Éxodo 39:6 - Bible in Tzeltal Bachajón

⁶ La swaluyic ónice te la yac'ticlanic ta stut yawil ta oro soc la sts'ihbayic ochel tey a te sbihilic te snich'nab Israel hich te bin ut'il sello.

Bible in Tzeltal de Oxchuc y Tenejapa

⁶ Te tonetic te cornalina sbiilic, la spasbey xch'in yawilic ta oro. Te tonetic och sbiilic tey a te israeletic, jich la yich' ch'ojtilayel ta bojel te bit'il ya yich' pasel sello.

Éxodo 39:6 Iomraidhean Croise

Job 28:16

Ma xhu' ta tojel ta oro yu'un Ofir, ta ónice te bayel stojol o ta zafiro.

Éxodo 25:7

ónice tonetic, soc yan t'ujbil tonetic te ya xtuhun ta efod soc ta bolsa pac' ya xc'oht ta stahn.

Éxodo 28:11

Ya me ats'ihbabe ochel sbihilic te snich'nab Israel ta schebal tonetic hich te bin ut'il ya spas te mach'a ya'telinej spasel sello; pasbeya yawil te tonetic ta oro.

Éxodo 28:12

Ya me awac' te cheb tonetic ta snehquelic te efod scuenta sna'ojibal tonetic yu'un te snich'nab Israel. Te Aarón ya yich'be sbihilic ta schebal snehquel ta stojol Jehová scuenta sna'ojibal.

Éxodo 28:9

Ich'a cheb sacliplip tonetic soc ts'ihbabeya ochel tey a te sbihilic te snich'nab Israel;

Éxodo 35:9

ónice, soc tonetic te ya xtuhun ta efod soc ta bolsa pac' ya xc'oht ta stahn.

Éxodo 39:5

Te schuhquil sch'uht te efod hich nix pasbil ta oro, ta yax, chi'in-yax soc tsajal estambre, soc ta ts'otbil lino, hich te bin ut'il halbot yu'un Jehová te Moisés.

Ezequiel 28:13

Ayat ta Edén, ta ts'umbil-te'etic yu'un Dios; ch'albilat ta spisil ta chahp t'ujbil tonetic: chicmulmul, c'anmulmul, sts'aylajan-ton, yax-el'el, yaxcancan, ónice, yaxts'ajts'aj, granate, yaxal-ton; te ch'ahlelaletic soc te staq'uinal chiquiniletic awu'un pasticlambilic ta oro; la yich'ic chahpanel ta acuenta te bin c'ahc'alil pasotat.