Génesis 1:1 - Bible in Tzeltal Bachajón

¹ Ta shahchibal Dios la spas te ch'ulchan soc bahlumilal.

Bible in Tzeltal de Oxchuc y Tenejapa

¹ 12Ta xjajch'ibal Dios la spas spisil te bitic aye, ch'ulchan balumilal.

Génesis 1:1 Iomraidhean Croise

2 Reyes 19:15

Hich la yal ta sc'oponel Jehová te Ezequías: Jehová, Dios yu'un Israel, te huculat ta yohlil te querubinetic, ha'at nax Diosat atuquel ta stojol spisil te ajwaliletic ta bahlumilal, ha'at la apas te ch'ulchan soc te bahlumilal.

1 Crónicas 16:26

Como spisil te diosetic yu'un te pueblohetic ha loc'ombahetic nax, pero te Jehová ha la spas te ch'ulchan.

2 Crónicas 2:11

Ha yu'un te Hiram ajwalil yu'un Tiro la sticon bahel suhtib ta carta ta stojol Salomón, hich la yal bahel: Ta scaj te c'ux ta yo'tan Jehová te pueblo yu'un, la yotsesat ta ajwalil yu'unic, xchi.

Nehemías 9:6

Ha'at nax atuquel Jehová; ha'at la apas te ch'ulchan soc stoyolil te ch'ulchan, soc spisil te bintic ay tey a, te bahlumilal soc spisil bintic ay tey a, te maretic soc spisil bintic ay tey a. Ha'at yac awa'be scuxlejal spisil ini, soc spisil bintic ay ta ch'ulchan ya sch'uhuntayat.

Job 26:13

La shuhxiy bahel te tocaletic ta ch'ulchan; ta sc'ab la slow te chan te xyalet ta behel.

Job 38:4

¿Banti ayat a te c'alal la jpas te yich'o-ip te bahlumilal? ¡Halbon ca'iy, teme ay ap'ijile!

Job 9:8

Ha nax stuquel ya slim bahel te ch'ulchan, soc ya xbehen ta stselet yip te mar.

Salmos 102:25

Ta shahchibal ha'at la awa'be yich'o-ip te bahlumilal, ha ya'tel ac'ab te ch'ulchane.

Salmos 104:24

¡C'ax bayel bintic apasoj, Jehová! La apasticlan spisil ta scuenta sp'ijil awo'tan; nojel ta lumq'uinal te bintic apasoje.

Salmos 104:30

Te c'alal yac aticon te espíritu awu'un, ya yich'ic pasel, soc ya x'ach'ub awu'un te sba te bahlumilale.

Salmos 115:15

Ac'a ya'beyex bendición te Jehová, te spasoj ch'ulchan soc bahlumilal.

Salmos 121:2

Te coltayel cu'un ya xtal ta stojol Jehová, te la spas te ch'ulchan soc bahlumilal.

Salmos 124:8

Te coltayel cu'untic ay ta scuenta te sbihil Jehová, ha te la spas te ch'ulchan soc bahlumilal. C'ayoj yu'un mohel bahel ta Jerusalén.

Salmos 134:3

¡C'alal ta Sión ac'a ya'bat bendición te Jehová, te mach'a la spas te ch'ulchan soc bahlumilal!

Salmos 136:5

te la spas te ch'ulchan ta scuenta sp'ijil yo'tan, como sbahtel q'uinal ay sc'uxul yo'tan;

Salmos 146:6

te la spas te ch'ulchan soc te bahlumilal, te mar soc spisil bintic ay tey a; te stalel melel bin ya yal;

Salmos 33:6

Ta scuenta te sc'op te Jehová la yich' pasel te ch'ulchan, spisil te bintic ay tey a pasbilic ta yic'al ye.

Salmos 33:9

como ha c'opoj, hich pastaj; la yal mandar, hich chicnaj.

