Éxodo 22:3 - Bible in Tzeltal Bachajón

³ Yan teme ta c'ahc'alel, te mach'a milawan ya me smulin teme chame. Te j'elec' ts'acal me ya stoj te bin yelc'anej. Teme mayuc bin ay yu'un, ya me yich' chonel yu'un te yeleq'ue.

Bible in Tzeltal de Oxchuc y Tenejapa

³ Yan teme c'aaleltic, ya me smulin te bit'il milawane. “Te mach'a ya x'elc'aje, ts'acal me ya yac'bey stojol te bila yelc'aneje. O teme ma'yuc staq'uine, ja' me ya yich' chonel, jich me ya stoj a te yeleq'ue.

Éxodo 22:3 Iomraidhean Croise

Génesis 44:10

Hich la yal te mayordomo: Ac'a c'ohtuc ta pasel te bin yac awalique. Te mach'a yich'oj ya xtahbote, ha me ya x'och ta mosohil cu'un, yan te ha'exe, mayuc amulic ya xhilex, xchi sc'oblalic.

Éxodo 21:2

Teme yac aman jtuhl hebreo-winic scuenta awa'bat, waqueb ha'bil ya x'a'tej, ta shuquebal ha'bil ya me xcol ta libre, mayuc bin ya stoj.

Éxodo 21:34

te yajwal te yawil ha' ya me stojbe te yajwal te chambahlam, soc ha yu'un ya xc'oht te chamen chambahlame.

Éxodo 22:2

Teme tahot j'elec' te yac ta ochel ta na a, teme ehchentesot soc teme cham, te mach'a ehchenteswan ma ba ya smulin teme chame.

Isaías 40:2

C'oponahic soc yutsil awo'tanic te Jerusalén, halbeyahic te ts'acayix te yorahil yu'une, te pasbotix perdón yu'un te smule, te cheb buelta stojol spisil smul la yich' ta sc'ab Jehová.

Isaías 50:1

Hich la yal te Jehová: ¿Banti ay te hun te ya yal te la jquihquitaybeyex hilel te ananique? O ¿mach'a a te ay jbet ta stojol te la jchonex hilel yu'un? Ha ta scaj amulic te chombilex, ta scaj ac'axun-mandaric te la yich' ihquitayel te ananique.

San Mateo 18:25

Te bin ut'il ma ba hu' yu'un stojel te sbete, la yal mandar te yajwal te ya yich' chonel soc yihnam soc yal-snich'nab soc spisil bintic ay yu'un scuenta stojel te sbete.

Jueces 10:7

Ha yu'un tihl yilimba Jehová ta stojol Israel, hich a'botic ta sc'ab te filisteohetic soc te amonetic.

Jueces 2:14

Ha yu'un tihl yilimba Jehová ta stojol Israel, hich ac'otic ta sc'ab j'eleq'uetic te talic ta pojbeyel sbiluquic, soc chonticlanotic bahel ta stojol te scontrahic te ayic ta sjoyobal, te ma ba hu'ix yu'unic stsalele.