la jquilbatix te ya'lel asit; ya jlecubtesat. Li' ta oxeb c'ahc'al ya xmohat bahel ta sna Jehová.

1 Samuel 26:13

Te David sohl bahel ta jehch yan wits te namal yiloj sba soc.

Josué 1:11

C'axanic bahel ta yohlil te campamento, hich xawalbeyic te pueblo: Pasa awe'elic, como li' ta oxeb c'ahc'al ya me sohlex bahel ta Jordán yu'un ya x'ochex ta yich'el te q'uinal ya ya'beyex ta acuentahic te Jehová te Dios awu'unic, xchi.

Números 31:19

Te jayebex te ay mach'atic amilojic o teme ay la apiquic te mach'a chamene, ayinanic ta fuera yu'un te campamento huqueb c'ahc'al. Te ha'ex soc te jchuqueletic awu'unic ya me alecubtes abahic ta yoxebal c'ahc'al soc ta shuquebal c'ahc'al.

Números 19:19

Te mach'a lec sc'oblal ya stsihtsin a ta yoxebal soc ta shuquebal c'ahc'al te mach'a bohloben sc'oblal. Te c'alal ya xlecub sc'oblal ta shuquebal c'ahc'al, ya me sac' sc'u' soc ya x'atin, ya xlecub sc'oblal ta yihc'ubel q'uinal.

Números 19:12

Ta yoxebal c'ahc'al soc ta shuquebal c'ahc'al ya me slecubtes sc'oblal ta scuenta te ha', hich lec sc'oblal ya xhil.

Números 10:33

Hich loq'uic bahel ta wits yu'un Jehová, oxeb c'ahc'al behenic bahel. Te scaxahul te chapbil-c'op yu'un Jehová ha nahilij bahel yu'unic oxeb c'ahc'al, yu'un yac slehbel banti ya scux yo'tanic.

Levítico 7:17

pero teme ay to ti'bal ya xhil ta yoxebal c'ahc'al, ya me yich' chiq'uel.

Éxodo 19:15

Hich la yalbe te pueblo: Chapaluquex me te cha'beje; ma me xata abahic soc ants, xchi.

Éxodo 19:11

scuenta yu'un chapalic a te cha'beje; yu'un cha'bej ya me yilic te pueblo te ya xco tal ta wits Sinaí te Jehová.

Éxodo 15:22

Te Moisés la yic' loq'uel bahel ta Mar Rojo te Israel, bahtic ta jochol taquin q'uinal Shur. Behenic bahel oxeb c'ahc'al, ma ba la stahic ha'.

Éxodo 5:3

Hich la sjaq'uic: Te Dios yu'un te hebreohetic tal stahotcotic; ha yu'un ac'awotcotic bahel te oxeb c'ahc'al ya xbehenotcotic ta jochol taquin q'uinal, ya ca'becotic milbil smahtan te Jehová te Dios cu'uncotic, scuenta yu'un ma ba ya xtal ta jtojolcotic soc jmilawal-chamel o espada, xchihic.

Génesis 22:3

Hich te Abraham buen sab hahch, la schahpan sburro, soc la yic' bahel cheb ya'bat soc te Isaac te snich'ane. La sch'uybe si'il te scohtol milbil mahtanil, hahch ta behel, baht ta banti halbot yu'un te Diose.

Génesis 22:5

Ha yu'un hich la yalbe te a'batetic yu'une: Mahliyawonic li' soc te burro, lum to ya xbohon soc te quereme, ya xbaht quich'cotic ta muc' te Diose, patil ya suhtotcotic talel, xchi.