Salmos 8:3

C'alal ya quil te ch'ulchan awu'un, te ya'tel ac'ab, soc te u soc te eq'uetic te apasoje,

Salmos 8:4

hich ya cal: ¿Bin a te ants-winic yu'un yac ana', te yal-snich'an ants-winic yu'un yac acanantay?

Salmos 90:2

Te c'alal ma to ayuc a te witsiltic, te c'alal ma to ba pasbilic awu'un a te lumq'uinal soc te bahlumilal, stalel sbahtel q'uinal ha'at Diosat atuquel.

Salmos 96:5

Ha loc'ombahetic spisil te diosetic yu'un te pueblohetic, yan te Jehová ha la spas te ch'ulchane.

Éxodo 20:11

Como ta waqueb c'ahc'al te Jehová la spas te ch'ulchan soc bahlumilal, te mar soc spisil te bintic ay tey a, soc la scux yo'tan ta shuquebal c'ahc'al; ha yu'un te Jehová la ya'be bendición te sc'ahc'alel cux-o'tan soc la sch'ultes.

Éxodo 31:18

Te c'alal laj yo'tan ta c'op soc Moisés ta wits Sinaí, la ya'be cha'pehch ton yu'un te Testigo-c'op, ha pehchel tonetic te la sts'ihbay ta yal sc'ab te Diose.

Proverbios 16:4

Ay scuentahil yu'un Jehová spisil bintic spasoj, ha nix hich la yich' pasel te mach'a chopol yo'tan yu'un ya xlaj ta yorahil jinel.

Proverbios 3:19

Te Jehová ta scuenta sp'ijil yo'tan la ya'be yich'o-ip te bahlumilal, la yac' ayinuc te ch'ulchan ta scuenta bin sna'oj.

Eclesiastés 12:1

Na'a me te Jpaswanej awu'un ta yorahil te jcolel al-nich'anat, te c'alal ma to ba stahoj sc'ahc'alel wocol, soc te ya xc'oht yorahil te hich yac awal: Mayuc yutsilal ya ca'iy, te xchihate;

Isaías 37:16

Jehová te acuentahinej spisil, Diosat yu'un Israel te huculat ta ahuctajib ta yohlil te querubinetic, ha'at nax Diosat atuquel ta stojol spisil te nacionetic ta bahlumilal; ha'at la apas te ch'ulchan bahlumilal.

Isaías 40:21

¿Ma bal lajuc ana'ic? ¿Ma bal lajuc awa'iyic? ¿Ma bal halbotuquex ta shahchibal? ¿Ma bal ana'ojicuc c'alal ta shahchibal te bahlumilale?

Isaías 40:26

Toyahic mohel asitic, ilawilic: ¿mach'a la schicnajteslan spisil ini? ha te mach'a scholet ya sloq'ues te eq'uetic yu'un, ya yic'ticlan tal ta sbihil te jujune. Te bin ut'il c'ax muc' te yu'el soc te c'ax bayel yip, hich mayuc junuc ya xch'ay.

Isaías 40:28

¿Ma bal ana'ojicuc, ma bal ayuc awa'iyejic te Jehová, ha Dios te sbahtel q'uinal ay, te la schicnajtes swohlol te bahlumilal? Ma xluhb soc ma xpehc'aj yip, mayuc mach'a ya xhu' sna'bel te bin ya sna'e.

Isaías 42:5

Te Jehová Dios, te la schicnajtes te ch'ulchan soc te la slim bahel, te la slim bahel te bahlumilal soc te bintic ya xcol tey a, te ya ya'be yich' ic' te mach'atic ya xnahinic tey a, soc ya ya'be scuxlejal te mach'atic ya xbehenic tey a, hich ya yal:

Isaías 44:24

Hich ya yal te Jehová, te J'ac'aw ta libre awu'un, te la schahpanat ta yawil alal: Ho'on Jehovahon, te jpasoj spisil bintic ay, jtuquel la jlim bahel te ch'ulchan, jtuquel la jlim bahel te lumq'uinal;

Isaías 45:18

Como hich ya yal te Jehová, te la spas te ch'ulchan, te ha Dios stuquel, te la spas te lumq'uinal soc la schahpan, la ya'be yich' yip. Ma tojoluc la spas, ha la spas scuenta yu'un ay mach'atic ya xnahinic tey a: Ho'on Jehovahon, mayuc yan.

