Éxodo 4:12 - Bible in Tzeltal Bachajón

¹² Ha yu'un bahan hiche, tey ayon a te ya xc'opojat soc ya ca'bat anop te bin yac awale, xchi.

Bible in Tzeltal de Oxchuc y Tenejapa

¹² Baan me jiche, ya xc'opojon loq'uel ta awe, ya me calulaybat awaiy te bila ya awale —xi' te Diose.

Éxodo 4:12 Iomraidhean Croise

Salmos 105:26

La sticon te Moisés te a'bat yu'un, soc te Aarón te tsahbil yu'une.

Salmos 143:10

Nohptesawon ta spasel te sc'anojel awo'tan, como ha'at Diosat cu'un. Te lequil espíritu awu'un ac'a stojobteson bahel ta toj be.

Salmos 32:9

Ma me hichucat te bin ut'il cawu o macho, te mayuc sp'ijilic, te ya sc'an ya yich'ic comel yu'un ta schuhquil sjol soc freno, teme ma hichuc yac apas, ma ba ya xnohpojic tal ta atojol.

Éxodo 3:12

La sjac' te Diose: Ho'on ya joquinat; soc ha seña awu'un ya xc'oht ini te ho'on la jticonat bahel: te c'alal loq'uemix tal awu'un ta Egipto a te pueblo, ya xtal ach'uhuntayonic li' ta wits ini, xchi.

Éxodo 4:13

Te Moisés hich la yal: ¡Ay, Cajwal! awocoluc, ticona bahel yan, xchi.

Éxodo 4:15

Ha'at yac awalbe ya'iy te bin ya xc'oht yal; soc ya jcoltayex ta c'op ta achebalic, soc ya ca'beyex anopic te bin yac apasique.

Éxodo 4:16

Te Aarón ya sc'opon te pueblo ta acuenta; ha awe ya xc'oht, soc ha sjelolat Dios ya xc'ohat yu'un.

Isaías 49:2

Hich la ya'bon que te bin ut'il espada te huxbil ye, la snac'on ta yaxinal te sc'abe; hich la yac'on te bin ut'il sjayal sni' ya'tejibalul t'ihmalte', la sq'uejon ta yawil.

Isaías 50:4

Te Cajwaltic Jehová la yac' te hich ya xc'opojon te bin ut'il mach'a p'ijuben, scuenta yu'un ya jna' bin ya calbe te mach'atic luhbenique. Ta jujun sab ya stijbon hahchel jchiquin scuenta yu'un hich ya ca'iy te bin ut'il mach'a p'ijuben.

Jeremías 1:9

Hich te Jehová la yac' tal sc'ab, la spicbon que soc hich la yalbon: La jca'bat te jc'op ta awe.

Números 16:28

Te Moisés la yal: Hich me yac ana'ic a te Jehová la sticonon tal ta spasel spisil ini, te ma ha'uc la jpas te bin ya sc'an te co'tane.

San Marcos 13:11

Pero te c'alal ya yiq'uex bahel yu'un ya yaq'uex ta c'abal, ma me xc'opoj awo'tanic yu'un te bin ya xc'oht awalic, ha me xawalic te bin ya x'ac'otex ta yalel ta hich ora, como ma ha'uquex te ya xc'opojex, ha ya xc'opoj te Ch'ul Espíritu.

San Lucas 11:1

Ay jun buelta yac ta sc'oponel Dios te Jesús ta jun lugar. C'alal laj yo'tan, hich halbot yu'un jtuhl jnopojel yu'un: Cajwal, ac'a jnopcotic sc'oponel Dios hich te bin ut'il te Juan la snohptes ta sc'oponel Dios te jnopojeletic yu'une, xchi.

San Juan 14:26

Pero te Joquinwanej, ha te Ch'ul Espíritu, te ya xticonot yu'un te Tatil ta scuenta jbihil, ha ya ya'beyex anopic soc ya ya'beyex ana'ic spisil te bin la jcalbeyexe.

Efesios 6:19

Soc ha nix hichon, c'opombonic Dios scuenta yu'un te c'alal ya xc'opojon ya x'a'boton bin ya cal, scuenta yu'un ma ba ya xiwon ta yaq'uel ta nopel te lec yach'il c'op te mayuc ta na'el ta nahil to,

Deuteronomio 18:18

Ya cac' chicnajuc jalwanej yu'unic ta yohlil te yermanotac, hich te bin ut'il te ha'ate; ya ca'be ta ye te jc'op soc ha ya yalbe ya'iyic spisil te bintic ya calbe.