Éxodo 3:12 - Bible in Tzeltal Bachajón

¹² La sjac' te Diose: Ho'on ya joquinat; soc ha seña awu'un ya xc'oht ini te ho'on la jticonat bahel: te c'alal loq'uemix tal awu'un ta Egipto a te pueblo, ya xtal ach'uhuntayonic li' ta wits ini, xchi.

Bible in Tzeltal de Oxchuc y Tenejapa

¹² La sjac' te Diose: —Ya me joinat te bit'il jo'on ya jticunate. Jich me ya ana' stojol a, te c'alal loq'uix tel ta Egipto awu'un a te lum cu'une, apisilic li' me ya xtal aquejan abaic ta jtojol ta bay wits to —xi'.

Éxodo 3:12 Iomraidhean Croise

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

Génesis 15:8

Hich la sjac' te Abram: Cajwal Jehová ¿bin ut'il ya jna' teme ya quich' te q'uinale? xchi.

Génesis 26:3

Nahinan hich te bin ut'il jbehyom li' ta q'uinal ini. Ya joquinat soc ya ca'bat bendición, yu'un ya ca'bat aq'uinalin soc ats'umbal spisil te q'uinal ini, soc ya cac' c'ohtuc ta pasel te bin caloj ta jamal ta stojol te atat Abraham.

Génesis 31:3

Ha yu'un hich halbot yu'un Jehová te Jacob: Suhtan bahel ta slumal atat soc ta banti ay te awermanotac; ya joquinat bahel, xchi.

2 Reyes 19:29

Ha seña ini te ya xc'oht ta atojol, Ezequías: Ta ha'bil ini yac awe'ic bintic hich nax ya xcol, soc ta schebal ha'bil te bintic hich nax ya xcol. Pero ta yoxebal ha'bil yac ats'unic soc yac ac'ajic, yac ats'un ts'usubiletic soc yac alo'beyic sit.

1 Crónicas 9:20

Te Finees snich'an Eleazar, ha jtsobaw yu'unic ta nahil to, soc joquimbil yu'un Jehová.

Salmos 86:17

A'bon quil seña te lec awo'tan ta jtojol, scuenta yu'un te mach'atic ya sp'ajonic ya me yilic soc ya xq'uexawic yu'un, como ha'at, Jehová, la acoltayon soc la awa'bon smuc'ul co'tan.

Éxodo 18:5

Te Jetro te snihal-mamal Moisés, soc te snich'nab soc te yihnam Moisés, talic ta banti ay Moisés ta jochol taquin q'uinal te banti spasoj scampamento ta nopol wits yu'un Dios.

Éxodo 3:1

Te Moisés yac ta scanantaybeyel stuminchij te snihal-mamal Jetro, te sacerdote ta Madián. La yic' bahel te tuminchijetic c'alal ta sjehchelul te jochol taquin q'uinal, c'oht c'alal ta Horeb, te wits yu'un Dios.

Éxodo 3:13

Te Moisés hich la yalbe te Diose: Teme ya xc'oht calbe te snich'nab Israel: Te Dios yu'un te antiguo ame'atatic la sticononix tal ta atojolic, teme xchihone, teme ya sjoc'obonic: ¿Bin sbihil? teme xchihique, ¿bin ya calbe? xchi.

Éxodo 33:14

Hich halbot yu'un Jehová: Ya joquinat bahel, soc ya ca'bat acux awo'tan, xchi.

Éxodo 4:12

Ha yu'un bahan hiche, tey ayon a te ya xc'opojat soc ya ca'bat anop te bin yac awale, xchi.

Éxodo 4:15

Ha'at yac awalbe ya'iy te bin ya xc'oht yal; soc ya jcoltayex ta c'op ta achebalic, soc ya ca'beyex anopic te bin yac apasique.

Éxodo 8:27

Ya xbehenotcotic bahel oxeb c'ahc'al ta jochol taq'uin q'uinal, tey ya ca'becotic milbil smahtan a te Jehová te Dios cu'uncotic, hich te bin ut'il ya yalbotcotique, xchi.

Isaías 37:30

Ha me seña ya xc'oht awu'un ini, Ezequías: Ta ha'bil ini yac awe'ic te bintic hich nax ya xcol, ta schebal ha'bil te bintic ya xcol yu'un, yan ta yoxebal ha'bil yac ats'unic soc yac atsobeyic sit, yac ats'unic ts'usubiltic soc yac alo'beyic sit.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Isaías 43:2

Te c'alal ya xc'axat ta ha'etic, ho'on ya joquinat; te c'alal ya c'axat ta muc'ul-ha'etic, ma ba ya smulat. C'alal ya xc'axat ta c'ahc', ma ba ya xchic'at; ma ba ya spetat te yat c'ahq'ue.

