Éxodo 4:10 - Bible in Tzeltal Bachajón

¹⁰ Pero te Moisés la yalbe te Jehová: ¡Ay, Cajwal! Mayuc bin ora hu'em cu'un c'op ta lec, ni ta nahil to, ni ta ora ini te yacat ta c'op ta jtojol te awa'batone. Wocol ya xloc' jc'op soc ya schuc sba te cac', xchi.

Bible in Tzeltal de Oxchuc y Tenejapa

¹⁰ La yal te Moisés: —¡Cajwal! Ma xju' cu'un c'op ta lec. Jtalel nix tel a c'alal ora to, te bit'il yacat ta c'op ta jtojol te awabatone. Te jujun buelta te ya xc'opojone, wocoltic ya xloc' te jc'ope, ya xchuc sba te caq'ue —xi'.

Éxodo 4:10 Iomraidhean Croise

Job 12:2

Melel ha'ex te pueblohex, te c'alal ya xchamex ya xlaj te p'ijil-o'tanil.

Éxodo 3:11

Pero te Moisés la sjac'be te Diose: ¿Mach'ahon a te ya xbohon ta stojol faraón, te ya jloq'ues tal ta Egipto te snich'nab Israel? xchi.

Éxodo 4:1

Ha yu'un hich la sjac' te Moisés: Ma ba ya sch'uhunonic soc ma xya'iybonic jc'op, ya wan yalbonic: Ma ba yac'oj sba ta ilel ta atojol te Jehová, xchihic wan.

Éxodo 6:12

Te Moisés la sjac'be sc'op te Jehová: Ma xya'iyboniquix jc'op te snich'nab Israel, ¿ha'uc to bal c'an ya'iybon jc'op a te faraón, te wocoltic ya xloc' te jc'ope? xchi.

Éxodo 6:30

La sjac' te Moisés ta stojol Jehová: Mero wocoltic ya xloc' te jc'ope; ¿bin ut'il c'an ya'iybonix jc'op a te faraón? xchi.

Jeremías 1:6

Hich la jcal: ¡Ay, Cajwal Jehová! Ma jna' c'op, como queremon to, xchihon.

Miqueas 6:4

La jloq'uesat tal ta sq'uinal Egipto, la jcac'at ta libre yu'un mosohil; la jticon bahel ta atojol te Moisés, te Aarón soc te María.

Hechos 7:22

Te Moisés a'bot snop spisil te sp'ijilic te egipciohetic; ay yip ya xc'opoj soc ay yip ya'tel.

2 Corintios 10:10

Melel ay mach'atic ya yalic te tulan te cartahetic soc ay yipic, pero te c'alal li' ay, mayuc yip soc mayuc ta cuenta te bin ya yale.

2 Corintios 11:6

Aunque ma jna' c'op ta lec, pero ay bin ya jna'. Jamal la jcac'ticlambeyex awilic ta scuenta spisil ta chahp te la jpascotique.