Isaías 51:13

¿Ch'ayem balix ta awo'tan te Jehová te Jpaswanej awu'un, te la slim bahel te ch'ulchan soc te la ya'be yich'o-ip te bahlumilale? Spisil ora ya xiwat ta scaj te yilimba te j'uts'inwanej, te schahpanej sba yu'un ya xlajinwan. Pero ¿banti ay te yilimba te j'uts'inwaneje?

Isaías 51:16

La jca'bat ta awe te jc'op soc la jmucat ta yaxinal jc'ab, la jlim bahel te ch'ulchan soc la jca'be yich'o-ip te bahlumilal, soc hich ya calbe te Sión: Ha'at pueblohat cu'un, xchihon.

Isaías 65:17

Ilawil, ya jpas yach'il ch'ulchan soc yach'il bahlumilal. Te bin ay ta nahil mayuquix ta na'el, jc'axel ma xna'otix.

Jeremías 10:12

Dios la spas ta yu'el te lumq'uinal, ta scuenta sbihil la ya'be yich' yip te bahlumilal soc ta scuenta sp'ijil yo'tan la slim bahel te ch'ulchane.

Jeremías 32:17

Cajwal Jehová, ta scuenta ahachoj ac'ab soc smuc'ul awu'el la apas te ch'ulchan soc te bahlumilal. Mayuc bin wocol yac awa'iy.

Jeremías 51:15

Ha la spas te lumq'uinal ta scuenta yu'el, la ya'be yip te bahlumilal ta scuenta sp'ijil yo'tan, soc la slim bahel te ch'ulchan ta scuenta te snopojibal yu'une.

Zacarías 12:1

Ha ini te sc'op Jehová sc'oblal Israel. Te Jehová te la slim bahel te ch'ulchan soc te la ya'be yich'o-ip te q'uinal, te ya ya'be sch'uhlel te ants-winiquetic, hich ya yal:

San Mateo 11:25

Ta hich ora la yal te Jesús: Ya calbat yutsil ac'oblal, Jtat, Yajwalat ch'ulchan soc bahlumilal, yu'un ma ba la awa'be sna'ic ha'i c'op ini te mach'atic p'ij yo'tanic soc te mach'atic ay bintic ya sna'ic, ha la awa'be sna'ic te bic'tal alaletique.

San Marcos 13:19

como mayuc hich wocol c'ohem ta pasel yalel c'alal pastay yu'un Dios te bahlumilal c'alal ora, soc mayuc hich ya xc'oht xan ta pasel.

Hechos 14:15

Winiquetic, ¿bin yu'un hich yac apasic? Pajal winicotic. Ha yac calbelex awa'iyic te yacuc xhil awu'unic te bin mayuc scuentahil ini, te yacuc asuhtes awo'tanic ta stojol te cuxul Dios te la spas ch'ulchan, bahlumilal, mar soc spisil bintic ay tey a.

Hechos 17:24

Te Dios te la spas te bahlumilal soc spisil bintic ay tey a, te ha Yajwal te ch'ulchan soc bahlumilal, ma ba ya xnahin ta templohetic pasbilic ta sc'ab winiquetic,

Hechos 4:24

C'alal hich la ya'iyic, pajal hahchic ta sc'oponel Dios, hich la yalic: Ajwalilat yu'un spisil, ha'at te Diosat te la apas ch'ulchan, bahlumilal, mar soc spisil bintic ay tey a;

Romanos 11:36

como spisil talem ta stojol, soc ha cuxul ta scuenta, soc ha nix yu'un Dios spisil bintic ay. Ay ta halbeyel yutsil sc'oblal sbahtel q'uinal stuquel. Hichuc.