Isaías 7:14

Ha yu'un, ha nix Jehová ya ya'beyex señahil: Ya me xhahch yal te ach'ix, ya me x'ayin squerem-al, Emanuel sbihil ya xc'oht yu'un.

Jeremías 1:8

Ma me xiwat ta stojolic, como joquinejat yu'un ya jcoltayat, xchi te Jehová.

Números 16:28

Te Moisés la yal: Hich me yac ana'ic a te Jehová la sticonon tal ta spasel spisil ini, te ma ha'uc la jpas te bin ya sc'an te co'tane.

Números 23:21

Mayuc mulil yu'un Jacob la yil, mayuc yiloj bin chopol ta Israel. Te Jehová te Dios yu'un, ha sjoquinej, ya yalic te ha ajwalil yu'unic.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

San Marcos 16:20

Hich te jnopojeletic loq'uic bahel ta spuquel ta bayuc te lec yach'il c'op, soc te Cajwaltic yac scoltaybel soc yac yac'bel ta na'el te ha smelelil te sc'op, ta scuenta te señahetic te joquimbilic yu'un. Hichuc.

Hechos 11:21

Joquimbilic yu'un te yu'el Cajwaltic, tsobol mach'atic la sch'uhunic soc la suhtes yo'tanic ta stojol te Cajwaltique.

Hechos 7:7

Pero ya me ca'be castigo te nación te banti ayic ta mosohinel; patil ya xloq'uic tal soc ya yac' sbahic ta a'batinel cu'un li' ta lugar ini, xchi.

Romanos 8:31

¿Bin ya caltiquix yu'un a ini? Teme lec yo'tan Dios ta jtojoltic, ¿mach'a ya xhu' ya scontrahinotic?

Deuteronomio 31:23

Patil te Jehová hich la spas ta mandar te Josué snich'an Nun: Ac'a me fuersa soc ayuc me yip awo'tan, como ha'at yac awic' ochel te snich'nab Israel tey ta q'uinal te jc'axel la jcalbeyic ta jamal te ya ca'beyique. Ho'on me ya joquinat, xchi sc'oblal.

Hebreos 13:5

Ma me xbaht ta awo'tanic sbic'sitayel taq'uin, junuc me awo'tanic yu'un te bin ay awu'unic, como hich yaloj te Diose: Ma jaymehl ya jpihtesat; mayuc bin ora ya quihquitayat, xchi.

Josué 1:5

Mayuc mach'a ya xhu' ya stsalat te jayeb c'ahc'al cuxulat. Hich te bin ut'il la joquin te Moisés, ha nix hich ya joquinat; ma ba ya quihquitayat soc ma ba ya jpihtesat.

Jueces 6:12

Te ch'ul a'bat yu'un Jehová la yac' sba ta ilel ta stojol, hich la yalbe: Sjoquinejat te Jehová, ha'at te tulan winicat soc te ay yip awo'tan, xchi.

Jueces 6:16

Te Jehová la yalbe: Ho'on ya joquinat ta mero melel, ya me atsal te madianetic hich te bin ut'il jtuhl winic, xchi sc'oblal.

Jueces 6:17

Hich la sjac' te Gedeón: Teme lecon ta atojol, awocoluc a'bon seña quil teme melel ha'at te yac ajucbelon ta c'op.

Jueces 6:21

Te ch'ul a'bat yu'un Jehová la shach te snahbate' ay ta sc'ab, la stij a te ti'bal soc te panetic ma ba yich'oj levadura, hich loc' tal c'ahc' ta ton te la schic' te ti'bal soc te pane. Hich ch'ay ta sit te ch'ul a'bat yu'un te Jehová.

Jueces 7:11

ya me awa'iy bin ya yalic. Hich me ya yich' yip awo'tan te ya xcohat bahel ta ya'beyel guerra, xchi. Hich te Gedeón co bahel soc te ya'bat Fura c'alal ta ti'campamento banti ay jcanan-soldadohetic.

1 Samuel 14:10

Pero teme ya yalbotic: Mohanic talel, teme xchihique, ya xmohotic bahel, yu'un la ya'botiquix ta jc'abtic te Jehová; ha me seña cu'untic abi, xchi.