Éxodo 23:12 - Bible in Tzeltal Bachajón

¹² Waqueb c'ahc'al ya x'a'tejat, pero ta shuquebal c'ahc'al ya me acux awo'tan, scuenta yu'un ya scux yo'tanic te j'a'tel-wacax soc te burro awu'un, soc yu'un ya xjelon xan yip a te yal acriada soc te jyanlume.

Bible in Tzeltal de Oxchuc y Tenejapa

¹² “Waqueb me c'aal xapas spisil te bitic ay ta pasel awu'une. Ta sjuquebal c'aal ya me acux awo'tan. Jich me ya xcux yo'tanic uuc te awacax soc te aburroe. Jich me ya xcha'yich' xan yip a te awabat soc te mach'a q'uejel taleme.

Éxodo 23:12 Iomraidhean Croise

Nehemías 13:16

Soc ay mach'atic talemic ta Tiro te nahinemic ta Jerusalén te ya yich'ic tal chay soc spisil bintic ya yich' chonel, ya schombeyic ta sc'ahc'alel cux-o'tan te sts'umbal Judá te ayic ta Jerusalén.

Éxodo 16:23

Hich halbotic yu'un te Moisés: Hich ay te bin yaloj te Jehová: Pajel ha'ix te sc'ahc'alel cux-o'tan te ch'ultesbil yu'un Jehová. Te bin ya sc'an yac apayic, payahic yo'tic, soc te bin ya sc'an yac abulantes, bulantesahic; soc spisil te bintic ya spas sobra, q'uejahic yu'un pajel, xchi.

Éxodo 23:11

yan ta shuquebal ha'bil ya me awa'be scux yo'tan, mayuc bin ya yich' awel tey a, scuenta yu'un ha ya swe'ic te pobrehetic te ay ta alumal, soc te bin ya xhil yu'unic ha ya swe' te ha'mal chambahlametique. Ha nix hich xapas soc ats'usubil soc te olivo awu'une.

Éxodo 34:21

Waqueb c'ahc'al ya x'a'tejat, yan te shuquebal c'ahc'al ya me acux awo'tan; aunque yorahil joc'-lum o yorahil c'ajoj, ya me acux awo'tan.

Éxodo 35:2

Waqueb c'ahc'al ay a'tel, yan ta shuquebal c'ahc'al ch'ultesbil me awu'unic, ha sc'ahc'alel cux-o'tan yu'un te Jehová; mach'ayuc te ya x'a'tej a, ya me yich' milel.

Éxodo 35:3

Ma me xanup' ac'ahq'uic ta anahic ta sc'ahc'alel cux-o'tan, xchi.

Isaías 58:3

Hich ya yalic: ¿Bin yu'un ya jcom jwe'elcotic, pero ma ba yac awich' ta cuenta; ya jpehc'an jbahcotic pero mayuc ta cuenta awu'un? xchihic. Ilawil, ta sc'ahc'alel te yac acom awe'elic yac alehic bin yac amulanic soc yac atenic ta a'tel te j'a'teletic awu'unique.

Levítico 23:3

Waqueb c'ahc'al ay a'tel, yan te shuquebal c'ahc'al ha sc'ahc'alel cux-o'tan, ha sc'ahc'alel ch'ul tsoblej; ma me x'a'tejex a. Ha sc'ahc'alel cux-o'tan ta scuenta Jehová ta bayuc te ya xnahinex.

San Marcos 2:27

Soc hich la yalbeyic xan: Te sc'ahc'alel cux-o'tan la yich' aq'uel ta scaj ants-winiquetic, ma ha'uc te ants-winiquetic la yich'ic aq'uel ta scaj te sc'ahc'alel cux-o'tan.

San Lucas 13:14

Pero te principal yu'un te sinagoga ilin yu'un te bin ut'il sc'ahc'alel cux-o'tan a te la ya'iy slecubteswanej te Jesús. Hich la yalbe te ants-winiquetique: Ay waqueb c'ahc'al a'tel; ha ya sc'an ya xtal awac' abahic ta lecubtesel a, ma ha'uc ta sc'ahc'alel cux-o'tan, la yut.