Éxodo 23:1 - Bible in Tzeltal Bachajón

¹ Ma xawal te bin scuenta lehaw ta c'op. Ma junuc xawac' aba soc te mach'a chopol yo'tan ta yalel te bin ma meleluque.

Bible in Tzeltal de Oxchuc y Tenejapa

¹ “Ma me lotil aiyejiluc xawal ta testigo, soc ma me xawac' aba ta testigo yu'un te mach'a amen te bila spasoje.

Éxodo 23:1 Iomraidhean Croise

Génesis 39:17

Ha nix hich la yalbe: Te awa'bat hebreo-winic te la awic' tal, tal ta jtojol yu'un ya c'an sjimbon jc'oblal;

2 Samuel 16:3

Hich joc'obot yu'un te ajwalil: ¿Banti ay te smam awajwal? xchi sc'oblal. Hilem ta Jerusalén, como la yal: Yo'tic te mach'atic ayic ta Israel ya me suhtbonic te ban c'alal smacoj ta ajwalil te jmamuch, xchi.

2 Samuel 19:27

Pero la slehix ta c'op te a'bat awu'un ta stojol te ajwalil cu'un. Pero te ajwalil cu'un hich ay te bin ut'il ch'ul a'bat yu'un Dios. Pasa hiche te bin lec yac awa'iy.

Salmos 101:5

Ya jcom te mach'a muquen ya sle ta c'op te spat-xuhc; ma jc'an te mach'a jtoyba soc te muc' ya yac' sbahe.

Salmos 120:3

¿Bin ya ya'bat te Diose, bin xan ya ya'bat, ha'at jlo'loywanejat?

Salmos 15:3

ha te mach'a ma sle c'op, te mayuc bin chopol ya spasbe te spat-xuhc, soc te ma ba ya sbohlobtesbe sc'oblal;

Salmos 27:12

Ma xawac'on a te bin ya sc'an yo'tanic te jcontratac, yu'un hahchemic lotil testigohetic ta jcontra, ya sjac' yo'tanic ta uts'inwanej.

Salmos 35:11

Ya stehc'an sbahic chopol testigohetic; ya sjoc'obonic te bintic ma jna'.

Éxodo 20:16

Ma me xawal te bin ma meleluc ta stojol apat-axuhc.

Éxodo 23:7

Namaluc me ya xhil awu'un te lotil c'op, soc ma me xawac' ta milel te mach'a mayuc smul soc te mach'a toj yo'tan, como ma ba ya cal te mayuc smul te mach'a chopole.

Proverbios 10:18

Te mach'a ya smuc te il-o'tantaywanej, ya ya'iy lot, soc te mach'a ya spuc ta halel labanel, ma sna' q'uinal.

Proverbios 12:17

Te mach'a melel ya xc'opoj, ha ya yal te bin toje, yan te lotil testigo ya ya'iy lot.

Proverbios 14:5

Te mach'a testigo ta melel, ma xya'iy lot, yan te lotil testigo ya yal lot stuquel.

Proverbios 17:4

Te mach'a chopol, ya ya'iybe sc'op te mach'a chopol bin ya yal; te mach'a jlot, ya ya'iybe sc'op te mach'a chopol te sc'ope.

Proverbios 19:28

Te lotil testigo ya slaban te tojil chahpanel; te ye te mach'a chopol ya sbic' te bin chopole.

Proverbios 19:5

Ya me yich' castigo te lotil testigo, soc ma ba libre ya xc'oht te mach'a ya ya'iy lot.

Proverbios 19:9

Ya me yich' castigo te lotil testigo, soc ya me xlaj te mach'a ya ya'iy lot.

Proverbios 21:28

Te lotil testigo ya me xch'ay bahel, pero te mach'a ya ya'iy schiquin, ya xhu' yu'un sjaq'uel.

Proverbios 24:28

Ma me xatojol lehbe smul apat-axuhc, ma me xawa'iy lot.

Proverbios 25:18

Te mach'a ya yal lotil testigo-c'op ta scontrahinel te spat-xuhc, hich c'ohem te bin ut'il martillo, cuchillo, o ya'tejibal t'ihmalte' te jay sni'ile.

