Génesis 1:12 - Bible in Tzeltal Bachajón

¹² Hich col te yaxal ha'maletic ta lumq'uinal: ha te bic'tal ha'maletic te ya yac' sbac' te site, soc te te'etic te ya yac' sbac' te site, chican bin yilel sit ya yac' te jujuchahpe. Lec la yil te Diose.

Bible in Tzeltal de Oxchuc y Tenejapa

¹² Jich a ch'i spisil te'etic wamaletic te ya sitinic ta lumq'uinal: te ch'in wamaletic te ya yac' sbaq'ue, soc te'etic te ya yac' site, chican bi yilel sit te juju-jchajbe. Lec ay ta spisil la yil te Diose.

Génesis 1:12 Iomraidhean Croise

Génesis 1:11

La yal te Diose: Ac'a coluc ta lumq'uinal yaxal ha'maletic, ha te bic'tal ha'maletic te ya yac' sbac' soc te'etic te ya yac' sit, chican bin yilel sit ya yac' te jujuchahpe, xchi. Hich c'oht yu'un.

Génesis 1:13

Te yihc'ubel q'uinal soc te sacubel q'uinal, ha yoxebal c'ahc'al.

Salmos 104:14

Ha ya yac' ch'ihyuc te aquiltic ya swe'ic te chambahlametic, soc te awal-ts'unubil te ya xtuhun yu'un te ants-winiquetic, yu'un tey ya sloq'ues a te we'elil ta q'uinal,

Isaías 61:11

Hich te bin ut'il te lumq'uinal ya yac' loc'uc spuhl, soc te ts'umbil q'uinal ya yac' ch'ihyuc te bin ts'umbile, ha nix hich te Cajwaltic Jehová ya yac' puhlinuc te bin stojil ta pasel soc te yutsil c'oblalil ta stojol spisil te nacionetique.

San Marcos 4:28

como stuquel ya yac' sitinuc te q'uinal: nahil te ya'binal, patil te snich, patil ya xnoj ta sit.

San Lucas 6:44

Como te jujutehc' te' ya xna'bot sba ta scuenta sit. Ma ba ya yich' tulel higo ta jpeht ch'ix, soc ma ba ya yich' tulel ts'usub ta ch'ixetic.

2 Corintios 9:10

Te mach'a ya ya'be sts'unub te mach'a ya ya'iy ts'umbajel soc te ya ya'be pan te mach'a ya xwe', ha nix ya me yac' sitinuc soc ya me yac' p'ohluc te ts'unubiletic awu'unic, soc ya me yac' xp'ohl te sit yu'un te stojil awa'telic,

Gálatas 6:7

Ma me xalo'loy abahic, Dios ma xhu' ta labanel, como spisil te bin ya sts'un te winique, ha nix sit ya stsob.

Hebreos 6:7

Te lumq'uinal te ya yuch' te ha'al te bayel buelta ya xco tal tey a, soc te ya yac' ts'unub awaletic te ya xtuhun yu'un te mach'atic la schahpanic te lume, ya yich' bendición yu'un Dios.