Éxodo 3:6 - Bible in Tzeltal Bachajón

⁶ Soc hich la yal xan: Ho'on Dioson yu'un te atate, ha te Dios yu'un Abraham, te Dios yu'un Isaac, soc te Dios yu'un Jacob, xchi. Ha yu'un te Moisés la smuc yelaw, yu'un la xi' ya yil te Diose.

Bible in Tzeltal de Oxchuc y Tenejapa

⁶ Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

Éxodo 3:6 Iomraidhean Croise

Génesis 12:1

Te Jehová yalbeyejix te Abram: Loc'an bahel ta aq'uinal, ta stojol te mach'atic ay awu'un soc ta sna atat, bahan ta q'uinal te ya ca'bat awil.

Génesis 12:7

Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Génesis 17:3

Ha yu'un te Abram la spahcan sba la ya'be sta lum te yelaw, c'oponot yu'un Dios, hich halbot:

Génesis 24:12

Hich la yal: Jehová, Diosat yu'un te cajwal Abraham, ya calbat wocol te yacuc acoltayon yo'tic, soc yacuc ac'uxultaybon te cajwal Abraham.

Génesis 26:24

Te Jehová tey la yac' sba ta ilel ta ahc'abal ta stojol, hich la yalbe: Ho'on Dioson yu'un te atat Abraham, ma me xiwat, yu'un joquinejat, ya ca'bat bendición, ya cac' p'ohluc ats'umbal ta scuenta bin ut'il c'ux ta co'tan te ca'bat Abraham, xchi.

Génesis 28:13

Te Jehová teq'uel ta yahc'olal, hich la yal: Ho'on Jehovahon, Dioson yu'un atat Abraham, soc Dioson yu'un Isaac. Te lumq'uinal te banti metselat ya ca'bat aq'uinalin soc ats'umbal.

Génesis 28:17

Xiw yo'tan yu'un, hich la yal: ¡Mero xiweltic sba te lugar ini! Yu'unix ha sna Dios soc ha spuertahul te ch'ulchane, xchi.

Génesis 31:42

Te manchuc sjoquinejon te Dios yu'un te jtat, te Dios yu'un Abraham soc te yich'oj ta muc' te Isaac, jochol jc'ab a la aticonon suhtel te hichuque. Pero Dios la yilbon te jwocol soc te ya'tel jc'ab, ha yu'un te la yutat ahc'abe, la yut.

Génesis 32:9

Patil hich la yal te Jacob: Diosat yu'un te jtat Abraham, soc Diosat yu'un te jtat Isaac, Jehová, ha'at te la awalbon: Suhtan bahel ta alumal soc ta stojol awermanotac, lec ya xc'ohat cu'un, te xchihate,

1 Reyes 18:36

C'alal la sta yorahil te ya yich' aq'uel te scohtol chic'bil mahtanil, te jalwanej Elías nohpoj bahel, hich la yal: ¡Jehová, Dios yu'un Abraham, Isaac soc Israel, ac'a ta na'el yo'tic te ha'at Diosat ta Israel soc te ho'on awa'baton, soc te ta scuenta amandar te hich yacon ta spasel!

1 Reyes 19:13

C'alal la ya'iy te Elías, la smac sit ta smehyil-pac', loc' tal ta sti'il te ch'ene. Hich hul c'op ta stojol te hich la yal: ¿Bin yac apas li'i, Elías? xchi.

Nehemías 9:9

La awilbe swocol te jme'jtatcotic ta Egipto, soc la awa'iybe yawic ta Mar Rojo.

Ester 3:4

Jujun c'ahc'al hich la yalbeyic, pero ma ba ich'otic ta cuenta. Ha yu'un baht yalbeyic ya'iy te Amán yu'un ya yilic teme ma ba ya sut sc'op te Mardoqueo, como halbotiquix yu'un te ha judio-winic.

Salmos 132:2

Hich la yal ta jamal ta stojol Jehová, hich yaloj ta stojol te Mach'a yu'un Jacob te ay yu'el:

Éxodo 15:2

Te Jehová ha quip soc ha c'ayoj cu'un, ha jcolel c'ohemix. Ha te Dios cu'un, ya calbe bayel yutsil sc'oblal; ha te Dios yu'un te jtat, ya calbe muc' sc'oblal.

Éxodo 29:45

Ya xnahinon ta yohlil te snich'nab Israel, soc ho'on Dioson yu'unic ya xc'ohon.

Éxodo 3:16

Bahan, tsoba te mamaletic yu'un Israel soc halbeya: Te Jehová te Dios yu'un ame'atatic, te Dios yu'un Abraham, Isaac, soc Jacob la yac' sba ta ilel ta jtojol, hich la yalbon: Ta mero melel la jquilexix soc la jquilix te bin ya xpasbotex ta Egipto.

Éxodo 33:20

Pero ma xhu' yac awilbon te jsit quelaw, como mayuc mach'a ya xhu' ya yilon te cuxul ya xhil, xchi.

