Éxodo 24:4 - Bible in Tzeltal Bachajón

⁴ Te Moisés la sts'ihbay spisil te bin la yal te Jehová. C'alal hahch ta sab, la spas scajtajib smahtan Dios ta ye'tal wits soc la stehc'an lahchayeb bahlal tonetic hich te bin ut'il te lahchaychahp sts'umbal Israel.

Bible in Tzeltal de Oxchuc y Tenejapa

⁴ Te Moisés la sts'ibuy spisil te bila la yal te Cajwaltique. Ta yan c'aal ta buen sab jajch' ta spasel scajtijib ta chiq'uel te milbil smajt'an Dios ta yet'al wits. La slats lajchayeb tonetic te ch'ultesbilique, jujun ta swenta juju-jchajp sts'umbal te israeletique.

Éxodo 24:4 Iomraidhean Croise

Génesis 12:7

Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Génesis 28:18

C'alal sacub q'uinal, hahch te Jacob, la stsac te ton te la sts'amjolin, la stehc'an scuenta seña, soc la smalbe aceite ta sba.

Génesis 28:22

Soc te ton la jtehc'anix scuenta seña, ha sna Dios ya xc'oht; soc spisil bin yac awa'bon, ya ca'bat jun ta slajunebal, xchi.

Génesis 31:45

Ha yu'un te Jacob la sq'uech tal ton, la stehc'an scuenta seña.

1 Reyes 11:30

Te Ahías la stsac te yach'il smuc'ul-c'u' slapoj, la sch'i', lahchayeb (12) loc' yu'un a.

1 Reyes 18:31

La stsac lahchayeb tonetic, hich te bin ut'il yahtalul te jaychahp te snich'nab Jacob, te hich halbot yu'un Jehová: Israel abihil ya xc'oht, te xchihe.

Esdras 6:17

Ta scuenta yaq'uel ta stojol Dios, la yaq'uic ho'winic (100) jcolel torohetic, lajunwinic (200) tat tuminchijetic, jbahc' (400) jcolel tuminchijetic, soc lahchayeb (12) tat tentsunetic scuenta stojel mulil yu'un Israel, hich te bin ut'il jujuchahp sts'umbal Israel.

Nehemías 10:1

Te mach'atic la spasic firmar hich ay: Nehemías snich'anon Hacalías, te gobernador; Sedequías,

Éxodo 17:14

Te Jehová la yalbe te Moisés: Ts'ihbaya ta hun scuenta sna'ojibal, soc halbeya te Josué te ho'on ya jtup'be spisil sna'ojibal te Amalec ta ye'tal ch'ulchan, xchi.

Éxodo 17:15

Te Moisés la spasbe scajtajib smahtan Dios, la ya'be sbihilin: Jehová-nisi,

Éxodo 21:1

Ha'ic ini te mandariletic te yac awa'beyique:

Éxodo 24:7

Patil la stsac te libro yu'un te chapbil-c'op, la yilbe ya'iy te pueblo; hich la yalic yu'un: Ya jpascotic spisil te bin yalojix te Jehová, ya jch'uhuncotic spasel, xchihic.

Éxodo 28:21

Ay lahchayp'ij tonetic hich te bin ut'il ay sbihilic te snich'nab Israel; ya yich' ts'ihbayel ochel tey a hich te bin ut'il sellohetic te sbihil te lahchaychahp, ha jchahp sbihil ta jujup'ij.

Éxodo 34:27

Te Jehová la yalbe te Moisés: Ts'ihbaya te c'opetic ini, como ta scuenta te c'opetic ini la jchap jc'op ta atojol soc ta stojol Israel, xchi.

Isaías 19:19

Ta hich ora ay me scajtajib ta chiq'uel mahtanil yu'un Jehová ta yohlil te sq'uinal Egipto soc ay me pasbil sna'ojibal yu'un Jehová ta smojonil te sq'uinale.

Levítico 24:5

Ya me atsac lequil harina soc yac ata'ajtes lahchaypehch pan, cheb ta slajunebal efa te jujupehche.

Números 17:2

Halbeya te snich'nab Israel te ac'a yich'ic tal snahbate'ic jujutuhl príncipaletic ta jujuchahp, lahchayeb nahbate'eletic hich te bin ut'il te sna sme'statique. Ya me ats'ihbabe sbihilic jujutuhl ta snahbate'ic,

San Lucas 22:30

scuenta yu'un ya xwe' x'uch'ex ta mesa cu'un ta banti ayon ta cuentahinwanej soc ya xhuhcajex ta muc'ul huctajibaletic ta schahpanel te lahchaychahp yu'un Israel, xchi.

Gálatas 2:9

Te Jacobo, Cefas soc te Juan, te ich'bilic ta cuenta te ha yoyal te iglesia, c'alal la yilic te a'tel te a'bibilon, la ya'botcotic swa'el-c'abic ho'on soc te Bernabé scuenta seña te jmohlol jbahtic ta a'tel, scuenta yu'un ho'otcotic ya xbohotcotic ta stojol te jyanlumetic, yan stuquelic ya xbahtic ta stojol te mach'atic yich'ojic circuncisión.

Deuteronomio 31:9

Te Moisés la sts'ihbay te Ley ini soc la ya'be te sacerdotehetic, ha te snich'nab Leví, te la sq'uechic te scaxahul te chapbil-c'op yu'un Jehová, soc la ya'be spisil te mamaletic yu'un Israel.

Josué 4:20

Te Josué tey la stehc'an a te lahchayeb tonetic te la yich'ic loq'uel tal ta muc'ul-ha' Jordán.

Josué 4:5

hich la yalbe: Nahilijanic bahel ta stojol te scaxahul te chapbil-c'op yu'un Jehová te Dios awu'unic ta yohlil te Jordán, ta jujutuhlex q'uechahic bahel jujupis ton, hich te bin ut'il jaychahp snich'nab Israel,

Apocalipsis 21:14

Ay lahchayeb yich'o-ip te ts'ahc yu'un te muc'ul pueblo, tey ts'ihbalambil sbihilic a te lahchaytuhl jpuc-c'opetic yu'un te Jcolel Tuminchije.