Éxodo 2:2 - Bible in Tzeltal Bachajón

² La yic' yal, ayin tut querem yu'un. C'alal la yil te buen t'ujbil te alale, la snac' oxeb u.

Bible in Tzeltal de Oxchuc y Tenejapa

² La staic alal, ayin ch'in querem yu'unic. C'alal la yilic te buen t'ujbil te alale, jich la snaq'uic oxeb u.

Éxodo 2:2 Iomraidhean Croise

2 Reyes 11:3

Te Joás la sjoquin ta naq'uel te jcolteswanej yu'un waqueb ha'bil ta sna Jehová te c'alal ay ta ajwalil yu'un Judá a te Atalía.

Salmos 112:5

Lec ya xc'oht te mach'a soc sc'uxul yo'tan ya yac' ta majanel, te stojil ya spas te ya'tele.

Éxodo 6:20

Te Amram la yic' yihnamin te Jocabed te yihts'in stat, te la yalatay te Aarón soc Moisés. Te Amram cuxaj huclajuneb shucwinic (137) ha'bil.

Números 26:59

Te yihnam Amram ha te Jocabed, yantsil-nich'an Leví te ayin c'alal ay ta Egipto a te Leví. Te Jocabed la yalatay te Aarón, Moisés soc María te swixe.

Hechos 7:20

Ha yorahil a te ayin Moisés, te lec yo'tan Dios yu'un. Oxeb u coltesot ta sna sme'stat.

Deuteronomio 33:16

soc te c'ax lequil mahtaniletic yu'un te q'uinal soc spisil bintic ya yac', soc te yutsil yo'tan te mach'a nahinem ta jpeht ch'ix; ac'a taluc ta sjol te José, soc ta sti'ba te mach'a príncipe ta yohlil te yermanotaque.

Hebreos 11:23

Ta scuenta sch'uhunel yo'tanic, te sme'stat te Moisés la snaq'uic oxeb u te c'alal ayin, como la yilic te buen t'ujbil alal, soc ma ba la xi'ic te bin yaloj ta mandar te ajwalile.

1 Samuel 16:12

Hich la sticon ta iq'uel tal, la yic' ochel. Ha tsajal querem, t'ujbil sit yelaw soc lec ta ilel. La yal te Jehová: Hahchan, malbeya aceite, como ha me ini, xchi.