Éxodo 4:5

Hich la yal te Jehová: Tey me ya sch'uhunic a te yac'ojix sba ta ilel ta atojol te Jehová te Dios yu'un te ame'atatic, te Dios yu'un Abraham, te Dios yu'un Isaac, soc te Dios yu'un Jacob, xchi.

Jeremías 24:7

Ya ca'be yo'tanic te ya sna'bonic jba te ho'on Jehovahon. Ha pueblo cu'un ya xc'ohtic soc ho'on Dioson yu'unic ya xc'ohon, como spisil yo'tan ya me suhtic tal ta jtojol.

Jeremías 31:33

Hich ay te chapbil-c'op te ya jpas soc te sna Israel ta patil bahel, xchi te Jehová: Ya cac' ta sjolic te ley cu'un soc ya jts'ihbabe ta yo'tanic. Ho'on Dioson yu'unic ya xc'ohon, soc ha pueblo cu'un ya xc'ohtic.

Jeremías 32:38

Ha pueblo cu'un ya xc'ohtic, soc ho'on Dioson yu'unic ya xc'ohon.

Ezequiel 11:20

scuenta yu'un ya st'unic te mandariletic cu'un soc ya sch'uhunic spasel te chapbil mandariletique. Ha pueblo cu'un ya xc'ohtic, soc ho'on Dioson yu'unic ya xc'ohon.

Zacarías 8:8

ya quic'ticlan tal yu'un ya xnahinic ta Jerusalén. Ha pueblo cu'un ya xc'ohtic, soc ho'on Dioson yu'unic ya xc'ohon ta smelelil soc ta scuenta spasel bin toj.

San Mateo 17:6

C'alal hich la ya'iyic te jnopojeletic, la spahcan sbahic ta lum, bayel xiwic yu'un.

San Mateo 22:32

Ho'on Dioson yu'un Abraham, Dioson yu'un Isaac, soc Dioson yu'un Jacob, te xchihe? Ma ha'uc Dios yu'un te mach'atic chamenic, ha Dios yu'un te mach'atic cuxulic, xchi te Jesús.

San Marcos 12:26

Pero te bin ut'il ay sc'oblal te ya xcha'cuxajic te mach'atic chamenic, ¿ma bal ayuc awilojic ta shun Moisés te c'alal c'oponot yu'un Dios ta jpeht ch'ix te hich halbot yu'une: Ho'on Dioson yu'un Abraham, Dioson yu'un Isaac soc Dioson yu'un Jacob, te xchihe?

San Lucas 20:37

Pero te bin ut'il te ya xcha'cuxajic te mach'atic chamenic, ha nix la yac' ta na'el te Moisés te banti ya yalbe sc'oblal te jpeht ch'ix, te c'alal la yalbe sbihil te Cajwaltic: Ha Dios yu'un Abraham, Dios yu'un Isaac, soc Dios yu'un Jacob, te xchihe,

San Lucas 5:8

C'alal hich la yil te Simón Pedro, la squejan sba ta stojol Jesús, hich la yal: Ihquitayawon, Cajwal, yu'un jmulawilon, xchi.

Hechos 7:32

Ho'on Dioson yu'un te me'iltatiletic awu'un, Dioson yu'un te Abraham, Isaac, soc Jacob, xchi. Hahch ta nihquel yu'un xiwel te Moisés, la xi' te la yile.

Hechos 7:34

Quilbeyej swocol te pueblo cu'un te ay ta Egipto, soc ca'iybeyej yahcan, ha yu'un cohemon tal ta scoltayel. La' me, ya jticonat bahel ta Egipto, xchi.

Deuteronomio 6:3

A'iya me awa'iy hiche, Israel, soc tsahtayahic me ta pasel, scuenta yu'un lec ya xc'ohex tey ta q'uinal te banti ya x'oquin leche soc chab soc hich ya xp'ohlex a, hich te bin ut'il la yalbat te Jehová te Dios yu'un te ame'atatique.

Hebreos 11:16

Pero la yahnuytayic te bin lec xan, ha te ch'ulchane. Ha yu'un te Dios ma ba q'uexaw te ya xhalot te ha Dios yu'unic, como ha la schahpambe jun muc'ul pueblo yu'unic.

Hebreos 12:21

Te bin ut'il c'ax xiweltic sba te bin la yilic, hich la yal yu'un te Moisés: Yacon ta nihquel yu'un xiwel, xchi.

Apocalipsis 1:17

Te c'alal la jquile, puch'on ta ye'tal yoc, hich c'ohon te bin ut'il chamenon. La scajambon swa'el-c'ab ta jtojol, hich la yalbon: Ma me xiwat. Ho'on te shahchibalon soc te slajibalon,

Jueces 13:22

Te Manoa hich la yalbe te yihnam: Ya me xchamotic, yu'un la jquiltiquix te Diose, xchi.