Éxodo 3:7 - Bible in Tzeltal Bachajón

⁷ Patil hich la yal te Jehová: Melel la jquilbeyix swocol te pueblo cu'un te ay ta Egipto, soc la jca'iybeyix yawic yu'un te jsujawetic yu'unic ta a'tel. Ya jna'be yo'bolil sbahic yu'un te swocolique.

Bible in Tzeltal de Oxchuc y Tenejapa

⁷ Te Cajwaltic jich la yal xan: —Mero chican ta jsit te bit'il ay swocol te lum cu'un ta Egipto. La caiybeyix stojol sc'opic ta scaj uts'inel yu'un te jwolwanejetic yu'un te tulan at'ele. Jna'ojbey ta lec te swocolique.

Éxodo 3:7 Iomraidhean Croise

Génesis 16:11

Soc halbot xan yu'un te ch'ul a'bat yu'un Jehová: Hahchemix awal, ya x'ayin atut querem-al; ya me awa'be sbihilin Ismael, yu'un ya'iyej te Jehová te ay awocole.

Génesis 18:21

ya xcohon bahel, ya quil teme hich nix spasojic te bin ut'il la yich' halel ta jtojol. Teme ma hichuque, ya me jna', xchi.

Génesis 21:17

Dios la ya'iybe yoq'uel te querem. Hich te ch'ul a'bat yu'un Dios la yawtay te Agar c'alal ta ch'ulchan: ¿Bin la apas, Agar? Ma xiwat, yu'un Dios a'iybotix te yoq'uel te querem te banti ay.

Génesis 29:32

Hahch yal te Lea, ayin squerem-al, Rubén sbihil, yu'un la yal: Te Jehová la yil te jwocole. Yo'tic, c'ux ya me ya'iyon ta yo'tan te jmamalal, xchi.

Génesis 31:12

La yalbon: Toya asit, ya me awil te puro jisaltic yihc'al, pintohetic soc yantic yilel sch'ahlel te tat chambahlametic te yac scuchbel te yantsilelic, yu'un quilojix spisil te bin la spasbat te Labán.

Génesis 31:42

Te manchuc sjoquinejon te Dios yu'un te jtat, te Dios yu'un Abraham soc te yich'oj ta muc' te Isaac, jochol jc'ab a la aticonon suhtel te hichuque. Pero Dios la yilbon te jwocol soc te ya'tel jc'ab, ha yu'un te la yutat ahc'abe, la yut.

2 Samuel 22:28

Yac acoltay te mach'atic peq'uel ayic, pero yac apehc'an te mach'a toyol ya yac' sba.

2 Reyes 13:4

Te Joacaz la sc'opon te Jehová, a'iybot sc'op yu'un, como la yilbe swocol Israel te a'botic yu'un te ajwalil yu'un Siria.

2 Reyes 20:5

Suhtan bahel, halbeya te Ezequías te príncipal yu'un te pueblo cu'un: Hich ya yal te Jehová te Dios yu'un David te namey tatil awu'un: La jca'iybatix ac'op soc la jquilbatix te ya'lel asit; ya jlecubtesat. Li' ta oxeb c'ahc'al ya xmohat bahel ta sna Jehová.

Nehemías 9:9

La awilbe swocol te jme'jtatcotic ta Egipto, soc la awa'iybe yawic ta Mar Rojo.

Salmos 106:44

Pero ilotic yu'un Dios te c'alal ay swocolic, la ya'iybe yawic;

Salmos 12:6

Te bintic yaloj ya spas te Jehová, mayuc bin capal tey a, hich ayic te bin ut'il plata te lecubtesbil ta horno pasbil ta lum, te huqueb buelta yich'oj lecubtesel.

Salmos 142:3

Te c'alal mayuquix yip co'tan a, ha'at la ana' te be cu'une. Ta banti behenon la snac'bon jyacol.

Salmos 145:19

Ya ya'be te bintic ya sc'an yo'tanic te mach'atic ya yich'ic ta muc'; ya ya'iybe yawic soc ya scoltaylan.