Proverbios 25:23

Te ic' ya xtal ta norte ya yic' tal ha'al; ha nix hich te labanwanej ya yac' chicnajuc ilimba ta sit yelaw.

Proverbios 6:19

te lotil testigo te ma meleluc bin ya yal, soc te mach'a ya shach c'op ta stojol yermanotac.

Jeremías 20:10

La jca'iybe sajsaj c'opic tsobolic te hich ya yalic: ¡Ay tulan xiwel ta bayuc! ¡Halbeyahic smul! ¡Ya jlehbetic smul! xchihic. Spisil te mach'atic jun co'tan soc ya smahliyic te ya jc'ohchin te coque. Hich ya yalic: Ya wan xhu' ta lo'loyel, hich ya jtsaltic soc ya jsutbetic spacol, xchihic.

Levítico 19:11

Ma xawa'iyic elec'; me xawa'iyic lot, soc ma me talel c'axeluc xalotiy abahic.

Levítico 19:16

Ma me xbehenat ta yohlil alumal ta le-c'op. Ma me ayuc bin yac apas te ya xlaj scuxlejal apat-axuhc a. Ho'on, Jehovahon.

San Mateo 19:18

¿Bin mandariletiquil? xchi. La sjac' te Jesús: Ma me xawa'iy milaw; ma me xawa'iy antsiwej; ma me xawa'iy elec'; ma me xlehawanat ta c'op;

San Lucas 19:8

Tehc'aj te Zaqueo, la yalbe te Jesús: Ilawil, Cajwal, ya jq'uebembe pobrehetic ohliluc te jbiluque; soc teme ay mach'a jlo'loybeyej staq'uin, chaneb buelta sjol ya jsutbe, xchi.

San Lucas 3:14

Soc ay soldadohetic la sjoc'obeyic: ¿Haxan te ho'otcotic, bin ya cut jbahcotic? xchihic. Ma me ayuc mach'a yac apojbe staq'uin soc ma me tojoluc nax yac alehbeyic smul yan. Soc junuc me awo'tanic te jayeb yaquex ta tojele, xchi te Juan.

San Juan 7:51

Te Ley cu'untic, ¿ya bal yalbe smul jtuhl winic te ma ba nahil ya x'a'iybot sc'op soc te ya xna'ot bin spasoj? xchi.

Romanos 3:8

¿Bin yu'un ma hichuc ya yich' halel (hich te bin ut'il ya slehonic ta c'op soc ya yalic te hich calojcotic): Ac'a jpastic te bin chopol scuenta yu'un ya xtal te bin lec, te xchihe? Te mach'atic hich ya yalic, stojil me ya yich'ic castigo.

Efesios 4:25

Ha yu'un ac'a hiluc awu'unic lot, ta smelelil c'op xac'oponic apat-axuhquic, como junax baq'uet ayotic ta jpisiltic.

Deuteronomio 5:20

Ma me xale ta c'op scuenta scontrahinel te apat-axuhc.

2 Timoteo 3:3

mayuc sc'uxul yo'tanic, mayuc perdón ta yo'tanic, jlehawetic ta c'op, ma scom sbahic, j'uts'inwanejetic, ihlaybil yu'unic te bintic lec,

1 Pedro 3:16

Lecuc me bin ya yalbat awo'tan, scuenta yu'un ya xq'uexawic te mach'atic chopol bin ya yalbeyic sc'oblal te bintic lec yac apasic te bin ut'il yu'unex Cristo.

Apocalipsis 12:10

Patil la jca'iy ay mach'a tulan c'opoj ta ch'ulchan, hich la yal: Yorahilix te colel, te yu'el soc te cuentahinel yu'un te Dios cu'untic, soc te ya yich' ya'tel te Cristo yu'une. Como ch'ojotix loq'uel te mach'a yac slehbebel smul te quermanotactic, te c'ahc'al ahc'abal yac ta slehbeyel smul ta stojol te Dios cu'untique.