Éxodo 8:9 - Bible in Tzeltal Bachajón

⁹ Te Moisés la yalbe te faraón: Halbon ca'iy te bin ora ya sc'an te ya jc'opombeyex Dios soc te a'batetic soc te pueblo awu'un scuenta yu'un ya xloq'uic bahel te xch'uch'etic ta atojol soc ta anahic, te ha nax ya xhilic ta ha', xchi.

Bible in Tzeltal de Oxchuc y Tenejapa

⁹ Te Moisés la sjac': —Albon te bi ora ya sc'an awo'tan te ya yich' bael q'uejel te xch'uch'etic ta atojol soc te ajo'taque, soc te alumale. Yu'un jich me ya jc'anbey te Cajwale. Te xch'uch'etique ya me sq'uej sbaic bael ta atojol soc ta muc'ul palacio awu'un. Ja' nax me ya x'ainic ta ja' —xi' te Moisés.

Éxodo 8:9 Iomraidhean Croise

1 Reyes 18:25

Te Elías hich la yalbe te jalwanejetic yu'un Baal: Tsahahic jcohtuc toro, chahpanahic ha'ex primero, como ha'ex bayelex. C'oponahic te dios awu'unic, pero ma me xawa'beyic sc'ahc'al, xchi.

Éxodo 7:25

Ts'acay huqueb c'ahc'al te la smaj te ha' te Jehová.

Éxodo 8:10

Pajel, xchi te faraón. Hich la sjac' te Moisés: Ya xc'oht ta pasel hich te bin ut'il yac awale scuenta yu'un hich yac ana' a te mayuc yan hich te bin ut'il Jehová te Dios cu'uncotique.

Éxodo 8:11

Ya xloq'uic bahel te xch'uch'etic ta atojol soc ta anahic, soc ta stojol te a'batetic soc ta stojol te pueblo awu'une; ha nax ya xhilic ta ha', xchi.

Éxodo 8:8

Ha yu'un te faraón la sticon ta iq'uel te Moisés soc Aarón, hich la yalbe: C'opona te Jehová te yacuc sloq'ues bahel te xch'uch'etic ta jtojol soc ta stojol te pueblo cu'un, ya cac' loc'uc bahel te pueblo awu'un yu'un ya ya'beyic milbil smahtan te Jehová, xchi.

Isaías 10:15

¿Ya bal stoy sba te echej ta stojol te mach'a ya xtuhunot yu'une? ¿ya bal stoy sba te sierra ta stojol te mach'a ya xtuhunot yu'une? ¡Ma spas te bastón ya shach te mach'a tsacbil yu'une! ¡Ma spas te xul ya slic mohel te mach'a ma si'uc!

Números 14:20

Ha yu'un la yal te Jehová: La jpasbeyix perdón, hich te bin ut'il la awale.

Jueces 7:2

Te Jehová hich la yalbe te Gedeón: Mero bayel winiquetic sjoquinejat yu'un te ya ca'beyex ta ac'abic te madianetic, ya wan stoy sbahic ta jtojol te Israel, hich wan ya yalic: Hu' cu'untic la jcoltay jbahtic, xchihic wan.