1 Corintios 8:6

pero te ho'otique, jna'ojtic te junax Dios ay, ha te Tatil, te ha talem ta stojol spisil bintic ay soc te ha cuxulotic ta scuenta; soc junax Cajwaltic, ha te Jesucristo, te ha ta scuenta te la yich' pasel spisil bintic ay soc te ha cuxulotic ta scuenta.

Efesios 3:9

soc te jamal ya calbe spisilic bin ut'il ya xc'oht ta pasel te bin nameyix mucul ta yo'tan Dios, te la spas spisil bintic ay,

Hebreos 1:10

Soc la yal xan: Ha'at, Cajwal, ta shahchibal la awa'be yich'o-ip te bahlumilal, soc ha ya'tel ac'ab te ch'ulchane.

Hebreos 1:2

pero ta ora yo'tic te slajibal c'ahc'al ayotic, ha la sc'oponotiquix ta scuenta te Snich'an, ha te la ya'be yu'untay spisil bintic ay, soc ha nix ta scuenta te la spas spisil bintic ay.

Hebreos 11:3

Ta scuenta sch'uhunel co'tantic ya jna'tic te ta scuenta smandar Dios la yich' pasel te ch'ulchan bahlumilal, te bin chican ta ilel la yich' pasel a te bin ma chicanuc ta ilele.

Hebreos 3:4

Como spisil nahetic ay mach'a pasot yu'un, pero ha Dios te la spas spisil bintic ay.

2 Pedro 3:5

Pero yoloj xanix te ya xch'ay ta yo'tanic te ha ta scuenta sc'op Dios la yich' pasel te ch'ulchan soc bahlumilal ta namey, soc te chicnaj ta ha' te bahlumilal soc tey nix ipajem a,

1 Juan 1:1

Ya calbecotic sc'oblal te C'opil scuenta cuxlejal, ha te ay ta shahchibal, te la jca'iycotic, te quilojcotic ta jsitcotic, te la jna'becotic sba bin yilel, soc te la jtsac ta jc'abcotic.

Apocalipsis 10:6

jc'axel la yal ta jamal ta scuenta te mach'a stalel cuxul sbahtel q'uinal, te la spas te ch'ulchan soc spisil bintic ay tey a, te bahlumilal soc spisil bintic ay tey a, soc te mar soc spisil bintic ay tey a, la yal te mayuquix yorahil,

Apocalipsis 14:7

Hich tulan yac ta yalel: Xi'ahic me te Diose soc halbeyahic yutsil sc'oblal, como la stahix yorahil te ya x'ich'awan ta c'op. Ch'uhuntayahic te mach'a la spas te ch'ulchan soc bahlumilal, te mar soc te sloq'uib ha'etic, xchi.

Apocalipsis 21:6

Soc hich la yalbon xan: Hu'ix. Ho'on te Alfa soc te Omega, te shahchibal soc te slajibal. Te mach'a taquin yo'tan, smahtan ya ca'be yuch' ha' ta sloq'uib-ha' scuenta cuxlejal.

Apocalipsis 22:13

Ho'on te Alfa soc Omega, te shahchibal soc te slajibal, te shahchibal ayon soc slajibal ayon.

Apocalipsis 3:14

Ts'ihbabeya te ch'ul a'bat yu'un te iglesia ta Laodicea: Hich ya yal te mach'a Hichuc, ha te testigo te stalel jun yo'tan soc te melel, te shahchibal te bintic pasticlambil yu'un Dios:

Apocalipsis 4:11

Cajwaltic Dios, hich ya sc'an te yac awich' awutsilal, ich'el ta muc', soc awu'el, como ha'at la apas spisil bintic ay, soc ta scuenta sc'anojel awo'tan cuxajtic soc la yich'ticlan pasel, xchihic.