Salmos 22:24

como ma ba la sp'aj soc ma ba la yihlaybe swocol te mach'a ay swocol; ma ba la snac' sba ta stojol, ha la ya'iy te c'alal awtayot yu'une.

Salmos 34:4

La jle te Jehová, la ya'iybon jc'op, la yac'on ta libre yu'un spisil te jxiwele.

Salmos 34:6

C'opoj te pobre winic ini, ha la ya'iy te Jehová soc la yac' ta libre yu'un spisil te swocole.

Salmos 35:22

¡Awilojix, Jehová, ma me xch'abat! ¡Ma me namaluc xawac' aba ta jtojol!

Salmos 9:14

scuenta yu'un ya cal spisil te yutsil ac'oblal ta puertahetic yu'un Sión, soc te tse'el co'tan yu'un te colel awu'une.

Éxodo 1:11

Ha yu'un la yac' jpasawetic ta mandar ta stojol te israeletic scuenta yu'un ya ya'beyic swocolic ta tulan a'tel. La spasbeyic pueblohetic yu'un faraón scuenta sq'uejojibal we'elil, ha te Pitón soc Ramesés.

Éxodo 1:8

Ta patil bahel och yan ajwalil ta Egipto te ma ba la sna'be sba te José. Hich la yalbe te pueblo yu'une:

Éxodo 22:23

Teme yac awuts'in, soc teme ya sc'oponon, ya me ca'iybe te sc'ope;

Éxodo 33:13

Ha yu'un teme lec c'ohemon ta atojol, awocoluc, a'bon jna' te bin ay ta awo'tan, scuenta yu'un ya jna'bat aba soc te lecuc ya xc'ohon ta atojol. Soc na'a me te ha pueblo awu'un te pueblo ini, xchi.

Éxodo 5:10

Hich loq'uic bahel te jtsobawetic soc jsujawetic ta a'tel, la yalbeyic te pueblo: Hich la yal te faraón: Ma ba ya ca'beyexix ac.

Éxodo 5:6

Te faraón hich la spas ta mandar ta yorahil nix te jtsobawetic soc te jsujawetic ta a'tel yu'un te pueblo:

Isaías 63:9

Ta spisil te swocolic, ha nix hich la ya'iy wocol, ha coltayotic yu'un te ch'ul a'bat te ay ta stojol. Ta scuenta sc'uxul yo'tan soc sna'beyel yo'bolil sbahic la yac'ticlan ta libre; la shachticlan, la speticlan bahel spisil ora c'alal ta namey.

Números 20:16

Ha yu'un awonotcotic ta stojol Jehová, la ya'iy jc'opcotic, la sticon tal jtuhl ch'ul a'bat, la sloq'uesotcotic tal ta Egipto. Yo'tic li' ayotcotic ta Cades, te pueblo ay ta sti'il te aq'uinale.

Hechos 7:34

Quilbeyej swocol te pueblo cu'un te ay ta Egipto, soc ca'iybeyej yahcan, ha yu'un cohemon tal ta scoltayel. La' me, ya jticonat bahel ta Egipto, xchi.

Hebreos 4:15

Como te muc'ul sacerdote cu'untic ma yu'unuc ma sna'botic yo'bolil jbahtic yu'un te mayuc quiptic, como hich nix la ya'iy tsajel ta spisil hich te bin ut'il te ho'otic, pero ma ba stahoj smul stuquel.

1 Samuel 9:16

Ta hichilan ora pajel ya jticombat tal jtuhl winic talem ta sq'uinal Benjamín, ha te mach'a yac amalbe aceite scuenta jcuentahinwanej ya xc'oht yu'un te jpueblo Israel. Ha me ya scoltay loq'uel ta sc'ab filisteohetic te pueblo cu'une; yu'un la jquilbeyix swocol te pueblo cu'un, c'ohtix ta jtojol te awetic yu'unique, xchi.