Éxodo 3:2 - Bible in Tzeltal Bachajón

² Tey chicnaj ta stojol a te ch'ul a'bat yu'un Jehová ta c'ahc' te yac ta tihlel ta yohlil jpeht ch'ix. La yil te yac ta tihlel te ch'ix, pero ma xlaj ta c'ahq'uel.

Bible in Tzeltal de Oxchuc y Tenejapa

² Tey chicnaj ta stojol a te ch'ul abat yu'un te Cajwaltique, yac ta tilel c'ajc' ta yolil jpejt' ch'ix. La yil Moisés te yac ta tilel te ch'ixe; ja'uc me to, ma xlaj ta c'ajq'uel la yil.

Éxodo 3:2 Iomraidhean Croise

Génesis 21:17

Dios la ya'iybe yoq'uel te querem. Hich te ch'ul a'bat yu'un Dios la yawtay te Agar c'alal ta ch'ulchan: ¿Bin la apas, Agar? Ma xiwat, yu'un Dios a'iybotix te yoq'uel te querem te banti ay.

Génesis 22:11

Pero te ch'ul a'bat yu'un Jehová hich la yawtay c'alal ta ch'ulchan: Abraham, Abraham, xchi. Li' ayoni, xchi te Abraham.

Génesis 48:16

ha te Ch'ul A'bat te la scoltayon loq'uel ta spisil te bintic chopol, ac'a ya'be bendición te queremetic ini. Ac'a yich'bonic hilel te jbihil soc te sbihil te Abraham soc Isaac te tatiletic cu'un, soc bayel ac'a p'ohlicuc ta bahlumilal, xchi.

Salmos 66:12

La awac' sts'o'botcotic ta teq'uel jolcotic te winiquetic; c'axotcotic ta c'ahc' soc ha', pero la awac'otcotic ta banti ay bayel bintic ay.

Éxodo 19:18

Potsot ta ch'ahil spisil te wits Sinaí, yu'un co tal ta yohlil c'ahc' tey a te Jehová. Te ch'ahil xtomet yac ta mohel hich te bin ut'il sch'ahilel horno, soc spisil te wits mero tulan yac ta nihquel.

Éxodo 23:20

Ilawil, ya jticombat ch'ul a'bat cu'un ta atojol yu'un ya scanantayat ta be soc ya yic'at bahel tey ta lugar te ho'on jchahpanej.

Éxodo 24:17

Te yutsilal Jehová hich yilel la yilic te snich'nab Israel te bin ut'il jlajinwanej c'ahc' ta ba wits.

Éxodo 3:16

Bahan, tsoba te mamaletic yu'un Israel soc halbeya: Te Jehová te Dios yu'un ame'atatic, te Dios yu'un Abraham, Isaac, soc Jacob la yac' sba ta ilel ta jtojol, hich la yalbon: Ta mero melel la jquilexix soc la jquilix te bin ya xpasbotex ta Egipto.

Isaías 43:2

Te c'alal ya xc'axat ta ha'etic, ho'on ya joquinat; te c'alal ya c'axat ta muc'ul-ha'etic, ma ba ya smulat. C'alal ya xc'axat ta c'ahc', ma ba ya xchic'at; ma ba ya spetat te yat c'ahq'ue.

Isaías 63:9

Ta spisil te swocolic, ha nix hich la ya'iy wocol, ha coltayotic yu'un te ch'ul a'bat te ay ta stojol. Ta scuenta sc'uxul yo'tan soc sna'beyel yo'bolil sbahic la yac'ticlan ta libre; la shachticlan, la speticlan bahel spisil ora c'alal ta namey.

Daniel 3:27

Te schebal ajwaliletic, te gobernadoretic, capitanetic soc te j'ac'-o'taniletic la stsob sbahic tal ta yilel te winiquetic; la yilic te mayuc bin pasbot yu'un te c'ahc' te sbaq'uetalic, jxuht' ma ba c'ahc' te stsotsel sjolic, mayuc bin pasbot te sc'u' spaq'uic, ni ma chicanuc yic' te ch'ahile.

Zacarías 13:7

¡Hahchan, espada, ta scontrahinel te jcanan cu'un, ta scontrahinel te winic te ha jmohlol! xchi te Jehová te scuentahinej spisil. Mila te jcanan, hich ya xpuhquic bahel te tuminchijetique, ya cac' jc'ab ta scontrahinel te tut tuminchijetique.

Malaquías 3:1

Ilawil, ya jticon talel te jal-c'op cu'un te ya schahpambon te be cu'une. Ora nax ya xtal ta Templo te Ajwalil yac alehbelique; te jal-c'op yu'un te chapbil-c'op, ha te mach'a mulambil awu'unic, yaquix ta talel, xchi te Jehová te scuentahinej spisil.

San Marcos 12:26

Pero te bin ut'il ay sc'oblal te ya xcha'cuxajic te mach'atic chamenic, ¿ma bal ayuc awilojic ta shun Moisés te c'alal c'oponot yu'un Dios ta jpeht ch'ix te hich halbot yu'une: Ho'on Dioson yu'un Abraham, Dioson yu'un Isaac soc Dioson yu'un Jacob, te xchihe?

San Lucas 20:37

Pero te bin ut'il te ya xcha'cuxajic te mach'atic chamenic, ha nix la yac' ta na'el te Moisés te banti ya yalbe sc'oblal te jpeht ch'ix, te c'alal la yalbe sbihil te Cajwaltic: Ha Dios yu'un Abraham, Dios yu'un Isaac, soc Dios yu'un Jacob, te xchihe,

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

Romanos 8:3

Como te bin ma ba hu' yu'un te Ley ta scaj te mayuc yip te ch'ich'-baq'uet, Dios la spas te bin ut'il la sticon tal te Snich'an te hich nix sbaq'uetal te bin ut'il te jmulawil baq'uet, soc ta scaj mulil, hich la yac' ta tojel te mulil ta baq'uet,

Deuteronomio 33:16

soc te c'ax lequil mahtaniletic yu'un te q'uinal soc spisil bintic ya yac', soc te yutsil yo'tan te mach'a nahinem ta jpeht ch'ix; ac'a taluc ta sjol te José, soc ta sti'ba te mach'a príncipe ta yohlil te yermanotaque.

Deuteronomio 4:20

Pero te ha'exe la yiq'uex te Jehová, la sloq'uesex tal ta Egipto, ta horno yu'un taq'uin c'ohem, scuenta yu'un ha pueblo ya c'ohex yu'un, hich te bin ut'il ayex ta ora ini.

2 Tesalonicenses 1:7

soc te ha'ex te ay awocolic ya ya'beyex acux awo'tanic soc ho'otcotic te c'alal ya xchicnaj cohel tal ta ch'ulchan ta yohlil yat c'ahc' te Cajwaltic Jesús soc te ch'ul a'batetic yu'un te ay yipic,

Jueces 13:13

Te ch'ul a'bat yu'un Jehová hich la sjac'be sc'op Manoa: Te ants ya me spas spisil te bintic la jcalbe: