Éxodo 7:16 - Bible in Tzeltal Bachajón

¹⁶ hich xawalbe: Te Jehová te Dios yu'un te hebreohetic la sticonon tal ta atojol, hich la yal: Ac'a bahel te pueblo cu'un scuenta yu'un ya xbaht sch'uhuntayonic ta jochol taquin q'uinal, xchi; pero ma xac'an yac ach'uhun.

Bible in Tzeltal de Oxchuc y Tenejapa

¹⁶ Albeya jajch'el: “Te Cajwaltic te Dios cu'untic jo'otic te israelotique, la sticunon tel yu'un ya calbat te bila ya sc'an yo'tan stuquele. Jich la yal: ‘Ya me awac' loq'uel te lum cu'une, swenta me yu'un ya xba yich'onic ta muc' ta muc'ul jochol taquin q'uinal’, xi' te Diose. Ja'uc me to, ma x'ac'an awich'bey ta muc' te sc'ope.

Éxodo 7:16 Iomraidhean Croise

Éxodo 3:18

Ya me yich'ic ta cuenta te ac'ope. Ya me xbahat soc te mamaletic yu'un Israel ta stojol te ajwalil yu'un Egipto, hich me ya xc'oht awalbeyic: Te Jehová te Dios yu'un te hebreohetic tal stahotcotiquix; ha yu'un ac'awotcotic bahel te ya xbehenotcotic bahel oxeb c'ahc'al ta jochol taquin q'uinal yu'un ya ca'becotic milbil smahtan te Jehová te Dios cu'uncotic, xchihan me.

Éxodo 9:1

Ha yu'un te Jehová la yalbe te Moisés: Ochan bahel ta stojol faraón, hich me xawalbe: Hich ya yal te Jehová te Dios yu'un te hebreohetic: Ac'a loq'uel te pueblo cu'un scuenta yu'un ya sch'uhuntayonic.

Éxodo 9:13

Patil te Jehová la yalbe te Moisés: Hahchan ta sab, tehc'ana aba ta stojol faraón, halbeya: Hich ya yal te Jehová te Dios yu'un te hebreohetic: Ac'a loq'uel te pueblo cu'un yu'un ya xbaht sch'uhuntayonic.

Éxodo 3:12

La sjac' te Diose: Ho'on ya joquinat; soc ha seña awu'un ya xc'oht ini te ho'on la jticonat bahel: te c'alal loq'uemix tal awu'un ta Egipto a te pueblo, ya xtal ach'uhuntayonic li' ta wits ini, xchi.

Jeremías 50:33

Hich yaloj te Jehová te scuentahinej spisil: Uts'inot te pueblo yu'un Israel soc te pueblo yu'un Judá; spisil te mach'atic ic'otic ta chuquel yu'unic tulan tsacotic yu'unic, ma ba la yaq'uic ta libre.

Isaías 45:13

La jtij hahchel te Ciro ta scuenta bin stojil ta pasel, soc ya jtojobtesbe spisil te behetic yu'une. Ha ya scha'pasbon te pueblo cu'un soc ya yac' ta libre te mach'atic cu'un te bahemic ta chuquel, ma ha'uc ta scuenta stojol o ta scuenta mahtaniletic, xchi te Jehová te scuentahinej spisil.

Éxodo 14:5

Te c'alal halbot te ajwalil yu'un Egipto te loq'uiquix ta ahnel te pueblo israel, yanij yo'tan te faraón soc te a'batetic yu'un ta stojolic, hich la yalic: ¿Bin yu'un hich la jpastic te la jcac'tic loq'uel te Israel, te hich ma ba ya yac' sbahic ta a'batinel cu'untic? xchihic.

Éxodo 13:15

soc te c'alal tulanub yo'tan te faraón te ma ba la yac'otic loq'uel, te Jehová la yac' ta milel spisil te ba-alaletic ta sq'uinal Egipto, ha te ba-alal querem yu'un ants-winiquetic soc sba-quelmal chambahlametic. Ha scuentahil te ya ca'be milbil smahtanin Jehová te sba-quelmal te chambahlam soc te ya ca'be sjelol te jba-nich'an, xchihat.

Éxodo 10:3

Ha yu'un te Moisés soc Aarón bahtic ta stojol faraón, hich la yalbeyic: Te Jehová te Dios yu'un te hebreohetic, hich la yal: ¿Bin to ora yac apehc'an aba ta jtojol? Ac'a loq'uel te pueblo cu'un, yu'un ya xbaht sch'uhuntayonic.

Éxodo 8:20

Te Jehová la yalbe te Moisés: Hahchan ta sab, tehc'ana aba ta stojol te faraón c'alal ya xbaht ta muc'ul-ha', halbeya: Hich la yal te Jehová: Ac'a loq'uel te pueblo cu'un scuenta yu'un ya xbaht sch'uhuntayonic.

Éxodo 8:1

Ha yu'un te Jehová la yalbe te Moisés: Ochan ta stojol te faraón, halbeya: Hich la yal te Jehová: Ac'a bahel te pueblo cu'un, yu'un ya xbaht sch'uhuntayonic.

Éxodo 3:13

Te Moisés hich la yalbe te Diose: Teme ya xc'oht calbe te snich'nab Israel: Te Dios yu'un te antiguo ame'atatic la sticononix tal ta atojolic, teme xchihone, teme ya sjoc'obonic: ¿Bin sbihil? teme xchihique, ¿bin ya calbe? xchi.

Éxodo 4:22

Hich me xawalbe te faraón: Hich ya yal te Jehová: Ha jba-nich'an te Israel.

Éxodo 4:23

La jcalbatix te ac'a loc'uc bahel te jnich'an scuenta yu'un ya sch'uhuntayon; pero ma la ac'an la awac' bahel, ha yu'un ya jmilbat te ba-alal awu'un, xchi.

Éxodo 7:4

Te faraón ma ba ya ya'iybeyex ac'opic; pero ya cac' jc'ab ta stojol Egipto soc ya jloq'ues te jujuchahp cu'un, ha te pueblo cu'un, ha te snich'nab Israel, ta sq'uinal Egipto ta scuenta tulan castigohetic.